Deut 6

Teljes szövegű keresés

Deut 6
Deut 6.1
וְזֺאת הַמִּצְוָה הַחֻקִּים וְהַמִּשְׁפָּטִים
אֲשֶׁר צִוָּה יְהוָה אֱלֹהֵיכֶם
לְלַמֵּד אֶתְכֶם לַעֲשׂוֺת בָּאָרֶץ
אֲשֶׁר אַתֶּם עֹבְרִים שָׁמָּה לְרִשְׁתָּהּ׃
Deut 6.2
לְמַעַן תִּירָא אֶת־יְהוָה אֱלֹהֶיךָ
לִשְׁמֹר אֶת־כָּל־חֻקֹּתָיו וּמִצְוֺתָיו
אֲשֶׁר אָנֺכִי מְצַוֶּךָ אַתָּה וּבִנְךָ
וּבֶנ־בִּנְךָ כֹּל יְמֵי חַיֶּיךָ וּלְמַעַן
יַאֲרִכֻן יָמֶיךָ׃
Deut 6.3
וְשָׁמַעְתָּ יִשְׂרָאֵל וְשָׁמַרְתָּ לַעֲשׂוֺת
אֲשֶׁר יִיטַב לְךָ וַאֲשֶׁר תִּרְבּוּן
מְאֹד כַּאֲשֶׁר דִּבֶּר יְהוָה אֱלֹהֵי
אֲבֹתֶיךָ לָך אֶץ זָבַת חָלָב
וּדְבָשׁ׃ ף
Deut 6.4
שְׁמַעְ יִשְׂרָאֵל יְהוָה אֱלֹהֵינוּ
יְהוָה אֶחָד׃ְ
Deut 6.5
וְאָהַבְתָּ אֵת יְהוָה אֱלֹהֶיךָ
בְּכָל־לְבָבְךָ וּבְכָל־נַפְשְׁךָ וּבְכָל־מְאֹדֶךָ׃
Deut 6.6
וְהָיוּ הַדְּבָרִים הָאֵלֶּה אֲשֶׁר
אָנֺכִי מְצַוְּךָ הַיֺּום עַל־לְבָבֶךָ׃
Deut 6.7
וְשִׁנַּנְתָּם לְבָנֶיךָ וְדִבַּרְתָּ בָּם
בְּשִׁבְתְּךָ בְּבֵיתֶךָ וּבְלֶכְתְּךָ בַדֶּרֶך
וּבְשָׁכְבְּךָ וּבְקוּמֶךָ׃
Deut 6.8
וּקְשַׁרְתָּם לְאוֺת עַל־יָדֶךָ וְהָיוּ
לְטֹטָפֹת בֵּין עֵינֶיךָ׃
Deut 6.9
וּכְתַבְתָּם עַל־מְזוּזֺת בֵּיתֶךָ
וּבִשְׁעָרֶיךָ׃ ס
Deut 6.10
וְהָיָה כִּי יְבִיאֲךָ יְהוָה אֱלֹהֶיךָ
אֶל־הָאָרֶץ אֲשֶׁר נִשְׁבַּע לַאֲבֹתֶיךָ
לְאַבְרָהָם לְיִצְחָק וּלְיַעֲקֹב לָתֶת
לָך עָרִים גְּדֹלֹת וְטֹבֹת אֲשֶׁר
לֹא־בָנִיתָ׃
Deut 6.11
וּבָתִּים מְלֵאִים כָּל־טוּב אֲשֶׁר
לֹא־מִלֵּאתָ וּבֹרֹת חֲצוּבִים אֲשֶׁר
לֹא־חָצַבְתָּ כְּרָמִים וְזֵיתִים
אֲשֶׁר לֹא־נָטָעְתָּ וְאָכַלְתָּ וְשָׂבָעְתָּ׃
Deut 6.12
הִשָּׁמֶר לְךָ פֶּנ־תִּשְׁכַּח אֶת־יְהוָה
אֲשֶׁר הוֺצִיאֲךָ מֵאֶרֶץ מִצְרַיִם
מִבֵּית עֲבָדִים׃
Deut 6.13
אֶת־יְהוָה אֱלֹהֶיךָ תִּירָא וְאֹתוֺ
תַעֲבֹד וּבִשְׁמוֺ תִּשָּׁבֵעַ׃
Deut 6.14
לֹא תֵלְכוּן אַחֲרֵי אֱלֹהִים
אֲחֵרִים מֵאֱלֹהֵי הָעַמִּים אֲשֶׁר
סְבִיבוֺתֵיכֶם׃
Deut 6.15
כִּי אֵל קַנָּא יְהוָה אֱלֹהֶיךָ
בְּקִרְבֶּךָ פֶּנ־יֶחֱרֶה אַפ־יְהוָה
אֱלֹהֶיךָ בָּך וְהִשְׁמִידְךָ מֵעַל
פְּנֵי הָאֲדָמָה׃ ס
Deut 6.16
לֹא תְנַסּוּ אֶת־יְהוָה אֱלֹהֵיכֶם
כַּאֲשֶׁר נִסִּיתֶם בַּמַּסָּה׃
Deut 6.17
שָׁמוֺר תִּשְׁמְרוּן אֶת־מִצְוֺת יְהוָה
אֱלֹהֵיכֶם וְעֵדֹתָיו וְחֻקָּיו
אֲשֶׁר צִוָּך׃
Deut 6.18
וְעָשִׂיתָ הַיָּשָׁר וְהַטּוֺב בְּעֵינֵי
יְהוָה לְמַעַן יִיטַב לָך וּבָאתָ
וְיָרַשְׁתָּ אֶת־הָאָרֶץ הַטֹּבָה אֲשֶׁר־נִשְׁבַּע
יְהוָה לַאֲבֹתֶיךָ׃
Deut 6.19
לַהֲדֹף אֶת־כָּל־אֹיְבֶיךָ מִפָּנֶיךָ
כַּאֲשֶׁר דִּבֶּר יְהוָה׃ ס
Deut 6.20
כִּי־יִשְׁאָלְךָ בִנְךָ מָחָר לֵאמֹר
מָה הָעֵדֹת וְהַחֻקִּים וְהַמִּשְׁפָּטִים
אֲשֶׁר צִוָּה יְהוָה אֱלֹהֵינוּ
אֶתְכֶם׃
Deut 6.21
וְאָמַרְתָּ לְבִנְךָ עֲבָדִים הָיִינוּ
לְפַרְעֹה בְּמִצְרָיִם וַיֺּוצִיאֵנוּ
יְהוָה מִמִּצְרַיִם בְּיָד חֲזָקָה׃
Deut 6.22
וַיִּתֵּן יְהוָה אוֺתֹת וּמֹפְתִים
גְּדֹלִים וְרָעִים בְּמִצְרַיִם בְּפַרְעֹה
וּבְכָל־בֵּיתוֺ לְעֵינֵינוּ׃
Deut 6.23
וְאוֺתָנוּ הוֺצִיא מִשָּׁם לְמַעַן
הָבִיא אֹתָנוּ לָתֶת לָנוּ אֶת־הָאָרֶץ
אֲשֶׁר נִשְׁבַּע לַאֲבֹתֵינוּ׃
Deut 6.24
וַיְצַוֵּנוּ יְהוָה לַעֲשׂוֺת אֶת־כָּל־הַחֻקִּים
הָאֵלֶּה לְיִרְאָה אֶת־יְהוָה אֱלֹהֵינוּ
לְטוֺב לָנוּ כָּל־הַיָּמִים לְחַיֺּתֵנוּ
כְּהַיֺּום הַזֶּ׃
Deut 6.25
וּצְדָקָה תִּהְיֶה־לָּנוּ כִּי־נִשְׁמֹר
לַעֲשׂוֺת אֶת־כָּל־הַמִּצְוָה הַזֺּאת
לִפְנֵי יְהוָה אֱלֹהֵינוּ כַּאֲשֶׁר
צִוָּנוּ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT