Gen 17

Teljes szövegű keresés

Gen 17
Gen 17.1
וַיְהִי אַבְרָם בֶּנ־תִּשְׁעִים שָׁנָה
וְתֵשַׁע שָׁנִים וַיֵּרָא יְהוָה אֶל־אַבְרָם
וַיֺּאמֶר אֵלָיו אֲנִי־אֵל שַׁדַּי
הִתְהַלֵּך לְפָנַי וֶהְיֵה תָמִים׃
Gen 17.2
וְאֶתְּנָה בְרִיתִי בֵּינִי וּבֵינֶךָ
וְאַרְבֶּה אוֺתְךָ בִּמְאֹד מְאֹד׃
Gen 17.3
וַיִּפֹּל אַבְרָם עַל־פָּנָיו וַיְדַבֵּר
אִתּוֺ אֱלֹהִים לֵאמֹר׃
Gen 17.4
אֲנִי הִנֵּה בְרִיתִי אִתָּך וְהָיִיתָ
לְאַב הֲמוֺן גֺּויִם׃
Gen 17.5
וְלֹא־יִקָּרֵא עוֺד אֶת־שִׁמְךָ אַבְרָם
וְהָיָה שִׁמְךָ אַבְרָהָם כִּי אַב־הֲמוֺן
גֺּויִם נְתַתִּיךָ׃
Gen 17.6
וְהִפְרֵתִי אֹתְךָ בִּמְאֹד מְאֹד וּנְתַתִּיךָ
לְגֺויִם וּמְלָכִים מִמְּךָ יֵצֵאוּ׃
Gen 17.7
וַהֲקִמֹתִי אֶת־בְּרִיתִי בֵּינִי
וּבֵינֶךָ וּבֵין זַרְעֲךָ אַחֲרֶיךָ
לְדֹרֹתָם לִבְרִית עוֺלָם לִהְיֺות
לְךָ לֵאלֹהִים וּלְזַרְעֲךָ אַחֲרֶךָ׃
Gen 17.8
וְנָתַתִּי לְךָ וּלְזַרְעֲךָ אַחֲרֶיךָ
אֵת אֶרֶץ מְגֻרֶיךָ אֵת כָּל־אֶרֶץ
כְּנַעַן לַאֲחֻזַּת עוֺלָם וְהָיִיתִי
לָהֶם לֵאלֹהִים׃
Gen 17.9
וַיֺּאמֶר אֱלֹהִים אֶל־אַבְרָהָם
וְאַתָּה אֶת־בְּרִיתִי תִשְׁמֹר אַתָּה
וְזַרְעֲךָ אַחֲרֶיךָ לְדֹרֹתָם׃
Gen 17.10
זֺאת בְּרִיתִי אֲשֶׁר תִּשְׁמְרוּ
בֵּינִי וּבֵינֵיכֶם וּבֵין זַרְעֲךָ
אַחֲרֶיךָ הִמּוֺל לָכֶם כָּל־זָכָר׃
Gen 17.11
וּנְמַלְתֶּם אֵת בְּשַׂר עָרְלַתְכֶם
וְהָיָה לְאוֺת בְּרִית בֵּינִי
וּבֵינֵיכֶם׃
Gen 17.12
וּבֶנ־שְׁמֹנַת יָמִים יִמּוֺל לָכֶם
כָּל־זָכָר לְדֹרֹתֵיכֶם יְלִיד
בָּיִת וּמִקְנַת־כֶּסֶף מִכֹּל בֶּנ־נֵכָר
אֲשֶׁר לֹא מִזַּרְעֲךָ הוּא׃
Gen 17.13
הִמּוֺל יִמּוֺל יְלִיד בֵּיתְךָ
וּמִקְנַת כַּסְפֶּךָ וְהָיְתָה בְרִיתִי
בִּבְשַׂרְכֶם לִבְרִית עוֺלָם׃
Gen 17.14
וְעָרֵל זָכָר אֲשֶׁר לֹא־יִמּוֺל
אֶת־בְּשַׂר עָרְלָתוֺ וְנִכְרְתָה
הַנֶּפֶשׁ הַהִוא מֵעַמֶּיהָ אֶת־בְּרִיתִי
הֵפַר׃ ס
Gen 17.15
וַיֺּאמֶר אֱלֹהִים אֶל־אַבְרָהָם
שָׂרַי אִשְׁתְּךָ לֹא־תִקְרָא אֶת־שְׁמָהּ
שָׂרָי כִּי שָׂרָה שְׁמָהּ׃
Gen 17.16
וּבֵרַכְתִּי אֹתָהּ וְגַם נָתַתִּי מִמֶּנָּה
לְךָ בֵּן וּבֵרַכְתִּיהָ וְהָיְתָה לְגֺויִם
מַלְכֵי עַמִּים מִמֶּנָּה יִהְיוּ׃
Gen 17.17
וַיִּפֹּל אַבְרָהָם עַל־פָּנָיו וַיִּצְחָק
וַיֺּאמֶר בְּלִבּוֺ הַלְּבֶן מֵאָה־שָׁנָה
יִוָּלֵד וְאִמ־שָׂרָה הֲבַת־תִּשְׁעִים
שָׁנָה תֵּלֵד׃
Gen 17.18
וַיֺּאמֶר אַבְרָהָם אֶל־הָאֱלֹהִים
לוּ יִשְׁמָעֵאל יִחְיֶה לְפָנֶיךָ׃
Gen 17.19
וַיֺּאמֶר אֱלֹהִים אֲבָל שָׂרָה אִשְׁתְּךָ
יֺלֶדֶת לְךָ בֵּן וְקָרָאתָ אֶת־שְׁמוֺ
יִצְחָק וַהֲקִמֹתִי אֶת־בְּרִיתִי
אִתּוֺ לִבְרִית עוֺלָם לְזַרְעוֺ
אַחֲרָיו׃
Gen 17.20
וּלְיִשְׁמָעֵאל שְׁמַעְתִּיךָ הִנֵּה בֵּרַכְתִּי
אֹתוֺ וְהִפְרֵיתִי אֹתוֺ וְהִרְבֵּיתִי
אֹתוֺ בִּמְאֹד מְאֹד שְׁנֵימ־עָשָׂר
נְשִׂיאִם יֺולִיד וּנְתַתִּיו לְגֺוי
גָּדוֺל׃
Gen 17.21
וְאֶת־בְּרִיתִי אָקִים אֶת־יִצְחָק
אֲשֶׁר תֵּלֵד לְךָ שָׂרָה לַמּוֺעֵד
הַזֶּה בַּשָּׁנָה הָאַחֶרֶת׃
Gen 17.22
וַיְכַל לְדַבֵּר אִתּוֺ וַיַּעַל אֱלֹהִים
מֵעַל אַבְרָהָם׃
Gen 17.23
וַיִּקַּח אַבְרָהָם אֶת־יִשְׁמָעֵאל
בְּנֺו וְאֵת כָּל־יְלִידֵי בֵיתוֺ
וְאֵת כָּל־מִקְנַת כַּסְפּוֺ כָּל־זָכָר
בְּאַנְשֵׁי בֵּית אַבְרָהָם וַיָּמָל
אֶתבְּשַׂר עָרְלָתָם בְּעֶצֶם הַיֺּום
הַזֶּה כַּאֲשֶׁר דִּבֶּר אִתּוֺ אֱלֹהִים׃
Gen 17.24
וְאַבְרָהָם בֶּנ־תִּשְׁעִים וָתֵשַׁע
שָׁנָה בְּהִמֹּלוֺ בְּשַׂר עָרְלָתוֺ׃
Gen 17.25
וְיִשְׁמָעֵאל בְּנֺו בֶּנ־שְׁלֹשׁ עֶשְׂרֵה
שָׁנָה בְּהִמֹּלוֺ אֵת בְּשַׂר עָרְלָתוֺ׃
Gen 17.26
בְּעֶצֶם הַיֺּום הַזֶּה נִמּוֺל אַבְרָהָם
וְיִשְׁמָעֵאל בְּנֺו׃
Gen 17.27
וְכָל־אַנְשֵׁי בֵיתוֺ יְלִיד בָּיִת
וּמִקְנַת־כֶּסֶף מֵאֵת בֶּנ־נֵכָר
נִמֹּלוּ אִתּוֺ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT