Ez 37

Teljes szövegű keresés

Ez 37
Ez 37.1
הָיְתָה עָלַי יַד־יְהוָה וַיֺּוצִאֵנִי
בְרוּחַ יְהוָה וַיְנִיחֵנִי בְּתוֺך
הַבִּקְעָה וְהִיא מְלֵאָה עֲצָמוֺת׃
Ez 37.2
וְהֶעֱבִירַנִי עֲלֵיהֶם סָבִיב סָבִיב
וְהִנֵּה רַבּוֺת מְאֹד עַל־פְּנֵי
הַבִּקְעָה וְהִנֵּה יְבֵשׁוֺת מְאֹד׃
Ez 37.3
וַיֺּאמֶר אֵלַי בֶּנ־אָדָם הֲתִחְיֶינָה
הָעֲצָמוֺת הָאֵלֶּה וָאֹמַר אֲדֹנָי
יְהוִה אַתָּה יָדָעְתָּ׃
Ez 37.4
וַיֺּאמֶר אֵלַי הִנָּבֵא עַל־הָעֲצָמוֺת
הָאֵלֶּה וְאָמַרְתָּ אֲלֵיהֶם הָעֲצָמוֺת
הַיְבֵשׁוֺת שִׁמְעוּ דְּבַר־יְהוָה׃
Ez 37.5
כֹּה אָמַר אֲדֹנָי יְהוִה לָעֲצָמוֺת
הָאֵלֶּה הִנֵּה אֲנִי מֵבִיא בָכֶם
רוּחַ וִחְיִיתֶם׃
Ez 37.6
וְנָתַתִּי עֲלֵיכֶם גִּדִים וְהַעֲלֵתִי
עֲלֵיכֶם בָּשָׂר וְקָרַמְתִּי עֲלֵיכֶם
עוֺר וְנָתַתִּי בָכֶם רוּחַ וִחְיִיתֶם
וִידַעְתֶּם כִּי־אֲןִ יְהוָה׃
Ez 37.7
וְנִבֵּאתִי כַּאֲשֶׁר צֻוֵּיתִי וַיְהִי־קוֺל
כְּהִנָּבְאִי וְהִנֵּה־רַעַשׁ וַתִּקְרְבוּ
עֲצָמוֺת עֶצֶם אֶל־עַצְמוֺ׃
Ez 37.8
וְרָאִיתִי וְהִנֵּה־עֲלֵיהֶם גִּדִים
וּבָשָׂר עָלָה וַיִּקְרַם עֲלֵיהֶם
עוֺר מִלְמָעְלָה וְרוּחַ אֵין
בָּהֶם׃
Ez 37.9
וַיֺּאמֶר אֵלַי הִנָּבֵא אֶל־הָרוּחַ
הִנָּבֵא בֶנ־אָדָם וְאָמַרְתָּ אֶל־הָרוּחַ
כֹּה־אָמַר אֲדֹנָי יְהוִה מֵאַרְבַּע
רוּחוֺת בֹּאִי הָרוּחַ וּחִי בַּהֲרוּגִים
הָאֵלֶּה וְיִחְיוּ׃
Ez 37.10
וְהִנַּבֵּאתִי כַּאֲשֶׁר צִוָּנִי וַתָּבוֺא
בָהֶם הָרוּחַ וַיִּחְיוּ וַיַּעַמְדוּ
עַל־רַגְלֵיהֶם חַיִל גָּדוֺל מְאֹד־מְאֹד׃
ס
Ez 37.11
וַיֺּאמֶר אֵלַי בֶּנ־אָדָם הָעֲצָמוֺת
הָאֵלֶּה כָּל־בֵּית יִשְׂרָאֵל הֵמָּה
הִנֵּה אֹמְרִים יָבְשׁוּ עַצְמוֺתֵינוּ
וְאָבְדָה תִקְוָתֵנוּ נִגְזַרְנוּלָנוּ׃
Ez 37.12
לָכֵן הִנָּבֵא וְאָמַרְתָּ אֲלֵיהֶם
כֹּה־אָמַר אֲדֹנָי יְהוִה הִנֵּה
אֲנִי פֹתֵחַ אֶת־קִבְרוֺתֵיכֶם וְהַעֲלֵיתִי
אֶתְכֶם מִקִּבְרוֺתֵיכֶם עַמִּי וְהֵבֵאתִי
אֶתְכֶם אֶל־אַדְמַת יִשְׂרָאֵל׃ ס
Ez 37.13
וִידַעְתֶּם כִּי־אֲנִי יְהוָה בְּפִתְחִי
אֶת־קִבְרוֺתֵיכֶם וּבְהַעֲלוֺתִי
אֶתְכֶם מִקִּבְרוֺתֵיכֶם עַמִּי׃
Ez 37.14
וְנָתַתִּי רוּחִי בָכֶם וִחְיִיתֶם
וְהִנַּחְתִּי אֶתְכֶם עַל־אַדְמַתְכֶם
וִידַעְתֶּם כִּי־אֲנִי יְהוָה דִּבַּרְתִּי
וְעָשִׂיתִי נְאֻמ־יְהוָה׃ ף
Ez 37.15
וַיְהִי דְבַר־יְהוָה אֵלַי לֵאמֹר׃
Ez 37.16
וְאַתָּה בֶנ־אָדָם קַח־לְךָ עֵץ
אֶחָד וּכְתֹב עָלָיו לִיהוּדָה
וְלִבְנֵי יִשְׂרָאֵל 1 חֲבֵרוֺ 2 חֲבֵרָיו
וּלְקַח עֵץ אֶחָד וּכְתוֺב עָלָיו
לְיֺסֵף עֵץ אֶפְרַיִם וְכָל־בֵּית
יִשְׂרָאֵל 1 חֲבֵרוֺ 2 חֲבֵרָיו׃
Ez 37.17
וְקָרַב אֹתָם אֶחָד אֶל־אֶחָד
לְךָ לְעֵץ אֶחָד וְהָיוּ לַאֲחָדִים
בְּיָדֶךָ׃
Ez 37.18
וְכַאֲשֶׁר יֺאמְרוּ אֵלֶיךָ בְּנֵי
עַמְּךָ לֵאמֹר הֲלוֺא־תַגִּיד לָנוּ
מָה־אֵלֶּה לָּךָ׃
Ez 37.19
דַּבֵּר אֲלֵהֶם כֹּה־אָמַר אֲדֹנָי
יְהוִה הִנֵּה אֲנִי לֹקֵחַ אֶת־עֵץ
יֺוסֵף אֲשֶׁר בְּיַד־אֶפְרַיִם וְשִׁבְטֵי
יִשְׂרָאֵל 1 חֶבְרוֺ 2 חֲבֵרָיו וְנָתַתִּי
אוֺתָם עָלָיו אֶת־עֵץ יְהוּדָה
וַעֲשִׂיתִם לְעֵץ אֶחָד וְהָיוּ אֶחָד
בְּיָדִי׃
Ez 37.20
וְהָיוּ הָעֵצִים אֲשֶׁר־תִּכְתֹּב
עֲלֵיהֶם בְּיָדְךָ לְעֵינֵיהֶם׃
Ez 37.21
וְדַבֵּר אֲלֵיהֶם כֹּה־אָמַר אֲדֹנָי
יְהוִה הִנֵּה אֲנִי לֹקֵחַ אֶת־בְּנֵי
יִשְׂרָאֵל מִבֵּין הַגֺּויִם אֲשֶׁר
הָלְכוּ־שָׁם וְקִבַּצְתִּי אֹתָם מִסָּבִיב
וְהֵבֵאתִי אוֺתָם אֶל־אַדְמָתָם׃
Ez 37.22
וְעָשִׂיתִי אֹתָם לְגֺוי אֶחָד
בָּאָרֶץ בְּהָרֵי יִשְׂרָאֵל וּמֶלֶך
אֶחָד יִהְיֶה לְכֻלָּם לְמֶלֶך וְלֹא 1 יִהְיֶה 2 יִהְיוּ־עוֺד
לִשְׁנֵי גֺויִם וְלֹא יֵחָצוּ עוֺד
לִשְׁתֵּי מַמְלָכוֺת עוֺד׃
Ez 37.23
וְלֹא יִטַמְּאוּ עוֺד בְּגִלּוּלֵיהֶם
וּבְשִׁקּוּצֵיהֶם וּבְכֹל פִּשְׁעֵיהֶם
וְהוֺשַׁעְתִּי אֹתָם מִכֹּל מוֺשְׁבֹתֵיהֶם
אֲשֶׁר חָטְאוּ בָהֶם וְטִרְתִּי אוֺתָם
וְהָיוּ־לִי לְעָם וַאֲנִי אֶהְיֶה
לָהֶם לֵאלֹהִים׃
Ez 37.24
וְעַבְדִּי דָוִד מֶלֶך עֲלֵיהֶם וְרוֺעֶה
אֶחָד יִהְיֶה לְכֻלָּם וּבְמִשְׁפָּטַי
יֵלֵכוּ וְחֻקֹּתַי יִשְׁמְרוּ וְעָשׂוּ
אוֺתָם׃
Ez 37.25
וְיָשְׁבוּ עַל־הָאָרֶץ אֲשֶׁר נָתַתִּי
לְעַבְדִּי לְיַעֲקֹב אֲשֶׁר יָשְׁבוּ־בָהּ
אֲבוֺתֵיכֶם וְיָשְׁבוּ עָלֶיהָ הֵמָּה
וּבְנֵיהֶם וּבְנֵי בְנֵיהֶם עַד־עוֺלָם
וְדָוִד עַבְדִּי נָשִׂיא לָהֶם לְעוֺלָם׃
Ez 37.26
וְכָרַתִּי לָהֶם בְּרִית שָׁלוֺם בְּרִית
עוֺלָם יִהְיֶה אוֺתָם וּנְתַתִּים
וְהִרְבֵּיתִי אוֺתָם וְנָתַתִּי אֶת־מִקְדָּשִׁי
בְּתוֺכָם לְעוֺלָם׃
Ez 37.27
וְהָיָה מִשְׁכָּנִי עֲלֵיהֶם וְהָיִיתִי
לָהֶם לֵאלֹהִים וְהֵמָּה יִהְיוּ־לִי
לְעָם׃
Ez 37.28
וְיָדְעוּ הַגֺּויִם כִּי אֲנִי יְהוָה
מְקַדֵּשׁ אֶת־יִשְׂרָאֵל בִּהְיֺות
מִקְדָּשִׁי בְּתוֺכָם לְעוֺלָם׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT