Exo 15

Teljes szövegű keresés

Exo 15
Exo 15.1
אָז יָשִׁיר־מֹשֶׁה וּבְנֵי יִשְׂרָאֵל
אֶת־הַשִּׁירָה הַזֺּאת לַיהוָה
וַיֺּאמְרוּ לֵאמֹר אָשִׁירָה לַיהוָה
כִּי־גָאֹה גָּאָה סוּס וְרֹכְבוֺ
רָה בַיָּם׃
Exo 15.2
עָזִּי וְזִמְרָת יָהּ וַיְהִי־לִי
לִישׁוּעָה זֶה אֵלִי וְאַנְוֵהוּ
אֱלֹהֵי אָבִי וַאֲרֹמְמֶנְהוּ׃
Exo 15.3
יְהוָה אִישׁ מִלְחָמָה יְהוָה שְׁמוֺ׃
Exo 15.4
מַרְכְּבֹת פַּרְעֹה וְחֵילוֺ יָרָה
בַיָּם וּמִבְחַר שָׁלִשָׁיו טֻבְּעוּ
בְיַמ־סוּף׃
Exo 15.5
תְּהֹמֹת יְכַסְיֻמוּ יָרְדוּ בִמְצוֺלֹת
כְּמוֺ־אָבֶן׃
Exo 15.6
יְמִינְךָ יְהוָה נֶאְדָּרִי בַּכֹּחַ
יְמִינְךָ יְהוָה תִּרְעַץ אוֺיֵב׃
Exo 15.7
וּבְרֹב גְּאוֺנְךָ תַּהֲרֹס קָמֶיךָ
תְּשַׁלַּח חֲרֹנְךָ יֺאכְלֵמוֺ כַּקַּשׁ׃
Exo 15.8
וּבְרוּחַ אַפֶּיךָ נֶעֶרְמוּ מַיִם
נִצְּבוּ כְמוֺ־נֵד נֺזְלִים קָפְאוּ
תְהֹמֹת בְּלֶב־יָם׃
Exo 15.9
אָמַר אוֺיֵב אֶרְדֹּף אַשִּׂיג אֲחַלֵּק
שָׁלָל תִּמְלָאֵמוֺ נַפְשִׁי אָרִיק
חַרְבִּי תּוֺרִישֵׁמוֺ יָדִי׃
Exo 15.10
נָשַׁפְתָּ בְרוּחֲךָ כִּסָּמוֺ יָם צָלֲלוּ
כַּעוֺפֶרֶת בְּמַיִם אַדִּירִים׃
Exo 15.11
מִי־כָמֹכָה בָּאֵלִם יְהוָה מִי
כָּמֹכָה נֶאְדָּר בַּקֹּדֶשׁ נֺורָא
תְהִלֹּת עֹשֵׂה פֶלֶא׃
Exo 15.12
נָטִיתָ יְמִינְךָ תִּבְלָעֵמוֺ אָרֶץ׃
Exo 15.13
נָחִיתָ בְחַסְדְּךָ עַמ־זוּ גָּאָלְתָּ
נֵהַלְתָּ בְעָזְּךָ אֶל־נְוֵה קָדְשֶׁךָ׃
Exo 15.14
שָׁמְעוּ עַמִּים יִרְגָּזוּן חִיל
אָחַז יֺשְׁבֵי פְּלָשֶׁת׃
Exo 15.15
אָז נִבְהֲלוּ אַלּוּפֵי אֱדוֺם אֵילֵי
מוֺאָב יֺאחֲזֵמוֺ רָעַד נָמֹגוּ
כֹּל יֺשְׁבֵי כְנָעַן׃
Exo 15.16
תִּפֹּל עֲלֵיהֶם אֵימָתָה וָפַחַד
בִּגְדֹל זְרוֺעֲךָ יִדְּמוּ כָּאָבֶן
עַד־יַעֲבֹר עַמְּךָ יְהוָה עַד־יַעֲבֹר
עַמ־זוּ קָנִיתָ׃
Exo 15.17
תְּבִאֵמוֺ וְתִטָּעֵמוֺ בְּהַר נַחֲלָתְךָ
מָכוֺן לְשִׁבְתְּךָ פָּעַלְתָּ יְהוָה
מִקְּדָשׁ אֲדֹנָי כּוֺנְנוּ יָדֶיךָ׃
Exo 15.18
יְהוָה יִמְלֹך לְעֹלָם וָעֶד׃
Exo 15.19
כִּי בָא סוּס פַּרְעֹה בְּרִכְבּוֺ
וּבְפָרָשָׁיו בַּיָּם וַיָּשֶׁב יְהוָה
עֲלֵהֶם אֶת־מֵי הַיָּם וּבְנֵי
יִשְׂרָאֵל הָלְכוּ בַיַּבָּשָׁה בְּתוֺך
יָּם׃ ף
Exo 15.20
וַתִּקַּח מִרְיָם הַנְּבִיאָה אֲחוֺת
אַהֲרֹן אֶת־הַתֹּף בְּיָדָהּ וַתֵּצֶאןָ
כָל־הַנָּשִׁים אַחֲרֶיהָ בְּתֻפִּים
וּבִמְחֹלֹת׃
Exo 15.21
וַתַּעַן לָהֶם מִרְיָם שִׁירוּ לַיהוָה
כִּי־גָאֹה גָּאָה סוּס וְרֹכְבוֺ
רָמָה בַיָּם׃ ס
Exo 15.22
וַיַּסַּע מֹשֶׁה אֶת־יִשְׂרָאֵל מִיַּמ־סוּף
וַיֵּצְאוּ אֶל־מִדְבַּר־שׁוּר וַיֵּלְכוּ
שְׁלֹשֶׁת־יָמִים בַּמִּדְבָּר וְלֹא־מָצְאוּ
מָיִם׃
Exo 15.23
וַיָּבֹאוּ מָרָתָה וְלֹא יָכְלוּ
לִשְׁתֹּת מַיִם מִמָּרָה כִּי מָרִים
הֵם עַל־כֵּן קָרָא־שְׁמָהּ מָרָה׃
Exo 15.24
וַיִּלֹּנוּ הָעָם עַל־מֹשֶׁה לֵּאמֹר
מַה־נִּשְׁתֶּה׃
Exo 15.25
וַיִּצְעַק אֶל־יְהוָה וַיֺּורֵהוּ
יְהוָה עֵץ וַיַּשְׁלֵך אֶל־הַמַּיִם
וַיִּמְתְּקוּ הַמָּיִם שָׁם שָׂם לוֺ
חֹק וּמִשְׁפָּט וְשָׁם נִסָּהוּ׃
Exo 15.26
וַיֺּאמֶר אִמ־שָׁמוֺעַ תִּשְׁמַע לְקוֺל
יְהוָה אֱלֹהֶיךָ וְהַיָּשָׁר בְּעֵינָיו
תַּעֲשֶׂה וְהַאֲזַנְתָּ לְמִצְוֺתָיו וְשָׁמַרְתָּ
כָּל־חֻקָּיו כָּלהַמַּחֲלָה אֲשֶׁר־שַׂמְתִּי
בְמִצְרַיִם לֹא־אָשִׂים עָלֶיךָ כִּי
אֲנִי יְהוָה רֹפְאֶךָ׃ ס
Exo 15.27
וַיָּבֹאוּ אֵילִמָה וְשָׁם שְׁתֵּים
עֶשְׂרֵה עֵינֺת מַיִם וְשִׁבְעִים
תְּמָרִים וַיַּחֲנוּ־שָׁם עַל־הַמָּיִם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT