2Chron 20

Teljes szövegű keresés

2Chron 20
2Chron 20.1
וַיְהִי אַחֲרֵיכֵן בָּאוּ בְנֵי־מוֺאָב
וּבְנֵי עַמּוֺן וְעִמָּהֶם מֵהָעַמּוֺנִים
עַל־יְהוֺשָׁפָט לַמִּלְחָמָה׃
2Chron 20.2
וַיָּבֹאוּ וַיַּגִּידוּ לִיהוֺשָׁפָט
לֵאמֹר בָּא עָלֶיךָ הָמוֺן רָב
מֵעֵבֶר לַיָּם מֵאֲרָם וְהִנָּם בְּחַצְצוֺן
תָּמָר הִיא עֵין גֶּדִי׃
2Chron 20.3
וַיִּרָא וַיִתֵּן יְהוֺשָׁפָט אֶת־פָּנָיו
לִדְרוֺשׁ לַיהוָה וַיִּקְרָא־צוֺם
עַל־כָּל־יְהוּדָה׃
2Chron 20.4
וַיִּקָּבְצוּ יְהוּדָה לְבַקֵּשׁ מֵיְהוָה
גַּם מִכָּל־עָרֵי יְהוּדָה בָּאוּ
לְבַקֵּשׁ אֶת־יְהוָה׃
2Chron 20.5
וַיַּעֲמֹד יְהוֺשָׁפָט בִּקְהַל יְהוּדָה
וִירוּשָׁלִַם בְּבֵית יְהוָה לִפְנֵי
הֶחָצֵר הַחֲדָשָׁה׃
2Chron 20.6
וַיֺּאמַר יְהוָה אֱלֹהֵי אֲבֹתֵינוּ
הֲלֹא אַתָּה־הוּא אֱלֹהִים בַּשָּׁמַיִם
וְאַתָּה מוֺשֵׁל בְּכֹל מַמְלְכוֺת
הַגֺּויִם וּבְיָדְךָ כֹּחַ וּבוּרָה
וְאֵין עִמְּךָ לְהִתְיַצֵּב׃
2Chron 20.7
הֲלֹא אַתָּה אֱלֹהֵינוּ הוֺרַשְׁתָּ
אֶת־יֺשְׁבֵי הָאָרֶץ הַזֺּאת מִלִּפְנֵי
עַמְּךָ יִשְׂרָאֵל וַתִּתְּנָהּ לְזֶרַע
אַבְרָהָם אֹהַבְךָ לְעוֺלָם׃
2Chron 20.8
וַיֵּשְׁבוּ־בָהּ וַיִּבְנוּ לְךָ בָּהּ
מִקְדָּשׁ לְשִׁמְךָ לֵאמֹר׃
2Chron 20.9
אִמ־תָּבוֺא עָלֵינוּ רָעָה חֶרֶב
שְׁפוֺט וְדֶבֶר וְרָעָב נַעַמְדָה
לִפְנֵי הַבַּיִת הַזֶּה וּלְפָנֶיךָ
כִּי שִׁמְךָ בַּבַּיִת הַזֶּה וְנִזְעַק
לֶיךָ מִצָּרָתֵנוּ וְתִשְׁמַע וְתוֺשִׁיעַ׃
2Chron 20.10
וְעַתָּה הִנֵּה בְנֵי־עַמּוֺן וּמוֺאָב
וְהַר־שֵׂעִיר אֲשֶׁר לֹא־נָתַתָּה
לְיִשְׂרָאֵל לָבוֺא בָהֶם בְּבֹאָם
מֵאֶרֶץ מִצְרָיִם כִּי סָרוּ מֵעֲלֵיהֶם
וְלֹא הִשְׁמִידוּם׃
2Chron 20.11
וְהִנֵּה־הֵם גֺּמְלִים עָלֵינוּ לָבוֺא
לְגָרְשֵׁנוּ מִיְּרֻשָּׁתְךָ אֲשֶׁר הוֺרַשְׁתָּנוּ׃
2Chron 20.12
אֱלֹהֵינוּ הֲלֹא תִשְׁפָּט־בָּם כִּי
אֵין בָּנוּ כֹּחַ לִפְנֵי הֶהָמוֺן
הָרָב הַזֶּה הַבָּא עָלֵינוּ וַאֲנַחְנוּ
לֹא נֵדַע מַה־נַּעֲשֶׂה כִּי עָלֶיךָ
עֵינֵינוּ׃
2Chron 20.13
וְכֹל־יְהוּדָה עֹמְדִים לִפְנֵי
יְהוָה גַּמ־טַפָּם נְשֵׁיהֶם וּבְנֵיהֶם׃
ף
2Chron 20.14
וְיַחֲזִיאֵל בֶּנ־זְכַרְיָהוּ בֶּנ־בְּנָיָה
בֶּנ־יְעִיאֵל בֶּנ־מַתַּנְיָה הַלֵּוִי
מִנ־בְּנֵי אָסָף הָיְתָה עָלָיו
רוּחַ יְהוָה בְּתוֺך הַקָּהָל׃
2Chron 20.15
וַיֺּאמֶר הַקְשִׁיבוּ כָל־יְהוּדָה
וְיֺשְׁבֵי יְרוּשָׁלִַם וְהַמֶּלֶך יְהוֺשָׁפָט
כֹּה־אָמַר יְהוָה לָכֶם אַתֶּם
אַל־תִּירְאוּ וְאַל־תֵּחַתּוּ מִפְּנֵי
הֶהָמוֺן הָרָב הַזֶּה כִּי לֹא
לָכֶם הַמִּלְחָמָה כִּי לֵאלֹהִים׃
2Chron 20.16
מָחָר רְדוּ עֲלֵיהֶם הִנָּם עֹלִים
בְּמַעֲלֵה הַצִּיץ וּמְצָאתֶם אֹתָם
בְּסוֺף הַנַּחַל פְּנֵי מִדְבַּר יְרוּאֵל׃
2Chron 20.17
לֹא לָכֶם לְהִלָּחֵם בָּזֺאת הִתְיַצְּבוּ
עִמְדוּ וּרְאוּ אֶת־יְשׁוּעַת יְהוָה
עִמָּכֶם יְהוּדָה וִירוּשָׁלִַם אַל־תִּירְאוּ
וְאַל־תֵּחַתּוּ מָחָרצְאוּ לִפְנֵיהֶם
וַיהוָה עִמָּכֶם׃
2Chron 20.18
וַיִּקֹּד יְהוֺשָׁפָט אַפַּיִם אָרְצָה
וְכָל־יְהוּדָה וְיֺשְׁבֵי יְרוּשָׁלִַם
נָפְלוּ לִפְנֵי יְהוָה לְהִשְׁתַּחֲוֺת
לַיהוָה׃
2Chron 20.19
וַיָּקֻמוּ הַלְוִיִּם מִנ־בְּנֵי הַקְּהָתִים
וּמִנ־בְּנֵי הַקָּרְחִים לְהַלֵּל לַיהוָה
אֱלֹהֵי יִשְׂרָאֵל בְּקוֺל גָּדוֺל
לְמָעְלָה׃
2Chron 20.20
וַיַּשְׁכִּימוּ בַבֹּקֶר וַיֵּצְאוּ לְמִדְבַּר
תְּקוֺעַ וּבְצֵאתָם עָמַד יְהוֺשָׁפָט
וַיֺּאמֶר שְׁמָעוּנִי יְהוּדָה וְיֺשְׁבֵי
יְרוּשָׁלִַם הַאֲמִינוּ בַּיהוָה
אֱלֹהֵיכֶם וְתֵאָמֵנוּ הַאֲמִינוּ
בִנְבִיאָיו וְהַצְלִיחוּ׃
2Chron 20.21
וַיִּוָּעַץ אֶל־הָעָם וַיַּעֲמֵד מְשֹׁרֲרִים
לַיהוָה וּמְהַלְלִים לְהַדְרַת־קֹדֶשׁ
בְּצֵאת לִפְנֵי הֶחָלוּץ וְאֹמְרִים
הוֺדוּ לַיהוָה כִּילְעוֺלָם חַסְדּוֺ׃
2Chron 20.22
וּבְעֵת הֵחֵלּוּ בְרִנָּה וּתְהִלָּה
נָתַן יְהוָה מְאָרְבִים עַל־בְּנֵי
עַמּוֺן מוֺאָב וְהַר־שֵׂעִיר הַבָּאִים
לִיהוּדָה וַיִּנָּגֵפוּ׃
2Chron 20.23
וַיַּעַמְדוּ בְּנֵי עַמּוֺן וּמוֺאָב
עַל־יֺשְׁבֵי הַר־שֵׂעִיר לְהַחֲרִים
וּלְהַשְׁמִיד וּכְכַלּוֺתָם בְּיֺושְׁבֵי
שֵׂעִיר עָזְרוּ אִישׁ־בְּרֵעֵהוּ לְמַשְׁחִית׃
2Chron 20.24
וִיהוּדָה בָּא עַל־הַמִּצְפֶּה לַמִּדְבָּר
וַיִּפְנוּ אֶל־הֶהָמוֺן וְהִנָּם פְּגָרִים
נֺפְלִים אַרְצָה וְאֵין פְּלֵיטָה׃
2Chron 20.25
וַיָּבֹא יְהוֺשָׁפָט וְעַמּוֺ לָבֹז
אֶת־שְׁלָלָם וַיִּמְצְאוּ בָהֶם לָרֹב
וּרְכוּשׁ וּפְגָרִים וּכְלֵי חֲמֻדוֺת
וַיְנַצְּלוּ לָהֶם לְאֵין מַשָּׂא וַיִּהְיוּ
יָמִים שְׁלוֺשָׁה בֹּזְזִים אֶת־הַשָּׁלָל
כִּי רַב־הוּא׃
2Chron 20.26
וּבַיֺּום הָרְבִעִי נִקְהֲלוּ לְעֵמֶק
בְּרָכָה כִּי־שָׁם בֵּרֲכוּ אֶת־יְהוָה
עַל־כֵּן קָרְאוּ אֶת־שֵׁם הַמָּקוֺם
הַהוּא עֵמֶק בְּרָכָה עַד־הַוּם׃
2Chron 20.27
וַיָּשֻׁבוּ כָּל־אִישׁ יְהוּדָה וִירוּשָׁלִַם
וִיהוֺשָׁפָט בְּרֹאשָׁם לָשׁוּב אֶל־יְרוּשָׁלִַם
בְּשִׂמְחָה כִּי־שִׂמְּחָם יְהוָה מֵאוֺיְבֵיהֶם׃
2Chron 20.28
וַיָּבֹאוּ יְרוּשָׁלִַם בִּנְבָלִים וּבְכִנֺּרוֺת
וּבַחֲצֹצְרוֺת אֶל־בֵּית יְהוָה׃
2Chron 20.29
וַיְהִי פַּחַד אֱלֹהִים עַל כָּל־מַמְלְכוֺת
הָאֲרָצוֺת בְּשָׁמְעָם כִּי נִלְחַם
יְהוָה עִם אוֺיְבֵי יִשְׂרָאֵל׃
2Chron 20.30
וַתִּשְׁקֹט מַלְכוּת יְהוֺשָׁפָט וַיָּנַח
לוֺ אֱלֹהָיו מִסָּבִיב׃ ף
2Chron 20.31
וַיִּמְלֹך יְהוֺשָׁפָט עַל־יְהוּדָה
בֶּנ־שְׁלֹשִׁים וְחָמֵשׁ שָׁנָה בְּמָלְכוֺ
וְעֶשְׂרִים וְחָמֵשׁ שָׁנָה מָלַך בִּירוּשָׁלִַם
וְשֵׁם אִמּוֺ עֲזוּבָה בַּת־שִׁלְחִי׃
2Chron 20.32
וַיֵּלֶך בְּדֶרֶך אָבִיו אָסָא וְלֹא־סָר
מִמֶּנָּה לַעֲשׂוֺת הַיָּשָׁר בְּעֵינֵי
יְהוָה׃
2Chron 20.33
אַך הַבָּמוֺת לֹא־סָרוּ וְעוֺד
הָעָם לֹא־הֵכִינוּ לְבָבָם לֵאלֹהֵי
אֲבֹתֵיהֶם׃
2Chron 20.34
וְיֶתֶר דִּבְרֵי יְהוֺשָׁפָט הָרִאשֹׁנִים
וְהָאַחֲרֹנִים הִנָּם כְּתוּבִים בְּדִבְרֵי
יֵהוּא בֶנ־חֲנָנִי אֲשֶׁר הֹעֲלָה
עַל־סֵפֶר מַלְכֵי יִשְׂרָאֵל׃
2Chron 20.35
וְאַחֲרֵיכֵן אֶתְחַבַּר יְהוֺשָׁפָט
מֶלֶכְ־יְהוּדָה עִם אֲחַזְיָה מֶלֶכְ־יִשְׂרָאֵל
הוּא הִרְשִׁיעַ לַעֲשׂוֺת׃
2Chron 20.36
וַיְחַבְּרֵהוּ עִמּוֺ לַעֲשׂוֺת אֳנִיֺּות
לָלֶכֶת תַּרְשִׁישׁ וַיַּעֲשׂוּ אֳנִיֺּות
בְּעֶצְיֺון גָּבֶר׃
2Chron 20.37
וַיִּתְנַבֵּא אֱלִיעֶזֶר בֶּנ־דֹּדָוָהוּ
מִמָּרֵשָׁה עַל־יְהוֺשָׁפָט לֵאמֹר
כְּהִתְחַבֶּרְךָ עִמ־אֲחַזְיָהוּ פָּרַץ
יְהוָה אֶת־מַעֲשֶׂיךָ וַיִּשָּׁבְרוּ
אֳנִיֺּות וְלֹא עָצְרוּ לָלֶכֶת
אֶל־תַּרְשִׁישׁ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT