1Reg 17

Teljes szövegű keresés

1Reg 17
1Reg 17.1
וַיֺּאמֶר אֵלִיָּהוּ הַתִּשְׁבִּי מִתֹּשָׁבֵי
גִלְעָד אֶל־אַחְאָב חַי־יְהוָה
אֱלֹהֵי יִשְׂרָאֵל אֲשֶׁר עָמַדְתִּי
לְפָנָיו אִמ־יִהְיֶה הַשָּׁנִים הָאֵלֶּה
טַל וּמָטָר כִּי אִמ־לְפִי דְבָרִי׃
ס
1Reg 17.2
וַיְהִי דְבַר־יְהוָה אֵלָיו לֵאמֹר׃
1Reg 17.3
לֵך מִזֶּה וּפָנִיתָ לְּךָ קֵדְמָה
וְנִסְתַּרְתָּ בְּנַחַל כְּרִית אֲשֶׁר
עַל־פְּנֵי הַיַּרְדֵּן׃
1Reg 17.4
וְהָיָה מֵהַנַּחַל תִּשְׁתֶּה וְאֶת־הָעֹרְבִים
צִוִּיתִי לְכַלְכֶּלְךָ שָׁם׃
1Reg 17.5
וַיֵּלֶך וַיַּעַשׂ כִּדְבַר יְהוָה וַיֵּלֶך
וַיֵּשֶׁב בְּנַחַל כְּרִית אֲשֶׁר עַל־פְּנֵי
הַיַּרְדֵּן׃
1Reg 17.6
וְהָעֹרְבִים מְבִיאִים לוֺ לֶחֶם
וּבָשָׂר בַּבֹּקֶר וְלֶחֶם וּבָשָׂר
בָּעָרֶב וּמִנ־הַנַּחַל יִשְׁתֶּה׃
1Reg 17.7
וַיְהִי מִקֵּץ יָמִים וַיִּיבַשׁ הַנָּחַל
כִּי לֹא־הָיָה גֶשֶׁם בָּאָרֶץ׃
ס
1Reg 17.8
וַיְהִי דְבַר־יְהוָה אֵלָיו לֵאמֹר׃
1Reg 17.9
קוּם לֵך צָרְפַתָה אֲשֶׁר לְצִידוֺן
וְיָשַׁבְתָּ שָׁם הִנֵּה צִוִּיתִי שָׁם
אִשָּׁה אַלְמָנָה לְכַלְכְּלֶךָ׃
1Reg 17.10
וַיָּקָם וַיֵּלֶך צָרְפַתָה וַיָּבֹא
אֶל־פֶּתַח הָעִיר וְהִנֵּה־שָׁם
אִשָּׁה אַלְמָנָה מְקֹשֶׁשֶׁת עֵצִים
וַיִּקְרָא אֵלֶיהָ וַיֺּאמַר קְחִי־נָא
לִי מְעַט־מַיִם בַּכְּלִי וְאֶשְׁתֶּה׃
1Reg 17.11
וַתֵּלֶך לָקַחַת וַיִּקְרָא אֵלֶיהָ
וַיֺּאמַר לִקְחִי־נָא לִי פַּת־לֶחֶם
בְּיָדֵך׃
1Reg 17.12
וַתֹּאמֶר חַי־יְהוָה אֱלֹהֶיךָ אִמ־יֶשׁ־לִי
מָעוֺג כִּי אִמ־מְלֹא כַפ־קֶמַח
בַּכַּד וּמְעַט־שֶׁמֶן בַּצַּפָּחַת וְהִנְנִי
מְקֹשֶׁשֶׁת שְׁנַיִם עֵצִם וּבָאתִי
וַעֲשִׂיתִיהוּ לִי וְלִבְנִי וַאֲכַלְנֻהוּ
וָמָתְנוּ׃
1Reg 17.13
וַיֺּאמֶר אֵלֶיהָ אֵלִיָּהוּ אַל־תִּירְאִי
בֹּאִי עֲשִׂי כִדְבָרֵך אַך עֲשִׂי־לִי
מִשָּׁם עֻגָה קְטַנָּה בָרִאשֹׁנָה
וְהוֺצֵאתְ לִי וְלָך וְלִבְנֵך תַּעֲשִׂי
בָּאַחֲרֹנָה׃ ס
1Reg 17.14
כִּי כֹה אָמַר יְהוָה אֱלֹהֵי
יִשְׂרָאֵל כַּד הַקֶּמַח לֹא תִכְלָה
וְצַפַּחַת הַשֶּׁמֶן לֹא תֶחְסָר עַד
יֺום 1 תִּתֶּן 2 תֵּת־יְהוָה גֶּשֶׁם ל־פְּנֵי
הָאֲדָמָה׃
1Reg 17.15
וַתֵּלֶך וַתַּעֲשֶׂה כִּדְבַר אֵלִיָּהוּ
וַתֹּאכַל 1 הוּא 2 הִיא־וָהִיא 2 וָהוּא
וּבֵיתָהּ יָמִים׃
1Reg 17.16
כַּד הַקֶּמַח לֹא כָלָתָה וְצַפַּחַת
הַשֶּׁמֶן לֹא חָסֵר כִּדְבַר יְהוָה
אֲשֶׁר דִּבֶּר בְּיַד אֵלִיָּהוּ׃ ף
1Reg 17.17
וַיְהִי אַחַר הַדְּבָרִים הָאֵלֶּה
חָלָה בֶּנ־הָאִשָּׁה בַּעֲלַת הַבָּיִת
וַיְהִי חָלְיֺו חָזָק מְאֹד עַד
אֲשֶׁר לֹא־נֺותְרָה־בּוֺ נְשָׁמָה׃
1Reg 17.18
וַתֹּאמֶר אֶל־אֵלִיָּהוּ מַה־לִּי
וָלָך אִישׁ הָאֱלֹהִים בָּאתָ אֵלַי
לְהַזְכִּיר אֶת־עֲוֺנִי וּלְהָמִית
אֶת־בְּנִי׃
1Reg 17.19
וַיֺּאמֶר אֵלֶיהָ תְּנִי־לִי אֶת־בְּנֵך
וַיִּקָּחֵהוּ מֵחֵיקָהּ וַיַּעֲלֵהוּ
אֶל־הָעֲלִיָּה אֲשֶׁר־הוּא יֺשֵׁב
שָׁם וַיַּשְׁכִּבֵהוּ עַל־מִטָּתוֺ
1Reg 17.20
וַיִּקְרָא אֶל־יְהוָה וַיֺּאמַר יְהוָה
אֱלֹהָי הֲגַם עַל־הָאַלְמָנָה אֲשֶׁר־אֲנִי
מִתְגֺּורֵר עִמָּהּ הֲרֵעוֺתָ לְהָמִית
אֶת־בְּנָהּ׃
1Reg 17.21
וַיִּתְמֹדֵד עַל־הַיֶּלֶד שָׁלֹשׁ פְּעָמִים
וַיִּקְרָא אֶל־יְהוָה וַיֺּאמַר יְהוָה
אֱלֹהָי תָּשָׁב נָא נֶפֶשׁ־הַיֶּלֶד
הַזֶּה עַל־קִרְבּוֺ׃
1Reg 17.22
וַיִּשְׁמַע יְהוָה בְּקוֺל אֵלִיָּהוּ
וַתָּשָׁב נֶפֶשׁ־הַיֶּלֶד עַל־קִרְבּוֺ
וַיֶּחִי׃
1Reg 17.23
וַיִּקַּח אֵלִיָּהוּ אֶת־הַיֶּלֶד וַיֺּרִדֵהוּ
מִנ־הָעֲלִיָּה הַבַּיְתָה וַיִּתְּנֵהוּ
לְאִמּוֺ וַיֺּאמֶר אֵלִיָּהוּ רְאִי
חַי בְּנֵך׃
1Reg 17.24
וַתֹּאמֶר הָאִשָּׁה אֶל־אֵלִיָּהוּ
עַתָּה זֶה יָדַעְתִּי כִּי אִישׁ אֱלֹהִים
אָתָּה וּדְבַר־יְהוָה בְּפִיךָ אֱמֶת׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT