Eccl 5

Teljes szövegű keresés

Eccl 5
Eccl 5.1
אַל־תְּבַהֵל עַל־פִּיךָ וְלִבְּךָ אַל־יְמַהֵר
לְהוֺצִיא דָבָר לִפְנֵי הָאֱלֹהִים
כִּי הָאֱלֹהִים בַּשָּׁמַיִם וְאַתָּה
עַל־הָאָרֶץ עַל־כֵּן יִהְיוּ דְבָרֶיךָ
מְעַטִּים׃
Eccl 5.2
כִּי בָּא הַחֲלוֺם בְּרֹב עִנְיָן
וְקוֺל כְּסִיל בְּרֹב דְּבָרִים׃
Eccl 5.3
כַּאֲשֶׁר תִּדֹּר נֶדֶר לֵאלֹהִים אַל־תְּאַחֵר
לְשַׁלְּמוֺ כִּי אֵין חֵפֶץ בַּכְּסִילִים
אֵת אֲשֶׁר־תִּדֹּר שַׁלֵּם׃
Eccl 5.4
טוֺב אֲשֶׁר לֹא־תִדֹּר מִשֶּׁתִּדּוֺר
וְלֹא תְשַׁלֵּם׃
Eccl 5.5
אַל־תִּתֵּן אֶת־פִּיךָ לַחֲטִיא אֶת־בְּשָׂרֶךָ
וְאַל־תֹּאמַר לִפְנֵי הַמַּלְאָך כִּי
שְׁגָגָה הִיא לָמָּה יִקְצֹף הָאֱלֹהִים
עַל־קוֺלֶךָ וְחִבֵּל אֶת־מַעֲשֵׂה
יָדֶיךָ׃
Eccl 5.6
כִּי בְרֹב חֲלֹמוֺת וַהֲבָלִים וּדְבָרִים
הַרְבֵּה כִּי אֶת־הָאֱלֹהִים יְרָא׃
Eccl 5.7
אִמ־עֹשֶׁק רָשׁ וְגֵזֶל מִשְׁפָּט וָצֶדֶק
תִּרְאֶה בַמְּדִינָה אַל־תִּתְמַהּ
עַל־הַחֵפֶץ כִּי גָבֹהַּ מֵעַל גָּבֹהַּ
שֹׁמֵר וּגְבֹהִים עֲלֵיהֶם
Eccl 5.8
וְיִתְרוֺן אֶרֶץ בַּכֹּל 1 הִיא 2 הוּא
מֶלֶך לְשָׂדֶה נֶעֱבָד׃
Eccl 5.9
אֹהֵב כֶּסֶף לֹא־יִשְׂבַּע כֶּסֶף
וּמִי־אֹהֵב בֶּהָמוֺן לֹא תְבוּאָה
גַּמ־זֶה הָבֶל׃
Eccl 5.10
בִּרְבוֺת הַטּוֺבָה רַבּוּ אוֺכְלֶיהָ
וּמַה־כִּשְׁרוֺן לִבְעָלֶיהָ כִּי אִמ־רְאִיַּת 2 רְאוּת
עֵינָיו׃
Eccl 5.11
מְתוּקָה שְׁנַת הָעֹבֵד אִמ־מְעַט
וְאִמ־הַרְבֵּה יֺאכֵל וְהַשָּׂבָע
לֶעָשִׁיר אֵינֶנּוּ מַנִּיחַ לוֺ לִישׁוֺן׃
Eccl 5.12
יֵשׁ רָעָה חוֺלָה רָאִיתִי תַּחַת
הַשָּׁמֶשׁ עֹשֶׁר שָׁמוּר לִבְעָלָיו
לְרָעָתוֺ׃
Eccl 5.13
וְאָבַד הָעֹשֶׁר הַהוּא בְּעִנְיַן
רָע וְהוֺלִיד בֵּן וְאֵין בְּיָדוֺ
מְאוּמָה׃
Eccl 5.14
כַּאֲשֶׁר יָצָא מִבֶּטֶן אִמּוֺ עָרוֺם
יָשׁוּב לָלֶכֶת כְּשֶׁבָּא וּמְאוּמָה
לֹא־יִשָּׂא בַעֲמָלוֺ שֶׁיֺּלֵך בְּיָדוֺ׃
Eccl 5.15
וְגַמ־זֺה רָעָה חוֺלָה כָּל־עֻמַּת
שֶׁבָּא כֵּן יֵלֵך וּמַה־יִּתְרוֺן
לוֺ שֶׁיַּעֲמֹל לָרוּחַ׃
Eccl 5.16
גַּם כָּל־יָמָיו בַּחֹשֶׁך יֺאכֵל
וְכָעַס הַרְבֵּה וְחָלְיֺו וָקָצֶף׃
Eccl 5.17
הִנֵּה אֲשֶׁר־רָאִיתִי אָנִי טוֺב
אֲשֶׁר־יָפֶה לֶאֶכוֺל־וְלִשְׁתּוֺת
וְלִרְאוֺת טוֺבָה בְּכָל־עֲמָלוֺ
שֶׁיַּעֲמֹל תַּחַת־הַשֶּׁמֶשׁ מִסְפַּר יְמֵי־חַיָּו
אֲשֶׁר־נָתַנ־לוֺ הָאֱלֹהִים כִּי־הוּא
חֶלְקוֺ׃
Eccl 5.18
גַּם כָּל־הָאָדָם אֲשֶׁר נָתַנ־לוֺ
הָאֱלֹהִים עֹשֶׁר וּנְכָסִים וְהִשְׁלִיטוֺ
לֶאֱכֹל מִמֶּנּוּ וְלָשֵׂאת אֶת־חֶלְקוֺ
וְלִשְׂמֹחַ בַּעֲמָלוֺ ה מַתַּת אֱלֹהִים
הִיא׃
Eccl 5.19
כִּי לֹא הַרְבֵּה יִזְכֹּר אֶת־יְמֵי
חַיָּיו כִּי הָאֱלֹהִים מַעֲנֶה בְּשִׂמְחַת
לִבּוֺ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT