Exo 21

Teljes szövegű keresés

Exo 21
Exo 21.1
וְאֵלֶּה הַמִּשְׁפָּטִים אֲשֶׁר תָּשִׂים
לִפְנֵיהֶם׃
Exo 21.2
כִּי תִקְנֶה עֶבֶד עִבְרִי שֵׁשׁ
שָׁנִים יַעֲבֹד וּבַשְּׁבִעִת יֵצֵא
לַחָפְשִׁי חִנָּם׃
Exo 21.3
אִמ־בְּגַפּוֺ יָבֹא בְּגַפּוֺ יֵצֵא
אִמ־בַּעַל אִשָּׁה הוּא וְיָצְאָה
אִשְׁתּוֺ עִמּוֺ׃
Exo 21.4
אִמ־אֲדֹנָיו יִתֶּנ־לוֺ אִשָּׁה
וְיָלְדָה־לוֺ בָנִים אוֺ בָנֺות
הָאִשָּׁה וִילָדֶיהָ תִּהְיֶה לַאדֹנֶיהָ
וְהוּא יֵצֵא בְגַפּוֺ׃
Exo 21.5
וְאִמ־אָמֹר יֺאמַר הָעֶבֶד אָהַבְתִּי
אֶת־אֲדֹנִי אֶת־אִשְׁתִּי וְאֶת־בָּנָי
לֹא אֵצֵא חָפְשִׁי׃
Exo 21.6
וְהִגִּישׁוֺ אֲדֹנָיו אֶל־הָאֱלֹהִים
וְהִגִּישׁוֺ אֶל־הַדֶּלֶת אוֺ אֶל־הַמְּזוּזָה
וְרָצַע אֲדֹנָיו אֶת־אָזְנֺו בַּמַּרְצֵעַ
וַעֲבָדוֺ לְעֹלָם׃ ס
Exo 21.7
וְכִי־יִמְכֹּר אִישׁ אֶת־בִּתּוֺ
לְאָמָה לֹא תֵצֵא כְּצֵאת הָעֲבָדִים׃
Exo 21.8
אִמ־רָעָה בְּעֵינֵי אֲדֹנֶיהָ אֲשֶׁר־לֹא 2 לוֺ
יְעָדָהּ וְהֶפְדָּהּ לְעַם נָכְרִי לֹא־יִמְשֹׁל
לְמָכְרָהּ בְּבִגְדוֺ־בָהּ׃
Exo 21.9
וְאִמ־לִבְנֺו יִיעָדֶנָּה כְּמִשְׁפַּט
הַבָּנֺות יַעֲשֶׂה־לָּהּ׃
Exo 21.10
אִמ־אַחֶרֶת יִקַּח־לוֺ שְׁאֵרָהּ
כְּסוּתָהּ וְעֹנָתָהּ לֹא יִגְרָע׃
Exo 21.11
וְאִמ־שְׁלָשׁ־אֵלֶּה לֹא יַעֲשֶׂה
לָהּ וְיָצְאָה חִנָּם אֵין כָּסֶף׃
ס
Exo 21.12
מַכֵּה אִישׁ וָמֵת מוֺת יוּמָת׃
Exo 21.13
וַאֲשֶׁר לֹא צָדָה וְהָאֱלֹהִים אִנָּה
לְיָדוֺ וְשַׂמְתִּי לְךָ מָקוֺם אֲשֶׁר
יָנוּס שָׁמָּה׃ ס
Exo 21.14
וְכִי־יָזִד אִישׁ עַל־רֵעֵהוּ לְהָרְגֺו
בְעָרְמָה מֵעִם מִזְבְּחִי תִּקָּחֶנּוּ
לָמוּת׃ ס
Exo 21.15
וּמַכֵּה אָבִיו וְאִמּוֺ מוֺת יוּמָת׃
Exo 21.16
וְגֺנֵב אִישׁ וּמְכָרוֺ וְנִמְצָא
בְיָדוֺ מוֺת יוּמָת׃ ס
Exo 21.17
וּמְקַלֵּל אָבִיו וְאִמּוֺ מוֺת
יוּמָת׃ ס
Exo 21.18
וְכִי־יְרִיבֻן אֲנָשִׁים וְהִכָּה־אִישׁ
אֶת־רֵעֵהוּ בְּאֶבֶן אוֺ בְאֶגְרֹף
וְלֹא יָמוּת וְנָפַל לְמִשְׁכָּב׃
Exo 21.19
אִמ־יָקוּם וְהִתְהַלֵּך בַּחוּץ
עַל־מִשְׁעַנְתּוֺ וְנִקָּה הַמַּכֶּה רַק
שִׁבְתּוֺ יִתֵּן וְרַפֹּא יְרַפֵּא׃ ס
Exo 21.20
וְכִי־יַכֶּה אִישׁ אֶת־עַבְדּוֺ אוֺ
אֶת־אֲמָתוֺ בַּשֵּׁבֶט וּמֵת תַּחַת
יָדוֺ נָקֹם יִנָּקֵם׃
Exo 21.21
אַך אִמ־יֺום אוֺ יֺומַיִם יַעֲמֹד
לֹא יֻקַּם כִּי כַסְפּוֺ הוּא׃ ס
Exo 21.22
וְכִי־יִנָּצוּ אֲנָשִׁים וְנָגְפוּ
אִשָּׁה הָרָה וְיָצְאוּ יְלָדֶיהָ וְלֹא
יִהְיֶה אָסוֺן עָנֺושׁ יֵעָנֵשׁ
כַּאֲשֶׁר יָשִׁית עָלָיו בַּעַל הָשָּׁה
וְנָתַן בִּפְלִלִים׃
Exo 21.23
וְאִמ־אָסוֺן יִהְיֶה וְנָתַתָּה
נֶפֶשׁ תַּחַת נָפֶשׁ׃
Exo 21.24
עַיִן תַּחַת עַיִן שֵׁן תַּחַת שֵׁן
יָד תַּחַת יָד רֶגֶל תַּחַת רָגֶל׃
Exo 21.25
כְּוִיָּה תַּחַת כְּוִיָּה פֶּצַע תַּחַת
פָּצַע חַבּוּרָה תַּחַת חַבּוּרָה׃
ס
Exo 21.26
וְכִי־יַכֶּה אִישׁ אֶת־עֵין עַבְדּוֺ
אוֺ־אֶת־עֵין אֲמָתוֺ וְשִׁחֲתָהּ
לַחָפְשִׁי יְשַׁלְּחֶנּוּ תַּחַת עֵינֺו׃
ס
Exo 21.27
וְאִמ־שֵׁן עַבְדּוֺ אוֺ־שֵׁן אֲמָתוֺ
יַפִּיל לַחָפְשִׁי יְשַׁלְּחֶנּוּ תַּחַת
שִׁנֺּו׃ ף
Exo 21.28
וְכִי־יִגַּח שׁוֺר אֶת־אִישׁ אוֺ
אֶת־אִשָּׁה וָמֵת סָקוֺל יִסָּקֵל
הַשּׁוֺר וְלֹא יֵאָכֵל אֶת־בְּשָׂרוֺ
וּבַעַל הַשּׁוֺר נָקִי׃
Exo 21.29
וְאִם שׁוֺר נַגָּח הוּא מִתְּמֹל
שִׁלְשֹׁם וְהוּעַד בִּבְעָלָיו וְלֹא
יִשְׁמְרֶנּוּ וְהֵמִית אִישׁ אוֺ אִשָּׁה
הַשּׁוֺר יִסָּקֵל וְגַמ־בְּעָלָיו
יוּמָת׃
Exo 21.30
אִמ־כֹּפֶר יוּשַׁת עָלָיו וְנָתַן
פִּדְיֺן נַפְשׁוֺ כְּכֹל אֲשֶׁר־יוּשַׁת
עָלָיו׃
Exo 21.31
אוֺ־בֵן יִגָּח אוֺ־בַת יִגָּח כַּמִּשְׁפָּט
הַזֶּה יֵעָשֶׂה לּוֺ׃
Exo 21.32
אִמ־עֶבֶד יִגַּח הַשּׁוֺר אוֺ אָמָה
כֶּסֶף שְׁלֹשִׁים שְׁקָלִים יִתֵּן
לַאדֹנָיו וְהַשּׁוֺר יִסָּקֵל׃ ס
Exo 21.33
וְכִי־יִפְתַּח אִישׁ בּוֺר אוֺ כִּי־יִכְרֶה
אִישׁ בֹּר וְלֹא יְכַסֶּנּוּ וְנָפַל־שָׁמָּה
שּׁוֺר אוֺ חֲמוֺר׃
Exo 21.34
בַּעַל הַבּוֺר יְשַׁלֵּם כֶּסֶף יָשִׁיב
לִבְעָלָיו וְהַמֵּת יִהְיֶה־לּוֺ׃
ס
Exo 21.35
וְכִי־יִגֺּף שׁוֺר־אִישׁ אֶת־שׁוֺר
רֵעֵהוּ וָמֵת וּמָכְרוּ אֶת־הַשּׁוֺר
הַחַי וְחָצוּ אֶת־כַּסְפּוֺ וְגַם
אֶת־הַמֵּת יֶחֱצוּן׃
Exo 21.36
אוֺ נֺודַע כִּי שׁוֺר נַגָּח הוּא
מִתְּמוֺל שִׁלְשֹׁם וְלֹא יִשְׁמְרֶנּוּ
בְּעָלָיו שַׁלֵּם יְשַׁלֵּם שׁוֺר תַּחַת
הַשּׁוֺר וְהַמֵּת יִהְיֶה־לּוֺ׃
Exo 21.37
כִּי יִגְנֺב־אִישׁ שׁוֺר אוֺ־שֶׂה
וּטְבָחוֺ אוֺ מְכָרוֺ חֲמִשָּׁה בָקָר
יְשַׁלֵּם תַּחַת הַשּׁוֺר וְאַרְבַּע־צֹאן
תַּחַת הַשֶּׂה׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT