Ez 34

Teljes szövegű keresés

Ez 34
Ez 34.1
וַיְהִי דְבַר־יְהוָה אֵלַי לֵאמֹר׃
Ez 34.2
בֶּנ־אָדָם הִנָּבֵא עַל־רוֺעֵי
יִשְׂרָאֵל הִנָּבֵא וְאָמַרְתָּ אֲלֵיהֶם
לָרֹעִים כֹּה אָמַר אֲדֹנָי יְהוִה
הוֺי רֹעֵי־יִשְׂרָאֵל אֲשֶׁר הָיוּרֹעִים
אוֺתָם הֲלוֺא הַצֹּאן יִרְעוּ הָרֹעִים׃
Ez 34.3
אֶת־הַחֵלֶב תֹּאכֵלוּ וְאֶת־הַצֶּמֶר
תִּלְבָּשׁוּ הַבְּרִיאָה תִּזְבָּחוּ הַצֹּאן
לֹא תִרְעוּ׃
Ez 34.4
אֶת־הַנַּחְלוֺת לֹא חִזַּקְתֶּם וְאֶת־הַחוֺלָה
לֹא־רִפֵּאתֶם וְלַנִּשְׁבֶּרֶת לֹא
חֲבַשְׁתֶּם וְאֶת־הַנִּדַּחַת לֹא הֲשֵׁבֹתֶם
וְאֶת־הָאֹבֶדֶת לֹ בִקַּשְׁתֶּם וּבְחָזְקָה
רְדִיתֶם אֹתָם וּבְפָרֶך׃
Ez 34.5
וַתְּפוּצֶינָה מִבְּלִי רֹעֶה וַתִּהְיֶינָה
לְאָכְלָה לְכָל־חַיַּת הַשָּׂדֶה וַתְּפוּצֶינָה׃
Ez 34.6
יִשְׁגּוּ צֹאנִי בְּכָל־הֶהָרִים
וְעַל כָּל־גִּבְעָה רָמָה וְעַל כָּל־פְּנֵי
הָאָרֶץ נָפֹצוּ צֹאנִי וְאֵין
דּוֺרֵשׁ וְאֵין מְבַקֵּשׁ׃
Ez 34.7
לָכֵן רֹעִים שִׁמְעוּ אֶת־דְּבַר
יְהוָה׃
Ez 34.8
חַי־אָנִי נְאֻם אֲדֹנָי יְהוִה
אִמ־לֹא יַעַן הֱיֺות־צֹאנִי לָבַז
וַתִּהְיֶינָה צֹאנִי לְאָכְלָה לְכָל־חַיַּת
הַשָּׂדֶה מֵאֵין רֹעֶה וְלֹ־דָרְשׁוּ
רֹעַי אֶת־צֹאנִי וַיִּרְעוּ הָרֹעִים
אוֺתָם וְאֶת־צֹאנִי לֹא רָעוּ׃
ס
Ez 34.9
לָכֵן הָרֹעִים שִׁמְעוּ דְּבַר־יְהוָה׃
Ez 34.10
כֹּה־אָמַר אֲדֹנָי יְהוִה הִנְנִי
אֶל־הָרֹעִים וְדָרַשְׁתִּי אֶת־צֹאנִי
מִיָּדָם וְהִשְׁבַּתִּים מֵרְעוֺת צֹאן
וְלֹא־יִרְעוּ עוֺד הָרֹעִים אוֺתָם
וְהִצַּלְתִּי צֹאנִי מִפִּיהֶם וְלֹא־תִהְיֶיןָ
לָהֶם לְאָכְלָה׃ ס
Ez 34.11
כִּי כֹּה אָמַר אֲדֹנָי יְהוִה
הִנְנִי־אָנִי וְדָרַשְׁתִּי אֶת־צֹאנִי
וּבִקַּרְתִּים׃
Ez 34.12
כְּבַקָּרַת רֹעֶה עֶדְרוֺ בְּיֺומ־הֱיֺותוֺ
בְתוֺכְ־צֹאנֺו נִפְרָשׁוֺת כֵּן אֲבַקֵּר
אֶת־צֹאנִי וְהִצַּלְתִּי אֶתְהֶם
מִכָּל־הַמְּקוֺמֹת אֲשֶׁר נָפֹצוּ שָׁם
בְּיֺום עָנָן וַעֲרָפֶל׃
Ez 34.13
וְהוֺצֵאתִים מִנ־הָעַמִּים וְקִבַּצְתִּים
מִנ־הָאֲרָצוֺת וַהֲבִיאֹתִים אֶל־אַדְמָתָם
וּרְעִיתִים אֶל־הָרֵי יִשְׂרָאֵל
בָּאֲפִיקִים וּבְכֹל מוֺשְׁבֵי הָאָרֶץ׃
Ez 34.14
בְּמִרְעֶה־טּוֺב אֶרְעֶה אֹתָם וּבְהָרֵי
מְרוֺמ־יִשְׂרָאֵל יִהְיֶה נְוֵהֶם
שָׁם תִּרְבַּצְנָה בְּנָוֶה טּוֺב וּמִרְעֶה
שָׁמֵן תִּרְעֶינָה אֶל־הָרֵייִשְׂרָאֵל׃
Ez 34.15
אֲנִי אֶרְעֶה צֹאנִי וַאֲנִי אַרְבִּיצֵם
נְאֻם אֲדֹנָי יְהוִה׃
Ez 34.16
אֶת־הָאֹבֶדֶת אֲבַקֵּשׁ וְאֶת־הַנִּדַּחַת
אָשִׁיב וְלַנִּשְׁבֶּרֶת אֶחֱבֹשׁ וְאֶת־הַחוֺלָה
אֲחַזֵּק וְאֶת־הַשְּׁמֵנָה וְאֶת־הַחֲזָקָה
אַשְׁמִיד אֶרְעֶנָּה בְמִשְׁפָּט׃
Ez 34.17
וְאַתֵּנָה צֹאנִי כֹּה אָמַר אֲדֹנָי
יְהוִה הִנְנִי שֹׁפֵט בֵּינ־שֶׂה
לָשֶׂה לָאֵילִים וְלָעַתּוּדִים׃
Ez 34.18
הַמְעַט מִכֶּם הַמִּרְעֶה הַטּוֺב תִּרְעוּ
וְיֶתֶר מִרְעֵיכֶם תִּרְמְסוּ בְּרַגְלֵיכֶם
וּמִשְׁקַע־מַיִם תִּשְׁתּוּ וְאֵת הַנֺּותָרִים
בְּרַגְלֵיכֶמתִּרְפֹּשׂוּן׃
Ez 34.19
וְצֹאנִי מִרְמַס רַגְלֵיכֶם תִּרְעֶינָה
וּמִרְפַּשׂ רַגְלֵיכֶם תִּשְׁתֶּינָה׃
ס
Ez 34.20
לָכֵן כֹּה אָמַר אֲדֹנָי יְהוִה
אֲלֵיהֶם הִנְנִי־אָנִי וְשָׁפַטְתִּי
בֵּינ־שֶׂה בִרְיָה וּבֵין שֶׂה רָזָה׃
Ez 34.21
יַעַן בְּצַד וּבְכָתֵף תֶּהְדֹּפוּ
וּבְקַרְנֵיכֶם תְּנַגְּחוּ כָּל־הַנַּחְלוֺת
עַד אֲשֶׁר הֲפִיצוֺתֶם אוֺתָנָה
אֶל־הַחוּצָה׃
Ez 34.22
וְהוֺשַׁעְתִּי לְצֹאנִי וְלֹא־תִהְיֶינָה
עוֺד לָבַז וְשָׁפַטְתִּי בֵּין שֶׂה
לָשֶׂה׃
Ez 34.23
וַהֲקִמֹתִי עֲלֵיהֶם רֹעֶה אֶחָד
וְרָעָה אֶתְהֶן אֵת עַבְדִּי דָוִיד
הוּא יִרְעֶה אֹתָם וְהוּא־יִהְיֶה
לָהֶן לְרֹעֶה׃
Ez 34.24
וַאֲנִי יְהוָה אֶהְיֶה לָהֶם לֵאלֹהִים
וְעַבְדִּי דָוִד נָשִׂיא בְתוֺכָם
אֲנִי יְהוָה דִּבַּרְתִּי׃
Ez 34.25
וְכָרַתִּי לָהֶם בְּרִית שָׁלוֺם וְהִשְׁבַּתִּי
חַיָּה־רָעָה מִנ־הָאָרֶץ וְיָשְׁבוּ
בַמִּדְבָּר לָבֶטַח וְיָשְׁנוּ בַּיְּעָרִים׃
Ez 34.26
וְנָתַתִּי אוֺתָם וּסְבִיבוֺת גִּבְעָתִי
בְּרָכָה וְהוֺרַדְתִּי הַגֶּשֶׁם בְּעִתּוֺ
גִּשְׁמֵי בְרָכָה יִהְיוּ׃
Ez 34.27
וְנָתַן עֵץ הַשָּׂדֶה אֶת־פִּרְיֺו
וְהָאָרֶץ תִּתֵּן יְבוּלָהּ וְהָיוּ
עַל־אַדְמָתָם לָבֶטַח וְיָדְעוּ כִּי־אֲנִי
יְהוָה בְּשִׁבְרִי אֶת־מֹטוֺת עֻלָּם
וְהִצַּלְתִּים מִיַּד הָעֹבְדִים בָּהֶם׃
Ez 34.28
וְלֹא־יִהְיוּ עוֺד בַּז לַגֺּויִם
וְחַיַּת הָאָרֶץ לֹא תֹאכְלֵם וְיָשְׁבוּ
לָבֶטַח וְאֵין מַחֲרִיד׃
Ez 34.29
וַהֲקִמֹתִי לָהֶם מַטָּע לְשֵׁם וְלֹא־יִהְיוּ
עוֺד אֲסֻפֵי רָעָב בָּאָרֶץ וְלֹא־יִשְׂאוּ
עוֺד כְּלִמַּת הַגֺּויִם׃
Ez 34.30
וְיָדְעוּ כִּי אֲנִי יְהוָה אֱלֹהֵיהֶם
אִתָּם וְהֵמָּה עַמִּי בֵּית יִשְׂרָאֵל
נְאֻם אֲדֹנָי יְהוִה׃
Ez 34.31
וְאַתֵּן צֹאנִי צֹאן מַרְעִיתִי
אָדָם אַתֶּם אֲנִי אֱלֹהֵיכֶם נְאֻם
אֲדֹנָי יְהוִה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT