Gen 2

Teljes szövegű keresés

Gen 2
Gen 2.1
וַיְכֻלּוּ הַשָּׁמַיִם וְהָאָרֶץ וְכָל־צְבָאָם׃
Gen 2.2
וַיְכַל אֱלֹהִים בַּיֺּום הַשְּׁבִיעִי
מְלַאכְתּוֺ אֲשֶׁר עָשָׂה וַיִּשְׁבֹּת
בַּיֺּום הַשְּׁבִיעִי מִכָּל־מְלַאכְתּוֺ
אֲשֶׁר עָשָׂה׃
Gen 2.3
וַיְבָרֶך אֱלֹהִים אֶת־יֺום הַשְּׁבִיעִי
וַיְקַדֵּשׁ אֹתוֺ כִּי בוֺ שָׁבַת מִכָּל־מְלַאכְתּוֺ
אֲשֶׁר־בָּרָא אֱלֹהִים לַעֲשׂוֺת׃
ף
Gen 2.4
אֵלֶּה תוֺלְדוֺת הַשָּׁמַיִם וְהָאָרֶץ
בְּהִבָּרְאָם בְּיֺום עֲשׂוֺת יְהוָה
אֱלֹהִים אֶרֶץ וְשָׁמָיִם׃
Gen 2.5
וְכֹל שִׂיחַ הַשָּׂדֶה טֶרֶם יִהְיֶה
בָאָרֶץ וְכָל־עֵשֶׂב הַשָּׂדֶה טֶרֶם
יִצְמָח כִּי לֹא הִמְטִיר יְהוָה
אֱלֹהִים עַל־הָאָרֶץ וְאָדָם אַיִ
לַעֲבֹד אֶת־הָאֲדָמָה׃
Gen 2.6
וְאֵד יַעֲלֶה מִנ־הָאָרֶץ וְהִשְׁקָה
אֶת־כָּל־פְּנֵי־הָאֲדָמָה׃
Gen 2.7
וַיִּיצֶר יְהוָה אֱלֹהִים אֶת־הָאָדָם
עָפָר מִנ־הָאֲדָמָה וַיִּפַּח בְּאַפָּיו
נִשְׁמַת חַיִּים וַיְהִי הָאָדָם לְנֶפֶשׁ
חַיָּה׃
Gen 2.8
וַיִּטַּע יְהוָה אֱלֹהִים גַּנ־בְּעֵדֶן
מִקֶּדֶם וַיָּשֶׂם שָׁם אֶת־הָאָדָם
אֲשֶׁר יָצָר׃
Gen 2.9
וַיַּצְמַח יְהוָה אֱלֹהִים מִנ־הָאֲדָמָה
כָּל־עֵץ נֶחְמָד לְמַרְאֶה וְטוֺב
לְמַאֲכָל וְעֵץ הַחַיִּים בְּתוֺך
הַגָּן וְעֵץ הַדַּעַת טוֺב וָרָע׃
Gen 2.10
וְנָהָר יֺצֵא מֵעֵדֶן לְהַשְׁקוֺת
אֶת־הַגָּן וּמִשָּׁם יִפָּרֵד וְהָיָה
לְאַרְבָּעָה רָאשִׁים׃
Gen 2.11
שֵׁם הָאֶחָד פִּישׁוֺן הוּא הַסֹּבֵב
אֵת כָּל־אֶרֶץ הַחֲוִילָה אֲשֶׁר־שָׁם
הַזָּהָב׃
Gen 2.12
וּזְַהַב הָאָרֶץ הַהִוא טוֺב שָׁם
הַבְּדֹלַח וְאֶבֶן הַשֹּׁהַם׃
Gen 2.13
וְשֵׁמ־הַנָּהָר הַשֵּׁנִי גִּיחוֺן
הוּא הַסּוֺבֵב אֵת כָּל־אֶרֶץ כּוּשׁ׃
Gen 2.14
וְשֵׁם הַנָּהָר הַשְּׁלִישִׁי חִדֶּקֶל
הוּא הַהֹלֵך קִדְמַת אַשּׁוּר וְהַנָּהָר
הָרְבִיעִי הוּא פְרָת׃
Gen 2.15
וַיִּקַּח יְהוָה אֱלֹהִים אֶת־הָאָדָם
וַיַּנִּחֵהוּ בְגַנ־עֵדֶן לְעָבְדָהּ
וּלְשָׁמְרָהּ׃
Gen 2.16
וַיְצַו יְהוָה אֱלֹהִים עַל־הָאָדָם
לֵאמֹר מִכֹּל עֵצ־הַגָּן אָכֹל תֹּאכֵל׃
Gen 2.17
וּמֵעֵץ הַדַּעַת טוֺב וָרָע לֹא
תֹאכַל מִמֶּנּוּ כִּי בְּיֺום אֲכָלְךָ
מִמֶּנּוּ מוֺת תָּמוּת׃
Gen 2.18
וַיֺּאמֶר יְהוָה אֱלֹהִים לֹא־טוֺב
הֱיֺות הָאָדָם לְבַדּוֺ אֶעֱשֶׂהּ־לּוֺ
עֵזֶר כְּנֶגְדּוֺ׃
Gen 2.19
וַיִּצֶר יְהוָה אֱלֹהִים מִנ־הָאֲדָמָה
כָּל־חַיַּת הַשָּׂדֶה וְאֵת כָּל־עוֺף
הַשָּׁמַיִם וַיָּבֵא אֶל־הָאָדָם לִרְאוֺת
מַה־יִּקְרָא־לוֺ וְכֹל אֲשֶׁר יִקְרָא־לוֺ
הָאָדָם נֶפֶשׁ חַיָּה הוּא שְׁמוֺ׃
Gen 2.20
וַיִּקְרָא הָאָדָם שֵׁמוֺת לְכָל־הַבְּהֵמָה
וּלְעוֺף הַשָּׁמַיִם וּלְכֹל חַיַּת
הַשָּׂדֶה וּלְאָדָם לֹא־מָצָא עֵזֶר
כְּנֶגְדּוֺ׃
Gen 2.21
וַיַּפֵּל יְהוָה אֱלֹהִים תַּרְדֵּמָה
עַל־הָאָדָם וַיִּישָׁן וַיִּקַּח אַחַת
מִצַּלְעֹתָיו וַיִּסְגֺּר בָּשָׂר תַּחְתֶּנָּה׃
Gen 2.22
וַיִּבֶן יְהוָה אֱלֹהִים אֶת־הַצֵּלָע
אֲשֶׁר־לָקַח מִנ־הָאָדָם לְאִשָּׁה
וַיְבִאֶהָ אֶל־הָאָדָם׃
Gen 2.23
וַיֺּאמֶר הָאָדָם זֺאת הַפַּעַם
עֶצֶם מֵעֲצָמַי וּבָשָׂר מִבְּשָׂרִי
לְזֺאת יִקָּרֵא אִשָּׁה כִּי מֵאִישׁ
לֻקֳחָה־זֺּאת׃
Gen 2.24
עַל־כֵּן יַעֲזָב־אִישׁ אֶת־אָבִיו
וְאֶת־אִמּוֺ וְדָבַק בְּאִשְׁתּוֺ וְהָיוּ
לְבָשָׂר אֶחָד׃
Gen 2.25
וַיִּהְיוּ שְׁנֵיהֶם עֲרוּמִּים הָאָדָם
וְאִשְׁתּוֺ וְלֹא יִתְבֹּשָׁשׁוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT