Gen 12

Teljes szövegű keresés

Gen 12
Gen 12.1
וַיֺּאמֶר יְהוָה אֶל־אַבְרָם לֶכְ־לְךָ
מֵאַרְצְךָ וּמִמּוֺלַדְתְּךָ וּמִבֵּית
אָבִיךָ אֶל־הָאָרֶץ אֲשֶׁר אַרְאֶךָּ׃
Gen 12.2
וְאֶעֶשְׂךָ לְגֺוי גָּדוֺל וַאֲבָרֶכְךָ
וַאֲגַדְּלָה שְׁמֶךָ וֶהְיֵה בְּרָכָה׃
Gen 12.3
וַאֲבָרֲכָה מְבָרְכֶיךָ וּמְקַלֶּלְךָ
אָאֹר וְנִבְרְכוּ בְךָ כֹּל מִשְׁפְּחֹת
הָאֲדָמָה׃
Gen 12.4
וַיֵּלֶך אַבְרָם כַּאֲשֶׁר דִּבֶּר אֵלָיו
יְהוָה וַיֵּלֶך אִתּוֺ לוֺט וְאַבְרָם
בֶּנ־חָמֵשׁ שָׁנִים וְשִׁבְעִים שָׁנָה
בְּצֵאתוֺ מֵחָרָן׃
Gen 12.5
וַיִּקַּח אַבְרָם אֶת־שָׂרַי אִשְׁתּוֺ
וְאֶת־לוֺט בֶּנ־אָחִיו וְאֶת־כָּל־רְכוּשָׁם
אֲשֶׁר רָכָשׁוּ וְאֶת־הַנֶּפֶשׁ אֲשֶׁר־עָשׂוּ
בְחָרָן וַיֵּצְאוּ לָלֶדֶ אַרְצָה
כְּנַעַן וַיָּבֹאוּ אַרְצָה כְּנָעַן׃
Gen 12.6
וַיַּעֲבֹר אַבְרָם בָּאָרֶץ עַד מְקוֺם
שְׁכֶם עַד אֵלוֺן מוֺרֶה וְהַכְּנַעֲנִי
אָז בָּאָרֶץ׃
Gen 12.7
וַיֵּרָא יְהוָה אֶל־אַבְרָם וַיֺּאמֶר
לְזַרְעֲךָ אֶתֵּן אֶת־הָאָרֶץ הַזֺּאת
וַיִּבֶן שָׁם מִזְבֵּחַ לַיהוָה הַנִּרְאֶה
אֵלָיו׃
Gen 12.8
וַיַּעְתֵּק מִשָּׁם הָהָרָה מִקֶּדֶם לְבֵית־אֵל
וַיֵּט 1 אָהֳלֹה 2 אָהְלוֺ בֵּית־אֵל
מִיָּם וְהָעַי מִקֶּדֶם וַיִּבֶנ־שָׁם
מִזְבֵּחַ לַיהוָה יִּקְרָא בְּשֵׁם יְהוָה׃
Gen 12.9
וַיִּסַּע אַבְרָם הָלוֺך וְנָסוֺעַ
הַנֶּגְבָּה׃ ף
Gen 12.10
וַיְהִי רָעָב בָּאָרֶץ וַיֵּרֶד אַבְרָם
מִצְרַיְמָה לָגוּר שָׁם כִּי־כָבֵד
הָרָעָב בָּאָרֶץ׃
Gen 12.11
וַיְהִי כַּאֲשֶׁר הִקְרִיב לָבוֺא
מִצְרָיְמָה וַיֺּאמֶר אֶל־שָׂרַי
אִשְׁתּוֺ הִנֵּה־נָא יָדַעְתִּי כִּי
אִשָּׁה יְפַת־מַרְאֶה אָתְּ׃
Gen 12.12
וְהָיָה כִּי־יִרְאוּ אֹתָך הַמִּצְרִים
וְאָמְרוּ אִשְׁתּוֺ זֺאת וְהָרְגוּ
אֹתִי וְאֹתָך יְחַיּוּ׃
Gen 12.13
אִמְרִי־נָא אֲחֹתִי אָתְּ לְמַעַן
יִיטַב־לִי בַעֲבוּרֵך וְחָיְתָה
נַפְשִׁי בִּגְלָלֵך׃
Gen 12.14
וַיְהִי כְּבוֺא אַבְרָם מִצְרָיְמָה
וַיִּרְאוּ הַמִּצְרִים אֶת־הָאִשָּׁה
כִּי־יָפָה הִוא מְאֹד׃
Gen 12.15
וַיִּרְאוּ אֹתָהּ שָׂרֵי פַרְעֹה וַיְהַלְלוּ
אֹתָהּ אֶל־פַּרְעֹה וַתֻּקַּח הָאִשָּׁה
בֵּית פַּרְעֹה׃
Gen 12.16
וּלְאַבְרָם הֵיטִיב בַּעֲבוּרָהּ וַיְהִי־לוֺ
צֹאנ־וּבָקָר וַחֲמֹרִים וַעֲבָדִים
וּשְׁפָחֹת וַאֲתֹנֺת וּגְמַלִּים׃
Gen 12.17
וַיְנַגַּע יְהוָה אֶת־פַּרְעֹה נְגָעִים
גְּדֹלִים וְאֶת־בֵּיתוֺ עַל־דְּבַר
שָׂרַי אֵשֶׁת אַבְרָם׃
Gen 12.18
וַיִּקְרָא פַרְעֹה לְאַבְרָם וַיֺּאמֶר
מַה־זֺּאת עָשִׂיתָ לִּי לָמָּה לֹא־הִגַּדְתָּ
לִּי כִּי אִשְׁתְּךָ הִוא׃
Gen 12.19
לָמָה אָמַרְתָּ אֲחֹתִי הִוא וָאֶקַּח
אֹתָהּ לִי לְאִשָּׁה וְעַתָּה הִנֵּה
אִשְׁתְּךָ קַח וָלֵך׃
Gen 12.20
וַיְצַו עָלָיו פַּרְעֹה אֲנָשִׁים
וַיְשַׁלְּחוּ אֹתוֺ וְאֶת־אִשְׁתּוֺ
וְאֶת־כָּל־אֲשֶׁר־לוֺ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT