Ez 2

Teljes szövegű keresés

Ez 2
Ez 2.1
וַיֺּאמֶר אֵלָי בֶּנ־אָדָם עֲמֹד
עַל־רַגְלֶיךָ וַאֲדַבֵּר אֹתָך׃
Ez 2.2
וַתָּבֹא בִי רוּחַ כַּאֲשֶׁר דִּבֶּר
אֵלַי וַתַּעֲמִדֵנִי עַל־רַגְלָי וָאֶשְׁמַע
אֵת מִדַּבֵּר אֵלָי׃ ף
Ez 2.3
וַיֺּאמֶר אֵלַי בֶּנ־אָדָם שׁוֺלֵחַ
אֲנִי אוֺתְךָ אֶל־בְּנֵי יִשְׂרָאֵל
אֶל־גֺּויִם הַמּוֺרְדִים אֲשֶׁר מָרְדוּ־בִי
הֵמָּה וַאֲבוֺתָם פָּשְׁעוּ י עַד־עֶצֶם
הַיֺּום הַזֶּה׃
Ez 2.4
וְהַבָּנִים קְשֵׁי פָנִים וְחִזְקֵי־לֵב
אֲנִי שׁוֺלֵחַ אוֺתְךָ אֲלֵיהֶם
וְאָמַרְתָּ אֲלֵיהֶם כֹּה אָמַר אֲדֹנָי
יְהֹוִה׃
Ez 2.5
וְהֵמָּה אִמ־יִשְׁמְעוּ וְאִמ־יֶחְדָּלוּ
כִּי בֵּית מְרִי הֵמָּה וְיָדְעוּ
כִּי נָבִיא הָיָה בְתוֺכָם׃ ף
Ez 2.6
וְאַתָּה בֶנ־אָדָם אַל־תִּירָא מֵהֶם
וּמִדִּבְרֵיהֶם אַל־תִּירָא כִּי סָרָבִים
וְסַלּוֺנִים אוֺתָך וְאֶל־עַקְרַבִּים
אַתָּה יֺושֵׁב מִדִּבְרֵיהֶם אַל־תִּירָא
וּמִפְּנֵיהֶם אַל־תֵּחָת כִּי בֵּית
מְרִי הֵמָּה׃
Ez 2.7
וְדִבַּרְתָּ אֶת־דְּבָרַי אֲלֵיהֶם
אִמ־יִשְׁמְעוּ וְאִמ־יֶחְדָּלוּ כִּי
מְרִי הֵמָּה׃ ף
Ez 2.8
וְאַתָּה בֶנ־אָדָם שְׁמַע אֵת אֲשֶׁר־אֲנִי
מְדַבֵּר אֵלֶיךָ אַל־תְּהִי־מֶרִי
כְּבֵית הַמֶּרִי פְּצֵה פִיךָ וֶאֱכֹל
אֵת אֲשֶׁר־אֲנִי נֺתֵן אֵיךָ׃
Ez 2.9
וָאֶרְאֶה וְהִנֵּה־יָד שְׁלוּחָה אֵלָי
וְהִנֵּה־בוֺ מְגִלַּת־סֵפֶר׃
Ez 2.10
וַיִּפְרֹשׂ אוֺתָהּ לְפָנַי וְהִיא
כְתוּבָה פָּנִים וְאָחוֺר וְכָתוּב
אֵלֶיהָ קִנִים וָהֶגֶה וָהִי׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT