Jeh 14

Teljes szövegű keresés

Jeh 14
Jeh 14.1
וְאֵלֶּה אֲשֶׁר־נָחֲלוּ בְנֵי־יִשְׂרָאֵל
בְּאֶרֶץ כְּנָעַן אֲשֶׁר נִחֲלוּ אוֺתָם
אֶלְעָזָר הַכֹּהֵן וִיהוֺשֻׁעַ בִּנ־נוּן
וְרָאשֵׁי אֲבוֺת הַמַּטּוֺת לִבְנֵי
יִשְׂרָאֵל׃
Jeh 14.2
בְּגֺורַל נַחֲלָתָם כַּאֲשֶׁר צִוָּה
יְהוָה בְּיַד־מֹשֶׁה לְתִשְׁעַת הַמַּטּוֺת
וַחֲצִי הַמַּטֶּה׃
Jeh 14.3
כִּי־נָתַן מֹשֶׁה נַחֲלַת שְׁנֵי הַמַּטּוֺת
וַחֲצִי הַמַּטֶּה מֵעֵבֶר לַיַּרְדֵּן
וְלַלְוִיִּם לֹא־נָתַן נַחֲלָה בְּתוֺכָם׃
Jeh 14.4
כִּי־הָיוּ בְנֵי־יֺוסֵף שְׁנֵי
מַטּוֺת מְנַשֶּׁה וְאֶפְרָיִם וְלֹא־נָתְנוּ
חֵלֶק לַלְוִיִּם בָּאָרֶץ כִּי אִמ־עָרִים
לָשֶׁבֶת וּמִגְרְשֵׁיהֶם לְקְנֵיהֶם
וּלְקִנְיָנָם׃
Jeh 14.5
כַּאֲשֶׁר צִוָּה יְהוָה אֶת־מֹשֶׁה
כֵּן עָשׂוּ בְּנֵי יִשְׂרָאֵל וַיַּחְלְקוּ
אֶת־הָאָרֶץ׃ ף
Jeh 14.6
וַיִּגְּשׁוּ בְנֵי־יְהוּדָה אֶל־יְהוֺשֻׁעַ
בַּגִּלְגָּל וַיֺּאמֶר אֵלָיו כָּלֵב
בֶּנ־יְפֻנֶּה הַקְּנִזִּי אַתָּה יָדַעְתָּ
אֶת־הַדָּבָר אֲשֶׁר־דִּבֶּר יְהוָה
אֶל־מֹשֶׁה אִישׁ־הָאֱלֹהִים עַל
אֹדוֺתַי וְעַל אֹדוֺתֶיךָ בְּקָדֵשׁ
בַּרְנֵעַ׃
Jeh 14.7
בֶּנ־אַרְבָּעִים שָׁנָה אָנֺכִי בִּשְׁלֹחַ
מֹשֶׁה עֶבֶד־יְהוָה אֹתִי מִקָּדֵשׁ
בַּרְנֵעַ לְרַגֵּל אֶת־הָאָרֶץ וָאָשֵׁב
אֹתוֺ דָּבָר כַּאֲשֶׁר עִמ־לְבָבִי׃
Jeh 14.8
וְאַחַי אֲשֶׁר עָלוּ עִמִּי הִמְסִיו
אֶת־לֵב הָעָם וְאָנֺכִי מִלֵּאתִי
אַחֲרֵי יְהוָה אֱלֹהָי׃
Jeh 14.9
וַיִּשָּׁבַע מֹשֶׁה בַּיֺּום הַהוּא
לֵאמֹר אִמ־לֹא הָאָרֶץ אֲשֶׁר דָּרְכָה
רַגְלְךָ בָּהּ לְךָ תִהְיֶה לְנַחֲלָה
וּלְבָנֶיךָ עַד־עוֺלָם כִּימִלֵּאתָ
אַחֲרֵי יְהוָה אֱלֹהָי׃
Jeh 14.10
וְעַתָּה הִנֵּה הֶחֱיָה יְהוָה אוֺתִי
כַּאֲשֶׁר דִּבֵּר זֶה אַרְבָּעִים וְחָמֵשׁ
שָׁנָה מֵאָז דִּבֶּר יְהוָה אֶת־הַדָּבָר
הַזֶּה אֶל־מֹשֶׁה אֲשֶׁר־הָלַך יִשְׂרָאֵל
בַּמִּדְבָּר וְעַתָּה הִנֵּה אָנֺכִי
הַיֺּום בֶּנ־חָמֵשׁ וּשְׁמוֺנִים שָׁנָה׃
Jeh 14.11
עוֺדֶנִּי הַיֺּום חָזָק כַּאֲשֶׁר בְּיֺום
שְׁלֹחַ אוֺתִי מֹשֶׁה כְּכֹחִי אָז
וּכְכֹחִי עָתָּה לַמִּלְחָמָה וְלָצֵאת
וְלָבוֺא׃
Jeh 14.12
וְעַתָּה תְּנָה־לִּי אֶת־הָהָר הַזֶּה
אֲשֶׁר־דִּבֶּר יְהוָה בַּיֺּום הַהוּא
כִּי אַתָּה־שָׁמַעְתָּ בַיֺּום הַהוּא
כִּי־עֲנָקִים שָׁם וְעָרִים דֹלוֺת
בְּצֻרוֺת אוּלַי יְהוָה אוֺתִי
וְהוֺרַשְׁתִּים כַּאֲשֶׁר דִּבֶּר יְהוָה׃
Jeh 14.13
וַיְבָרְכֵהוּ יְהוֺשֻׁעַ וַיִּתֵּן אֶת־חֶבְרוֺן
לְכָלֵב בֶּנ־יְפֻנֶּה לְנַחֲלָה׃
Jeh 14.14
עַל־כֵּן הָיְתָה־חֶבְרוֺן לְכָלֵב
בֶּנ־יְפֻנֶּה הַקְּנִזִּי לְנַחֲלָה
עַד הַיֺּום הַזֶּה יַעַן אֲשֶׁר מִלֵּא
אַחֲרֵי יְהוָה אֱלֹהֵי יִשְׂרָאֵל׃
Jeh 14.15
וְשֵׁם חֶבְרוֺן לְפָנִים קִרְיַת
אַרְבַּע הָאָדָם הַגָּדוֺל בָּעֲנָקִים
הוּא וְהָאָרֶץ שָׁקְטָה מִמִּלְחָמָה׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT