Ez 38

Teljes szövegű keresés

Ez 38
Ez 38.1
וַיְהִי דְבַר־יְהוָה אֵלַי לֵאמֹר׃
Ez 38.2
בֶּנ־אָדָם שִׂים פָּנֶיךָ אֶל־גֺּוג
אֶרֶץ הַמָּגֺוג נְשִׂיא רֹאשׁ מֶשֶׁך
וְתֻבָל וְהִנָּבֵא עָלָיו׃
Ez 38.3
וְאָמַרְתָּ כֹּה אָמַר אֲדֹנָי יְהוִה
הִנְנִי אֵלֶיךָ גֺּוג נְשִׂיא רֹאשׁ
מֶשֶׁך וְתֻבָל׃
Ez 38.4
וְשׁוֺבַבְתִּיךָ וְנָתַתִּי חַחִים
בִּלְחָיֶיךָ וְהוֺצֵאתִי אוֺתְךָ וְאֶת־כָּל־חֵילֶךָ
סוּסִים וּפָרָשִׁים לְבֻשֵׁי מִכְלוֺל
כֻּלָּם קָהָל רָב צִןָ וּמָגֵן תֹּפְשֵׂי
חֲרָבוֺת כֻּלָּם׃
Ez 38.5
פָּרַס כּוּשׁ וּפוּט אִתָּם כֻּלָּם
מָגֵן וְכוֺבָע׃
Ez 38.6
גֺּמֶר וְכָל־אֲגַפֶּיהָ בֵּית תּוֺגַרְמָה
יַרְכְּתֵי צָפוֺן וְאֶת־כָּל־אֲגַפָּיו
עַמִּים רַבִּים אִתָּך׃
Ez 38.7
הִכֹּן וְהָכֵן לְךָ אַתָּה וְכָל־קְהָלֶךָ
הַנִּקְהָלִים עָלֶיךָ וְהָיִיתָ לָהֶם
לְמִשְׁמָר׃
Ez 38.8
מִיָּמִים רַבִּים תִּפָּקֵד בְּאַחֲרִית
הַשָּׁנִים תָּבוֺא אֶל־אֶרֶץ מְשׁוֺבֶבֶת
מֵחֶרֶב מְקֻבֶּצֶת מֵעַמִּים רַבִּים
עַל הָרֵי יִשְׂרָאֵל אֲר־הָיוּ לְחָרְבָּה
תָּמִיד וְהִיא מֵעַמִּים הוּצָאָה
וְיָשְׁבוּ לָבֶטַח כֻּלָּם׃
Ez 38.9
וְעָלִיתָ כַּשֹּׁאָה תָבוֺא כֶּעָנָן
לְכַסּוֺת הָאָרֶץ תִּהְיֶה אַתָּה וְכָל־אֲגַפֶּיךָ
וְעַמִּים רַבִּים אוֺתָך׃ ס
Ez 38.10
כֹּה אָמַר אֲדֹנָי יְהוִה וְהָיָה
בַּיֺּום הַהוּא יַעֲלוּ דְבָרִים
עַל־לְבָבֶךָ וְחָשַׁבְתָּ מַחֲשֶׁבֶת
רָעָה׃
Ez 38.11
וְאָמַרְתָּ אֶעֱלֶה עַל־אֶרֶץ פְּרָזֺות
אָבוֺא הַשֹּׁקְטִים יֺשְׁבֵי לָבֶטַח
כֻּלָּם יֺשְׁבִים בְּאֵין חוֺמָה וּבְרִיחַ
וּדְלָתַיִם אֵין לָהֶ׃
Ez 38.12
לִשְׁלֹל שָׁלָל וְלָבֹז בַּז לְהָשִׁיב
יָדְךָ עַל־חֳרָבוֺת נֺושָׁבֹת וְאֶל־עַם
מְאֻסָּף מִגֺּויִם עֹשֶׂה מִקְנֶה וְקִנְיָן
יֺשְׁבֵי עַל־טַבּוּר הָאָץ׃
Ez 38.13
שְׁבָא וּדְדָן וְסֹחֲרֵי תַרְשִׁישׁ
וְכָל־כְּפִרֶיהָ יֺאמְרוּ לְךָ הֲלִשְׁלֹל
שָׁלָל אַתָּה בָא הֲלָבֹז בַּז הִקְהַלְתָּ
קְהָלֶךָ לָשֵׂאת כֶּף וְזָהָב לָקַחַת
מִקְנֶה וְקִנְיָן לִשְׁלֹל שָׁלָל
גָּדוֺל׃ ס
Ez 38.14
לָכֵן הִנָּבֵא בֶנ־אָדָם וְאָמַרְתָּ
לְגֺוג כֹּה אָמַר אֲדֹנָי יְהוִה
הֲלוֺא בַּיֺּום הַהוּא בְּשֶׁבֶת עַמִּי
יִשְׂרָאֵל לָבֶטַח תֵּדָע׃
Ez 38.15
וּבָאתָ מִמְּקוֺמְךָ מִיַּרְכְּתֵי צָפוֺן
אַתָּה וְעַמִּים רַבִּים אִתָּך רֹכְבֵי
סוּסִים כֻּלָּם קָהָל גָּדוֺל וְחַיִל
רָב׃
Ez 38.16
וְעָלִיתָ עַל־עַמִּי יִשְׂרָאֵל כֶּעָנָן
לְכַסּוֺת הָאָרֶץ בְּאַחֲרִית הַיָּמִים
תִּהְיֶה וַהֲבִאוֺתִיךָ עַל־אַרְצִי
לְמַעַן דַּעַת הַגֺּויִ אֹתִי בְּהִקָּדְשִׁי
בְךָ לְעֵינֵיהֶם גֺּוג׃ ס
Ez 38.17
כֹּה־אָמַר אֲדֹנָי יְהוִה הַאַתָּה־הוּא
אֲשֶׁר־דִּבַּרְתִּי בְּיָמִים קַדְמוֺנִים
בְּיַד עֲבָדַי נְבִיאֵי יִשְׂרָאֵל
הַנִּבְּאִים בַּיָּמִים הָהֵם שָׁנִים
לְהָבִיא אֹתְךָ עֲלֵיהֶם׃ ס
Ez 38.18
וְהָיָה בַּיֺּום הַהוּא בְּיֺום בּוֺא
גֺוג עַל־אַדְמַת יִשְׂרָאֵל נְאֻם
אֲדֹנָי יְהוִה תַּעֲלֶה חֲמָתִי
בְּאַפִּי׃
Ez 38.19
וּבְקִנְאָתִי בְאֵשׁ־עֶבְרָתִי דִּבַּרְתִּי
אִמ־לֹא בַּיֺּום הַהוּא יִהְיֶה
רַעַשׁ גָּדוֺל עַל אַדְמַת יִשְׂרָאֵל׃
Ez 38.20
וְרָעֲשׁוּ מִפָּנַי דְּגֵי הַיָּם וְעוֺף
הַשָּׁמַיִם וְחַיַּת הַשָּׂדֶה וְכָל־הָרֶמֶשׂ
הָרֹמֵשׂ עַל־הָאֲדָמָה וְכֹל הָאָדָם
אֲשֶׁר עַל־פְּנֵי הָאֲדָמָה וְנֶהֶרְסוּ
הֶהָרִים וְנָפְלוּ הַמַּדְרֵגֺות וְכָל־חוֺמָה
לָאָרֶץ תִּפּוֺל׃
Ez 38.21
וְקָרָאתִי עָלָיו לְכָל־הָרַי חֶרֶב
נְאֻם אֲדֹנָי יְהוִה חֶרֶב אִישׁ
בְּאָחִיו תִּהְיֶה׃
Ez 38.22
וְנִשְׁפַּטְתִּי אִתּוֺ בְּדֶבֶר וּבְדָם
וְגֶשֶׁם שׁוֺטֵף וְאַבְנֵי אֶלְגָּבִישׁ
אֵשׁ וְגָפְרִית אַמְטִיר עָלָיו
וְעַל־אֲגַפָּיו וְעַל־עַמִּים רַבִּים
אֲשֶׁר אִתּוֺ׃
Ez 38.23
וְהִתְגַּדִּלְתִּי וְהִתְקַדִּשְׁתִּי וְנֺודַעְתִּי
לְעֵינֵי גֺּויִם רַבִּים וְיָדְעוּ
כִּי־אֲנִי יְהוָה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT