2Chron 5

Teljes szövegű keresés

2Chron 5
2Chron 5.1
וַתִּשְׁלַם כָּל־הַמְּלָאכָה אֲשֶׁר־עָשָׂה
שְׁלֹמֹה לְבֵית יְהוָה ס וַיָּבֵא
שְׁלֹמֹה אֶת־קָדְשֵׁי דָּוִיד אָבִיו
וְאֶת־הַכֶּסֶף וְאֶת־הַזָּהָב וְאֶת־כָּלהַכֵּלִים
נָתַן בְּאֹצְרוֺת בֵּית הָאֱלֹהִים׃
ף
2Chron 5.2
אָז יַקְהֵיל שְׁלֹמֹה אֶת־זִקְנֵי
יִשְׂרָאֵל וְאֶת־כָּל־רָאשֵׁי הַמַּטּוֺת
נְשִׂיאֵי הָאָבוֺת לִבְנֵי יִשְׂרָאֵל
אֶל־יְרוּשָׁלִָם לְהַעֲלוֺת אֶת־אֲרוֺן
בְּרִית־יְהוָה מֵעִיר דָּוִיד
הִיא צִיֺּון׃
2Chron 5.3
וַיִּקָּהֲלוּ אֶל־הַמֶּלֶך כָּל־אִישׁ
יִשְׂרָאֵל בֶּחָג הוּא הַחֹדֶשׁ הַשְּׁבִעִי׃
2Chron 5.4
וַיָּבֹאוּ כֹּל זִקְנֵי יִשְׂרָאֵל וַיִּשְׂאוּ
הַלְוִיִּם אֶת־הָאָרוֺן׃
2Chron 5.5
וַיַּעֲלוּ אֶת־הָאָרוֺן וְאֶת־אֹהֶל
מוֺעֵד וְאֶת־כָּל־כְּלֵי הַקֹּדֶשׁ
אֲשֶׁר בָּאֹהֶל הֶעֱלוּ אֹתָם הַכֹּהֲנִים
הַלְוִיִּם׃
2Chron 5.6
וְהַמֶּלֶך שְׁלֹמֹה וְכָל־עֲדַת יִשְׂרָאֵל
הַנֺּועָדִים עָלָיו לִפְנֵי הָאָרוֺן
מְזַבְּחִים צֹאן וּבָקָר אֲשֶׁר
לֹא־יִסָּפְרוּ וְלֹא יִמָּנוּ מֵרֹב׃
2Chron 5.7
וַיָּבִיאוּ הַכֹּהֲנִים אֶת־אֲרוֺן
בְּרִית־יְהוָה אֶל־מְקוֺמוֺ אֶל־דְּבִיר
הַבַּיִת אֶל־קֹדֶשׁ הַקְּדָשִׁים אֶל־תַּחַת
כַּנְפֵי הַכְּרוּבִים׃
2Chron 5.8
וַיִּהְיוּ הַכְּרוּבִים פֹּרְשִׂים כְּנָפַיִם
עַל־מְקוֺם הָאָרוֺן וַיְכַסּוּ
הַכְּרוּבִים עַל־הָאָרוֺן וְעַל־בַּדָּיו
מִלְמָעְלָה׃
2Chron 5.9
וַיַּאֲרִיכוּ הַבַּדִּים וַיֵּרָאוּ
רָאשֵׁי הַבַּדִּים מִנ־הָאָרוֺן עַל־פְּנֵי
הַדְּבִיר וְלֹא יֵרָאוּ הַחוּצָה
וַיְהִי־שָׁם עַד הַיֺּום הַזֶּה׃
2Chron 5.10
אֵין בָּאָרוֺן רַק שְׁנֵי הַלֻּחוֺת
אֲשֶׁר־נָתַן מֹשֶׁה בְּחֹרֵב אֲשֶׁר
כָּרַת יְהוָה עִמ־בְּנֵי יִשְׂרָאֵל
בְּצֵאתָם מִמִּצְרָיִם׃ ף
2Chron 5.11
וַיְהִי בְּצֵאת הַכֹּהֲנִים מִנ־הַקֹּדֶשׁ
כִּי כָּל־הַכֹּהֲנִים הַנִּמְצְאִים
הִתְקַדָּשׁוּ אֵין לִשְׁמוֺר לְמַחְלְקוֺת׃
2Chron 5.12
וְהַלְוִיִּם הַמְשֹׁרֲרִים לְכֻלָּם
לְאָסָף לְהֵימָן לִידֻתוּן וְלִבְנֵיהֶם
וְלַאֲחֵיהֶם מְלֻבָּשִׁים בּוּץ בִּמְצִלְתַּיִם
וּבִנְבָלִים וְכִנֺּרוֺ עֹמְדִים מִזְרָח
לַמִּזְבֵּחַ וְעִמָּהֶם כֹּהֲנִים לְמֵאָה
וְעֶשְׂרִים 1 מַחְצְרִרִים 2 מַחְצְרִים
בַּחֲצֹצְרוֺת׃
2Chron 5.13
וַיְהִי כְאֶחָד 1 לַמַּחֲצֹצְרִים 2 לַמְחַצְּרִים
וְלַמְשֹׁרֲרִים לְהַשְׁמִיעַ קוֺל־אֶחָד
לְהַלֵּל וּלְהֹדוֺת לַיהוָה וּכְהָרִים
קוֺל בַּחֲצֹצְרוֺת וּמְצִלְתַּיִם וּבִכְלֵי
הַשִּׁיר וּבְהַלֵּל לַיהוָה כִּי טוֺב
כִּי לְעוֺלָם חַסְדּוֺ וְהַבַּיִת מָלֵא
עָנָן בֵּית יְהוָה׃
2Chron 5.14
וְלֹא־יָכְלוּ הַכֹּהֲנִים לַעֲמוֺד
לְשָׁרֵת מִפְּנֵי הֶעָנָן כִּי־מָלֵא
כְבוֺד־יְהוָה אֶת־בֵּית הָאֱלֹהִים׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT