Eccl 11

Teljes szövegű keresés

Eccl 11
Eccl 11.1
שַׁלַּח לַחְמְךָ עַל־פְּנֵי הַמָּיִם
כִּי־בְרֹב הַיָּמִים תִּמְצָאֶנּוּ׃
Eccl 11.2
תֶּנ־חֵלֶק לְשִׁבְעָה וְגַם לִשְׁמוֺנָה
כִּי לֹא תֵדַע מַה־יִּהְיֶה רָעָה
עַל־הָאָרֶץ׃
Eccl 11.3
אִמ־יִמָּלְאוּ הֶעָבִים גֶּשֶׁם עַל־הָאָרֶץ
יָרִיקוּ וְאִמ־יִפּוֺל עֵץ בַּדָּרוֺם
וְאִם בַּצָּפוֺן מְקוֺם שֶׁיִּפּוֺל
הָעֵץ שָׁם יְהוּא׃
Eccl 11.4
שֹׁמֵר רוּחַ לֹא יִזְרָע וְרֹאֶה
בֶעָבִים לֹא יִקְצוֺר׃
Eccl 11.5
כַּאֲשֶׁר אֵינְךָ יֺודֵעַ מַה־דֶּרֶך
הָרוּחַ כַּעֲצָמִים בְּבֶטֶן הַמְּלֵאָה
כָּכָה לֹא תֵדַע אֶת־מַעֲשֵׂה הָאֱלֹהִים
אֲשֶׁר יַעֲשֶׂה אֶת־כֹּל׃
Eccl 11.6
בַּבֹּקֶר זְרַע אֶת־זַרְעֶךָ וְלָעֶרֶב
אַל־תַּנַּח יָדֶךָ כִּי אֵינְךָ יֺודֵע
אֵי זֶה יִכְשָׁר הֲזֶה אוֺ־זֶה
וְאִמ־שְׁנֵיהֶם כְּאֶחָד טוֺבִי׃
Eccl 11.7
וּמָתוֺק הָאוֺר וְטוֺב לַעֵינַיִם
לִרְאוֺת אֶת־הַשָּׁמֶשׁ׃
Eccl 11.8
כִּי אִמ־שָׁנִים הַרְבֵּה יִחְיֶה
הָאָדָם בְּכֻלָּם יִשְׂמָח וְיִזְכֹּר
אֶת־יְמֵי הַחֹשֶׁך כִּי־הַרְבֵּה יִהְיוּ
כָּל־שֶׁבָּא הָבֶל׃
Eccl 11.9
שְׂמַח בָּחוּר בְּיַלְדוּתֶיךָ וִיטִיבְךָ
לִבְּךָ בִּימֵי בְחוּרוֺתֶךָ וְהַלֵּך
בְּדַרְכֵי לִבְּךָ וּבְמַרְאֵי עֵינֶיךָ
וְדָע כִּי עַל־כָּל־אֵלֶּה יְבִיאֲךָ
הָאֱלֹהִים בַּמִּשְׁפָּט׃
Eccl 11.10
וְהָסֵר כַּעַס מִלִּבֶּךָ וְהַעֲבֵר רָעָה
מִבְּשָׂרֶךָ כִּי־הַיַּלְדוּת וְהַשַּׁחֲרוּת
הָבֶל׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT