Jeh 18

Teljes szövegű keresés

Jeh 18
Jeh 18.1
וַיִּקָּהֲלוּ כָּל־עֲדַת בְּנֵי־יִשְׂרָאֵל
שִׁלֹה וַיַּשְׁכִּינוּ שָׁם אֶת־אֹהֶל
מוֺעֵד וְהָאָרֶץ נִכְבְּשָׁה לִפְנֵיהֶם׃
Jeh 18.2
וַיִּוָּתְרוּ בִּבְנֵי יִשְׂרָאֵל אֲשֶׁר
לֹא־חָלְקוּ אֶת־נַחֲלָתָם שִׁבְעָה
שְׁבָטִים׃
Jeh 18.3
וַיֺּאמֶר יְהוֺשֻׁעַ אֶל־בְּנֵי יִשְׂרָאֵל
עַד־אָנָה אַתֶּם מִתְרַפִּים לָבוֺא
לָרֶשֶׁת אֶת־הָאָרֶץ אֲשֶׁר נָתַן
לָכֶם יְהוָה אֱלֹהֵי אֲבוֺתֵיכֶם׃
Jeh 18.4
הָבוּ לָכֶם שְׁלֹשָׁה אֲנָשִׁים לַשָּׁבֶט
וְאֶשְׁלָחֵם וְיָקֻמוּ וְיִתְהַלְּכוּ
בָאָרֶץ וְיִכְתְּבוּ אוֺתָהּ לְפִי
נַחֲלָתָם וְיָבֹאוּ אֵלָי׃
Jeh 18.5
וְהִתְחַלְּקוּ אֹתָהּ לְשִׁבְעָה חֲלָקִים
יְהוּדָה יַעֲמֹד עַל־גְּבוּלוֺ מִנֶּגֶב
וּבֵית יֺוסֵף יַעַמְדוּ עַל־גְּבוּלָם
מִצָּפוֺן׃
Jeh 18.6
וְאַתֶּם תִּכְתְּבוּ אֶת־הָאָרֶץ שִׁבְעָה
חֲלָקִים וַהֲבֵאתֶם אֵלַי הֵנָּה
וְיָרִיתִי לָכֶם גֺּורָל פֹּה לִפְנֵי
יְהוָה אֱלֹהֵינוּ׃
Jeh 18.7
כִּי אֵינ־חֵלֶק לַלְוִיִּם בְּקִרְבְּכֶם
כִּי־כְהֻנַּת יְהוָה נַחֲלָתוֺ וְגָד
וּרְאוּבֵן וַחֲצִי שֵׁבֶט הַמְנַשֶּׁה
לָקְחוּ נַחֲלָתָם מֵעֵבֶרלַיַּרְדֵּן
מִזְרָחָה אֲשֶׁר נָתַן לָהֶם מֹשֶׁה
עֶבֶד יְהוָה׃
Jeh 18.8
וַיָּקֻמוּ הָאֲנָשִׁים וַיֵּלֵכוּ וַיְצַו
יְהוֺשֻׁעַ אֶת־הַהֹלְכִים לִכְתֹּב
אֶת־הָאָרֶץ לֵאמֹר לְכוּ וְהִתְהַלְּכוּ
בָאָרֶץ וְכִתְבוּ אוֺתָהּ וְשׁוּוּ
אֵלַי וּפֹה אַשְׁלִיך לָכֶם גֺּורָל
לִפְנֵי יְהוָה בְּשִׁלֹה׃
Jeh 18.9
וַיֵּלְכוּ הָאֲנָשִׁים וַיַּעַבְרוּ בָאָרֶץ
וַיִּכְתְּבוּהָ לֶעָרִים לְשִׁבְעָה חֲלָקִים
עַל־סֵפֶר וַיָּבֹאוּ אֶל־יְהוֺשֻׁעַ
אֶל־הַמַּחֲנֶה שִׁלֹה׃
Jeh 18.10
וַיַּשְׁלֵך לָהֶם יְהוֺשֻׁעַ גֺּורָל
בְּשִׁלֹה לִפְנֵי יְהוָה וַיְחַלֶּק־שָׁם
יְהוֺשֻׁעַ אֶת־הָאָרֶץ לִבְנֵי יִשְׂרָאֵל
כְּמַחְלְקֹתָם׃ ף
Jeh 18.11
וַיַּעַל גֺּורַל מַטֵּה בְנֵי־בִנְיָמִן
לְמִשְׁפְּחֹתָם וַיֵּצֵא גְּבוּל גֺּורָלָם
בֵּין בְּנֵי יְהוּדָה וּבֵין בְּנֵי
יֺוסֵף׃
Jeh 18.12
וַיְהִי לָהֶם הַגְּבוּל לִפְאַת
צָפוֺנָה מִנ־הַיַּרְדֵּן וְעָלָה הַגְּבוּל
אֶל־כֶּתֶף יְרִיחוֺ מִצָּפוֺן וְעָלָה
בָהָר יָמָּה 1 וְהָיָה 2 וְהָיוּ תֹּצְאֹתָיו
מִדְבַּרָה בֵּית אָוֶן׃
Jeh 18.13
וְעָבַר מִשָּׁם הַגְּבוּל לוּזָה
אֶל־כֶּתֶף לוּזָה נֶגְבָּה הִיא
בֵּית־אֵל וְיָרַד הַגְּבוּל עַטְרוֺת
אַדָּר עַל־הָהָר אֲשֶׁר מִנֶּגֶב לְבֵית־חֹרוֺן
תַּחְתּוֺן׃
Jeh 18.14
וְתָאַר הַגְּבוּל וְנָסַב לִפְאַת־יָם
נֶגְבָּה מִנ־הָהָר אֲשֶׁר עַל־פְּנֵי
בֵית־חֹרוֺן נֶגְבָּה 1 וְהָיָה 2 וְהָיוּ
תֹצְאֹתָיו אֶל־קִרְיַת־בַּעַל הִיא
קִרְיַת יְעָרִים עִיר בְּנֵי יְהוּדָה
זֺאת פְּאַת־יָם׃
Jeh 18.15
וּפְאַת־נֶגְבָּה מִקְצֵה קִרְיַת יְעָרִים
וְיָצָא הַגְּבוּל יָמָּה וְיָצָא
אֶל־מַעְיַן מֵי נֶפְתּוֺחַ׃
Jeh 18.16
וְיָרַד הַגְּבוּל אֶל־קְצֵה הָהָר
אֲשֶׁר עַל־פְּנֵי גֵּי בֶנ־הִנֺּם
אֲשֶׁר בְּעֵמֶק רְפָאִים צָפוֺנָה
וְיָרַד גֵּי הִנֺּם אֶל־כֶּתֶף הַיְבוּסִינֶגְבָּה
וְיָרַד עֵין רֹגֵל׃
Jeh 18.17
וְתָאַר מִצָּפוֺן וְיָצָא עֵין
שֶׁמֶשׁ וְיָצָא אֶל־גְּלִילוֺת אֲשֶׁר־נֺכַח
מַעֲלֵה אֲדֻמִּים וְיָרַד אֶבֶן
בֹּהַן בֶּנ־רְאוּבֵן׃
Jeh 18.18
וְעָבַר אֶל־כֶּתֶף מוּל־הָעֲרָבָה
צָפוֺנָה וְיָרַד הָעֲרָבָתָה׃
Jeh 18.19
וְעָבַר הַגְּבוּל אֶל־כֶּתֶף בֵּית־חָגְלָה
צָפוֺנָה 1 וְהָיָה 2 וְהָיוּ 1 תֹּצְאוֺתָיו 2 תֹּצְאוֺת
הַגְּבוּל אֶל־לְשׁוֺן יָמ־הַמֶּלַח
צָפוֺנָה אֶל־קְצֵה הַיַּרְדֵּן נֶגְבָּה
זֶה גְּבוּל נֶגֶב׃
Jeh 18.20
וְהַיַּרְדֵּן יִגְבֹּל־אֹתוֺ לִפְאַת־קֵדְמָה
זֺאת נַחֲלַת בְּנֵי בִנְיָמִן לִגְבוּלֹתֶיהָ
סָבִיב לְמִשְׁפְּחֹתָם׃
Jeh 18.21
וְהָיוּ הֶעָרִים לְמַטֵּה בְּנֵי
בִנְיָמִן לְמִשְׁפְּחוֺתֵיהֶם יְרִיחוֺ
וּבֵית־חָגְלָה וְעֵמֶק קְצִיץ׃
Jeh 18.22
וּבֵית הָעֲרָבָה וּצְמָרַיִם וּבֵית־אֵל׃
Jeh 18.23
וְהָעַוִּים וְהַפָּרָה וְעָפְרָה׃
Jeh 18.24
וּכְפַר 1 הָעַמֹּנִי 2 הָעַמֹּנָה וְהָעָפְנִי
וָגָבַע עָרִים שְׁתֵּימ־עֶשְׂרֵה וְחַצְרֵיהֶן׃
Jeh 18.25
גִּבְעוֺן וְהָרָמָה וּבְאֵרוֺת׃
Jeh 18.26
וְהַמִּצְפֶּה וְהַכְּפִירָה וְהַמֹּצָה׃
Jeh 18.27
וְרֶקֶם וְיִרְפְּאֵל וְתַרְאֲלָה׃
Jeh 18.28
וְצֵלַע הָאֶלֶף וְהַיְבוּסִי הִיא
יְרוּשָׁלִַם גִּבְעַת קִרְיַת עָרִים
אַרְבַּע־עֶשְׂרֵה וְחַצְרֵיהֶן זֺאת
נַחֲלַת בְּנֵי־בִנְיָמִן לְמִשְׁפְּתָם׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT