2Chron 16

Teljes szövegű keresés

2Chron 16
2Chron 16.1
בִּשְׁנַת שְׁלֹשִׁים וָשֵׁשׁ לְמַלְכוּת
אָסָא עָלָה בַּעְשָׁא מֶלֶכְ־יִשְׂרָאֵל
עַל־יְהוּדָה וַיִּבֶן אֶת־הָרָמָה
לְבִלְתִּי תֵּת יֺוצֵא וָבָא לְאָסָאמֶלֶך
יְהוּדָה׃
2Chron 16.2
וַיֺּצֵא אָסָא כֶּסֶף וְזָהָב מֵאֹצְרוֺת
בֵּית יְהוָה וּבֵית הַמֶּלֶך וַיִּשְׁלַח
אֶל־בֶּנ־הֲדַד מֶלֶך אֲרָם הַיֺּושֵׁב
בְּדַרְמֶשֶׂק לֵאמֹר׃
2Chron 16.3
בְּרִית בֵּינִי וּבֵינֶךָ וּבֵין
אָבִי וּבֵין אָבִיךָ הִנֵּה שָׁלַחְתִּי
לְךָ כֶּסֶף וְזָהָב לֵך הָפֵר בְּרִיתְךָ
אֶת־בַּעְשָׁא מֶלֶך יִשְׂאֵל וְיַעֲלֶה
מֵעָלָי׃
2Chron 16.4
וַיִּשְׁמַע בֶּן הֲדַד אֶל־הַמֶּלֶך
אָסָא וַיִּשְׁלַח אֶת־שָׂרֵי הַחֲיָלִים
אֲשֶׁר־לוֺ אֶל־עָרֵי יִשְׂרָאֵל וַיַּכּוּ
אֶת־עִיֺּון וְאֶת־דָּן וְאֵת אָבֵל
מָיִם וְאֵת כָּל־מִסְכְּנֺות עָרֵי
נַפְתָּלִי׃
2Chron 16.5
וַיְהִי כִּשְׁמֹעַ בַּעְשָׁא וַיֶּחְדַּל
מִבְּנֺות אֶת־הָרָמָה וַיַּשְׁבֵּת אֶת־מְלַאכְתּוֺ׃
ס
2Chron 16.6
וְאָסָא הַמֶּלֶך לָקַח אֶת־כָּל־יְהוּדָה
וַיִּשְׂאוּ אֶת־אַבְנֵי הָרָמָה וְאֶת־עֵצֶיהָ
אֲשֶׁר בָּנָה בַּעְשָׁא וַיִּבֶן בָּהֶם
אֶת־גֶּבַע וְאֶת־הַמִּצְפָּה׃ ס
2Chron 16.7
וּבָעֵת הַהִיא בָּא חֲנָנִי הָרֹאֶה
אֶל־אָסָא מֶלֶך יְהוּדָה וַיֺּאמֶר
אֵלָיו בְּהִשָּׁעֶנְךָ עַל־מֶלֶך אֲרָם
וְלֹא נִשְׁעַנְתָּ עַל־יְהוָה אֱלֹהֶיךָ
עַל־כֵּן נִמְלַט חֵיל מֶלֶכְ־אֲרָם
מִיָּדֶךָ׃
2Chron 16.8
הֲלֹא הַכּוּשִׁים וְהַלּוּבִים הָיוּ
לְחַיִל לָרֹב לְרֶכֶב וּלְפָרָשִׁים
לְהַרְבֵּה מְאֹד וּבְהִשָּׁעֶנְךָ עַל־יְהוָה
נְתָנָם בְּיָדֶךָ׃
2Chron 16.9
כִּי יְהוָה עֵינָיו מְשֹׁטְטוֺת
בְּכָל־הָאָרֶץ לְהִתְחַזֵּק עִמ־לְבָבָם
שָׁלֵם אֵלָיו נִסְכַּלְתָּ עַל־זֺאת
כִּי מֵעַתָּה יֵשׁ עִמְּךָ מִלְחָמוֺת׃
2Chron 16.10
וַיִּכְעַס אָסָא אֶל־הָרֹאֶה וַיִּתְּנֵהוּ
בֵּית הַמַּהְפֶּכֶת כִּי־בְזַעַף עִמּוֺ
עַל־זֺאת וַיְרַצֵּץ אָסָא מִנ־הָעָם
בָּעֵת הַהִיא׃
2Chron 16.11
וְהִנֵּה דִּבְרֵי אָסָא הָרִאשׁוֺנִים
וְהָאַחֲרוֺנִים הִנָּם כְּתוּבִים
עַל־סֵפֶר הַמְּלָכִים לִיהוּדָה
וְיִשְׂרָאֵל׃
2Chron 16.12
וַיֶּחֱלֶא אָסָא בִּשְׁנַת שְׁלוֺשִׁים
וָתֵשַׁע לְמַלְכוּתוֺ בְּרַגְלָיו
עַד־לְמַעְלָה חָלְיֺו וְגַמ־בְּחָלְיֺו
לֹא־דָרַשׁ אֶת־יְהוָה כִּי בָּרֹפְאִים׃
2Chron 16.13
וַיִּשְׁכַּב אָסָא עִמ־אֲבֹתָיו וַיָּמָת
בִּשְׁנַת אַרְבָּעִים וְאַחַת לְמָלְכוֺ׃
2Chron 16.14
וַיִּקְבְּרֻהוּ בְקִבְרֹתָיו אֲשֶׁר כָּרָה־לוֺ
בְּעִיר דָּוִיד וַיַּשְׁכִּיבֻהוּ בַּמִּשְׁכָּב
אֲשֶׁר מִלֵּא בְּשָׂמִים וּזְנִים מְרֻקָּחִים
בְּמִרְקַת מַעֲשֶׂה וַיִּשְׂרְפוּ־לוֺ
שְׂרֵפָה גְּדוֺלָה עַד־לִמְאֹד׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT