Jeh 7

Teljes szövegű keresés

Jeh 7
Jeh 7.1
וַיִּמְעֲלוּ בְנֵי־יִשְׂרָאֵל מַעַל
בַּחֵרֶם וַיִּקַּח עָכָן בֶּנ־כַּרְמִי
בֶנ־זַבְדִּי בֶנ־זֶרַח לְמַטֵּה
יְהוּדָה מִנ־הַחֵרֶם וַיִּחַר־אַף
יְהוָ בִּבְנֵי יִשְׂרָאֵל׃
Jeh 7.2
וַיִּשְׁלַח יְהוֺשֻׁעַ אֲנָשִׁים מִירִיחוֺ
הָעַי אֲשֶׁר עִמ־בֵּית אָוֶן מִקֶּדֶם
לְבֵית־אֵל וַיֺּאמֶר אֲלֵיהֶם לֵאמֹר
עֲלוּ וְרַגְּלוּ אֶת־הָאָרֶץ וַיַּעֲלוּ
הָאֲנָשִׁים וַיְרַגְּלוּ אֶת־הָעָי׃
Jeh 7.3
וַיָּשֻׁבוּ אֶל־יְהוֺשֻׁעַ וַיֺּאמְרוּ
אֵלָיו אַל־יַעַל כָּל־הָעָם כְּאַלְפַּיִם
אִישׁ אוֺ כִּשְׁלֹשֶׁת אֲלָפִים אִישׁ
יַעֲלוּ וְיַכּוּ אֶת־הָעָי אַל־תְּיַגַּע־שָׁמָּה
אֶת־כָּל־הָעָם כִּי מְעַט הֵמָּה׃
Jeh 7.4
וַיַּעֲלוּ מִנ־הָעָם שָׁמָּה כִּשְׁלֹשֶׁת
אֲלָפִים אִישׁ וַיָּנֻסוּ לִפְנֵי
אַנְשֵׁי הָעָי׃
Jeh 7.5
וַיַּכּוּ מֵהֶם אַנְשֵׁי הָעַי כִּשְׁלֹשִׁים
וְשִׁשָּׁה אִישׁ וַיִּרְדְּפוּם לִפְנֵי
הַשַּׁעַר עַד־הַשְּׁבָרִים וַיַּכּוּם
בַּמּוֺרָד וַיִּמַּס לְבַב־הָעָם וַיְהִי
לְמָיִם׃
Jeh 7.6
וַיִּקְרַע יְהוֺשֻׁעַ שִׂמְלֹתָיו וַיִּפֹּל
עַל־פָּנָיו אַרְצָה לִפְנֵי אֲרוֺן
יְהוָה עַד־הָעֶרֶב הוּא וְזִקְנֵי
יִשְׂרָאֵל וַיַּעֲלוּ עָפָר עַל־רֹאשָׁם׃
Jeh 7.7
וַיֺּאמֶר יְהוֺשֻׁעַ אֲהָהּ אֲדֹנָי
יְהוִה לָמָה הֵעֲבַרְתָּ הַעֲבִיר
אֶת־הָעָם הַזֶּה אֶת־הַיַּרְדֵּן לָתֵת
אֹתָנוּ בְּיַד הָאֱמֹרִי לְהַאֲבִידֵנוּ
וְלוּ הוֺאַלְנוּ וַנֵּשֶׁב בְּעֵבֶר
הַיַּרְדֵּן׃
Jeh 7.8
בִּי אֲדֹנָי מָה אֹמַר אַחֲרֵי
אֲשֶׁר הָפַך יִשְׂרָאֵל עֹרֶף לִפְנֵי
אֹיְבָיו׃
Jeh 7.9
וְיִשְׁמְעוּ הַכְּנַעֲנִי וְכֹל יֺשְׁבֵי
הָאָרֶץ וְנָסַבּוּ עָלֵינוּ וְהִכְרִיתוּ
אֶת־שְׁמֵנוּ מִנ־הָאָרֶץ וּמַה־תַּעֲשֵׂה
לְשִׁמְךָ הַגָּדוֺל׃ ס
Jeh 7.10
וַיֺּאמֶר יְהוָה אֶל־יְהוֺשֻׁעַ קֻם
לָך לָמָּה זֶּה אַתָּה נֺפֵל עַל־פָּנֶיךָ׃
Jeh 7.11
חָטָא יִשְׂרָאֵל וְגַם עָבְרוּ אֶת־בְּרִיתִי
אֲשֶׁר צִוִּיתִי אוֺתָם וְגַם לָקְחוּ
מִנ־הַחֵרֶם וְגַם גָּנְבוּ וְגַם
כִּחֲשׁוּ וְגַם שָׂמוּ בִכְלֵיהֶם׃
Jeh 7.12
וְלֹא יֻכְלוּ בְּנֵי יִשְׂרָאֵל לָקוּם
לִפְנֵי אֹיְבֵיהֶם עֹרֶף יִפְנוּ
לִפְנֵי אֹיְבֵיהֶם כִּי הָיוּ לְחֵרֶם
לֹא אוֺסִיף לִהְיֺות עִמָּכֶמאִמ־לֹא
תַשְׁמִידוּ הַחֵרֶם מִקִּרְבְּכֶם׃
Jeh 7.13
קֻם קַדֵּשׁ אֶת־הָעָם וְאָמַרְתָּ
הִתְקַדְּשׁוּ לְמָחָר כִּי כֹה אָמַר
יְהוָה אֱלֹהֵי יִשְׂרָאֵל חֵרֶם בְּקִרְבְּךָ
יִשְׂרָאֵל לֹא תוּכַל לָקוּמלִפְנֵי
אֹיְבֶיךָ עַד־הֲסִירְכֶם הַחֵרֶם
מִקִּרְבְּכֶם׃
Jeh 7.14
וְנִקְרַבְתֶּם בַּבֹּקֶר לְשִׁבְטֵיכֶם
וְהָיָה הַשֵּׁבֶט אֲשֶׁר־יִלְכְּדֶנּוּ
יְהוָה יִקְרַב לַמִּשְׁפָּחוֺת וְהַמִּשְׁפָּחָה
אֲשֶׁר־יִלְכְּדֶנָּה יְהוָה קְרַב לַבָּתִּים
וְהַבַּיִת אֲשֶׁר יִלְכְּדֶנּוּ יְהוָה
יִקְרַב לַגְּבָרִים׃
Jeh 7.15
וְהָיָה הַנִּלְכָּד בַּחֵרֶם יִשָּׂרֵף
בָּאֵשׁ אֹתוֺ וְאֶת־כָּל־אֲשֶׁר־לוֺ
כִּי עָבַר אֶת־בְּרִית יְהוָה וְכִי־עָשָׂה
נְבָלָה בְּיִשְׂרָאֵל׃
Jeh 7.16
וַיַּשְׁכֵּם יְהוֺשֻׁעַ בַּבֹּקֶר וַיַּקְרֵב
אֶת־יִשְׂרָאֵל לִשְׁבָטָיו וַיִּלָּכֵד
שֵׁבֶט יְהוּדָה׃
Jeh 7.17
וַיַּקְרֵב אֶת־מִשְׁפַּחַת יְהוּדָה
וַיִּלְכֹּד אֵת מִשְׁפַּחַת הַזַּרְחִי
וַיַּקְרֵב אֶת־מִשְׁפַּחַת הַזַּרְחִי
לַגְּבָרִים וַיִּלָּכֵד זַבְדִּי׃
Jeh 7.18
וַיַּקְרֵב אֶת־בֵּיתוֺ לַגְּבָרִים
וַיִּלָּכֵד עָכָן בֶּנ־כַּרְמִי בֶנ־זַבְדִּי
בֶּנ־זֶרַח לְמַטֵּה יְהוּדָה׃
Jeh 7.19
וַיֺּאמֶר יְהוֺשֻׁעַ אֶל־עָכָן בְּנִי
שִׂימ־נָא כָבוֺד לַיהוָה אֱלֹהֵי
יִשְׂרָאֵל וְתֶנ־לוֺ תוֺדָה וְהַגֶּד־נָא
לִי מֶה עָשִׂיתָ אַל־תְּכַחֵד מִמֶּנִּי׃
Jeh 7.20
וַיַּעַן עָכָן אֶת־יְהוֺשֻׁעַ וַיֺּאמַר
אָמְנָה אָנֺכִי חָטָאתִי לַיהוָה
אֱלֹהֵי יִשְׂרָאֵל וְכָזֺאת וְכָזֺאת
עָשִׂיתִי׃
Jeh 7.21
וָאֶרְאֶה 2 וָאֵרֶא בַשָּׁלָל אַדֶּרֶת
שִׁנְעָר אַחַת טוֺבָה וּמָאתַיִם
שְׁקָלִים כֶּסֶף וּלְשׁוֺן זָהָב אֶחָד
חֲמִשִּׁים שְׁקָלִים מִשְׁקָלוֺ וָאֶחְדֵם
וָאֶקָּחֵם וְהִנָּם טְמוּנִים בָּאָרֶץ
בְּתוֺך הָאָהֳלִי וְהַכֶּסֶף תַּחְתֶּיהָ׃
Jeh 7.22
וַיִּשְׁלַח יְהוֺשֻׁעַ מַלְאָכִים וַיָּרֻצוּ
הָאֹהֱלָה וְהִנֵּה טְמוּנָה בְּאָהֳלוֺ
וְהַכֶּסֶף תַּחְתֶּיהָ׃
Jeh 7.23
וַיִּקָּחוּם מִתּוֺך הָאֹהֶל וַיְבִאוּם
אֶל־יְהוֺשֻׁעַ וְאֶל כָּל־בְּנֵי
יִשְׂרָאֵל וַיַּצִּקֻם לִפְנֵי יְהוָה׃
Jeh 7.24
וַיִּקַּח יְהוֺשֻׁעַ אֶת־עָכָן בֶּנ־זֶרַח
וְאֶת־הַכֶּסֶף וְאֶת־הָאַדֶּרֶת וְאֶת־לְשׁוֺן
הַזָּהָב וְאֶת־בָּנָיו וְאֶת־בְּנֺתָיו
וְאֶת־שׁוֺרוֺ וְאֶת־חֲמֹרוֺ וְאֶת־צֹאנֺו
וְאֶת־אָהֳלוֺ וְאֶת־כָּל־אֲשֶׁר־לוֺ
וְכָל־יִשְׂרָאֵל עִמּוֺ וַיַּעֲלוּ אֹתָם
עֵמֶק עָכוֺר׃
Jeh 7.25
וַיֺּאמֶר יְהוֺשֻׁעַ מֶה עֲכַרְתָּנוּ
יַעְכֳּרְךָ יְהוָה בַּיֺּום הַזֶּה וַיִּרְגְּמוּ
אֹתוֺ כָל־יִשְׂרָאֵל אֶבֶן וַיִּשְׂרְפוּ
אֹתָם בָּאֵשׁ וַיִּקְלוּ אֹתָם בָּאֲבָנִים׃
Jeh 7.26
וַיָּקִימוּ עָלָיו גַּל־אֲבָנִים
גָּדוֺל עַד הַיֺּום הַזֶּה וַיָּשָׁב
יְהוָה מֵחֲרוֺן אַפּוֺ עַל־כֵּן
קָרָא שֵׁם הַמָּקוֺם הַהוּא עֵמֶק
עָכוֺרעַד הַיֺּום הַזֶּה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT