Eccl 12

Teljes szövegű keresés

Eccl 12
Eccl 12.1
וּזְכֹר אֶת־בּוֺרְאֶיךָ בִּימֵי בְּחוּרֹתֶיךָ
עַד אֲשֶׁר לֹא־יָבֹאוּ יְמֵי הָרָעָה
וְהִגִּיעוּ שָׁנִים אֲשֶׁר תֹּאמַר
אֵינ־לִי בָהֶם חֵפֶץ
Eccl 12.2
עַד אֲשֶׁר לֹא־תֶחְשַׁך הַשֶּׁמֶשׁ
וְהָאוֺר וְהַיָּרֵחַ וְהַכּוֺכָבִים
וְשָׁבוּ הֶעָבִים אַחַר הַגָּשֶׁם׃
Eccl 12.3
בַּיֺּום שֶׁיָּזֻעוּ שֹׁמְרֵי הַבַּיִת
וְהִתְעַוְּתוּ אַנְשֵׁי הֶחָיִל וּבָטְלוּ
הַטֹּחֲנֺות כִּי מִעֵטוּ וְחָשְׁכוּ
הָרֹאוֺת בָּאֲרֻבּוֺת׃
Eccl 12.4
וְסֻגְּרוּ דְלָתַיִם בַּשּׁוּק בִּשְׁפַל
קוֺל הַטַּחֲנָה וְיָקוּם לְקוֺל
הַצִּפּוֺר וְיִשַּׁחוּ כָּל־בְּנֺות הַשִּׁיר׃
Eccl 12.5
גַּם מִגָּבֹהַּ יִרָאוּ וְחַתְחַתִּים
בַּדֶּרֶך וְיָנֵאץ הַשָּׁקֵד וְיִסְתַּבֵּל
הֶחָגָב וְתָפֵר הָאֲבִיֺּונָה כִּי־הֹלֵך
הָאָדָם אֶל־בֵּיתעוֺלָמוֺ וְסָבְבוּ
בַשּׁוּק הַסֹּפְדִים׃
Eccl 12.6
עַד אֲשֶׁר לֹא־יִרחַק 2 יֵרָתֵק חֶבֶל
הַכֶּסֶף וְתָרֻץ גֻּלַּת הַזָּהָב וְתִשָּׁבֶר
כַּד עַל־הַמַּבּוּעַ וְנָרֹץ הַגַּלְגַּל
אֶל־הַבּוֺר׃
Eccl 12.7
וְיָשֹׁב הֶעָפָר עַל־הָאָרֶץ כְּשֶׁהָיָה
וְהָרוּחַ תָּשׁוּב אֶל־הָאֱלֹהִים
אֲשֶׁר נְתָנָהּ׃
Eccl 12.8
הֲבֵל הֲבָלִים אָמַר הַקּוֺהֶלֶת
הַכֹּל הָבֶל׃
Eccl 12.9
וְיֺתֵר שֶׁהָיָה קֹהֶלֶת חָכָם עוֺד
לִמַּד־דַּעַת אֶת־הָעָם וְאִזֵּן
וְחִקֵּר תִּקֵּן מְשָׁלִים הַרְבֵּה׃
Eccl 12.10
בִּקֵּשׁ קֹהֶלֶת לִמְצֹא דִּבְרֵי־חֵפֶץ
וְכָתוּב יֺשֶׁר דִּבְרֵי אֱמֶת׃
Eccl 12.11
דִּבְרֵי חֲכָמִים כַּדָּרְבֹנֺות וּכְמַשְׂמְרוֺת
נְטוּעִים בַּעֲלֵי אֲסֻפּוֺת נִתְּנוּ
מֵרֹעֶה אֶחָד׃
Eccl 12.12
וְיֺתֵר מֵהֵמָּה בְּנִי הִזָּהֵר עֲשׂוֺת
סְפָרִים הַרְבֵּה אֵין קֵץ וְלַהַג
הַרְבֵּה יְגִעַת בָּשָׂר׃
Eccl 12.13
סוֺף דָּבָר הַכֹּל נִשְׁמָע אֶת־הָאֱלֹהִים
יְרָא וְאֶת־מִצְוֺתָיו שְׁמוֺר
כִּי־זֶה כָּל־הָאָדָם׃
Eccl 12.14
כִּי אֶת־כָּל־מַעֲשֶׂה הָאֱלֹהִים
יָבִא בְמִשְׁפָּט עַל כָּל־נֶעְלָם
אִמ־טוֺב וְאִמ־רָע׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT