Hos 3

Teljes szövegű keresés

Hos 3
Hos 3.1
וַיֺּאמֶר יְהוָה אֵלַי עוֺד לֵך
אֱהַב־אִשָּׁה אֲהֻבַת רֵעַ וּמְנָאָפֶת
כְּאַהֲבַת יְהוָה אֶת־בְּנֵי יִשְׂרָאֵל
וְהֵם פֹּנִים אֶל־אֱלֹהִים אֲחֵרִים
וְאֹהֲבֵי אֲשִׁישֵׁי עֲנָבִים׃
Hos 3.2
וָאֶכְּרֶהָ לִּי בַּחֲמִשָּׁה עָשָׂר כָּסֶף
וְחֹמֶר שְׂעֹרִים וְלֵתֶך שְׂעֹרִים׃
Hos 3.3
וָאֹמַר אֵלֶיהָ יָמִים רַבִּים תֵּשְׁבִי
לִי לֹא תִזְנִי וְלֹא תִהְיִי
לְאִישׁ וְגַמ־אֲנִי אֵלָיִך׃
Hos 3.4
כִּי יָמִים רַבִּים יֵשְׁבוּ בְּנֵי
יִשְׂרָאֵל אֵין מֶלֶך וְאֵין שָׂר
וְאֵין זֶבַח וְאֵין מַצֵּבָה וְאֵין
אֵפוֺד וּתְרָפִים׃
Hos 3.5
אַחַר יָשֻׁבוּ בְּנֵי יִשְׂרָאֵל וּבִקְשׁוּ
אֶת־יְהוָה אֱלֹהֵיהֶם וְאֵת דָּוִד
מַלְכָּם וּפָחֲדוּ אֶל־יְהוָה וְאֶל־טוּבוֺ
בְּאַחֲרִית הַיָּמִים׃ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT