1Chron 28

Teljes szövegű keresés

1Chron 28
1Chron 28.1
וַיַּקְהֵל דָּוִיד אֶת־כָּל־שָׂרֵי
יִשְׂרָאֵל שָׂרֵי הַשְּׁבָטִים וְשָׂרֵי
הַמַּחְלְקוֺת הַמְשָׁרְתִים אֶת־הַמֶּלֶך
וְשָׂרֵי הָאֲלָפִים וְשָׂרֵי הַמֵּאוֺת
שָׂרֵי כָל־רְכוּשׁ־וּמִקְנֶה לַמֶּלֶך
וּלְבָנָיו עִמ־הַסָּרִיסִים וְהַגִּבּוֺרִים
וּלְכָל־גִּבּוֺר חָיִל אֶל־יְרוּשָׁלִָם׃
1Chron 28.2
וַיָּקָם דָּוִיד הַמֶּלֶך עַל־רַגְלָיו
וַיֺּאמֶר שְׁמָעוּנִי אַחַי וְעַמִּי
אֲנִי עִמ־לְבָבִי לִבְנֺות בֵּית
מְנוּחָה לַאֲרוֺן בְּרִית־יְהוָה
לַהֲדֹם רַגְלֵי אֱלֹהֵינוּ וַהֲכִינֺותִי
לִבְנֺות׃
1Chron 28.3
וְהָאֱלֹהִים אָמַר לִי לֹא־תִבְנֶה
בַיִת לִשְׁמִי כִּי אִישׁ מִלְחָמוֺת
אַתָּה וְדָמִים שָׁפָכְתָּ׃
1Chron 28.4
וַיִּבְחַר יְהוָה אֱלֹהֵי יִשְׂרָאֵל
בִּי מִכֹּל בֵּית־אָבִי לִהְיֺות
לְמֶלֶך עַל־יִשְׂרָאֵל לְעוֺלָם
כִּי בִיהוּדָה בָּחַר לְנָגִיד וּבְבֵית
הוּדָה בֵּית אָבִי וּבִבְנֵי אָבִי
בִּי רָצָה לְהַמְלִיך עַל־כָּל־יִשְׂרָאֵל׃
1Chron 28.5
וּמִכָּל־בָּנַי כִּי רַבִּים בָּנִים
נָתַן לִי יְהוָה וַיִּבְחַר בִּשְׁלֹמֹה
בְנִי לָשֶׁבֶת עַל־כִּסֵּא מַלְכוּת
יְהוָה עַל־יִשְׂרָאֵל׃
1Chron 28.6
וַיֺּאמֶר לִי שְׁלֹמֹה בִנְךָ הוּא־יִבְנֶה
בֵיתִי וַחֲצֵרוֺתָי כִּי־בָחַרְתִּי
בוֺ לִי לְבֵן וַאֲנִי אֶהְיֶה־לּוֺ
לְאָב׃
1Chron 28.7
וַהֲכִינֺותִי אֶת־מַלְכוּתוֺ עַד־לְעוֺלָם
אִמ־יֶחֱזַק לַעֲשׂוֺת מִצְוֺתַי וּמִשְׁפָּטַי
כַּיֺּום הַזֶּה׃
1Chron 28.8
וְעַתָּה לְעֵינֵי כָל־יִשְׂרָאֵל
קְהַל־יְהוָה וּבְאָזְנֵי אֱלֹהֵינוּ
שִׁמְרוּ וְדִרְשׁוּ כָּל־מִצְוֺת יְהוָה
אֱלֹהֵיכֶם לְמַעַן תִּירְשׁוּ אֶת־הָאָרֶ
הַטּוֺבָה וְהִנְחַלְתֶּם לִבְנֵיכֶם
אַחֲרֵיכֶם עַד־עוֺלָם׃ ף
1Chron 28.9
וְאַתָּה שְׁלֹמֹה־בְנִי דַּע אֶת־אֱלֹהֵי
אָבִיךָ וְעָבְדֵהוּ בְּלֵב שָׁלֵם וּבְנֶפֶשׁ
חֲפֵצָה כִּי כָל־לְבָבוֺת דּוֺרֵשׁ
יְהוָה וְכָל־יֵצֶר מַחֲשָׁבוֺת מֵבִין
אִמ־תִּדְרְשֶׁנּוּ יִמָּצֵא לָך וְאִמ־תַּעַזְבֶנּוּ
יַזְנִיחֲךָ לָעַד׃
1Chron 28.10
רְאֵה עַתָּה כִּי־יְהוָה בָּחַר בְּךָ
לִבְנֺות־בַּיִת לַמִּקְדָּשׁ חֲזַק
וַעֲשֵׂה׃ ף
1Chron 28.11
וַיִּתֵּן דָּוִיד לִשְׁלֹמֹה בְנֺו אֶת־תַּבְנִית
הָאוּלָם וְאֶת־בָּתָּיו וְגַנְזַכָּיו
וַעֲלִיֺּתָיו וַחֲדָרָיו הַפְּנִימִים
וּבֵית הַכַּפֹּרֶת׃
1Chron 28.12
וְתַבְנִית כֹּל אֲשֶׁר הָיָה בָרוּחַ
עִמּוֺ לְחַצְרוֺת בֵּית־יְהוָה וּלְכָל־הַלְּשָׁכוֺת
סָבִיב לְאֹצְרוֺת בֵּית הָאֱלֹהִים
וּלְאֹצְרוֺת הַקֳּדָשִׁים׃
1Chron 28.13
וּלְמַחְלְקוֺת הַכֹּהֲנִים וְהַלְוִיִּם
וּלְכָל־מְלֶאכֶת עֲבוֺדַת בֵּית־יְהוָה
וּלְכָל־כְּלֵי עֲבוֺדַת בֵּית־יְהוָה׃
1Chron 28.14
לַזָּהָב בַּמִּשְׁקָל לַזָּהָב לְכָל־כְּלֵי
עֲבוֺדָה וַעֲבוֺדָה לְכֹל כְּלֵי
הַכֶּסֶף בְּמִשְׁקָל לְכָל־כְּלֵי עֲבוֺדָה
וַעֲבוֺדָה׃
1Chron 28.15
וּמִשְׁקָל לִמְנֺרוֺת הַזָּהָב וְנֵרֹתֵיהֶם
זָהָב בְּמִשְׁקַל־מְנֺורָה וּמְנֺורָה
וְנֵרֹתֶיהָ וְלִמְנֺרוֺת הַכֶּסֶף בְּמִשְׁקָל
לִמְנֺורָה וְנֵרֹתֶיהָ כַּעֲבוֺדַת
מְנֺורָה וּמְנֺורָה׃
1Chron 28.16
וְאֶת־הַזָּהָב מִשְׁקָל לְשֻׁלְחֲנֺות
הַמַּעֲרֶכֶת לְשֻׁלְחַן וְשֻׁלְחָן וְכֶסֶף
לְשֻׁלְחֲנֺות הַכָּסֶף׃
1Chron 28.17
וְהַמִּזְלָגֺות וְהַמִּזְרָקוֺת וְהַקְּשָׂוֺת
זָהָב טָהוֺר וְלִכְפוֺרֵי הַזָּהָב
בְּמִשְׁקָל לִכְפוֺר וּכְפוֺר וְלִכְפוֺרֵי
הַכֶּסֶף בְּמִשְׁקָל לִכְפוֺ וּכְפוֺר׃
1Chron 28.18
וּלְמִזְבַּח הַקְּטֹרֶת זָהָב מְזֻקָּק
בַּמִּשְׁקָל וּלְתַבְנִית הַמֶּרְכָּבָה
הַכְּרֻבִים זָהָב לְפֹרְשִׂים וְסֹכְכִים
עַל־אֲרוֺן בְּרִית־יְהוָה׃
1Chron 28.19
הַכֹּל בִּכְתָב מִיַּד יְהוָה עָלַי
הִשְׂכִּיל כֹּל מַלְאֲכוֺת הַתַּבְנִית׃
ף
1Chron 28.20
וַיֺּאמֶר דָּוִיד לִשְׁלֹמֹה בְנֺו
חֲזַק וֶאֱמַץ וַעֲשֵׂה אַל־תִּירָא
וְאַל־תֵּחָת כִּי יְהוָה אֱלֹהִים
אֱלֹהַי עִמָּך לֹא יַרְפְּךָ וְלֹא
יַעַזְבֶךָּ עַד־לִכְלוֺת כָּל־מְלֶאכֶת
עֲבוֺדַת בֵּית־יְהוָה׃
1Chron 28.21
וְהִנֵּה מַחְלְקוֺת הַכֹּהֲנִים וְהַלְוִיִּם
לְכָל־עֲבוֺדַת בֵּית הָאֱלֹהִים
וְעִמְּךָ בְכָל־מְלָאכָה לְכָל־נָדִיב
בַּחָכְמָה לְכָל־עֲבוֺדָה וְהַרִים
וְכָל־הָעָם לְכָל־דְּבָרֶיךָ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT