Deut 34

Teljes szövegű keresés

Deut 34
Deut 34.1
וַיַּעַל מֹשֶׁה מֵעַרְבֹת מוֺאָב אֶל־הַר
נְבוֺ רֹאשׁ הַפִּסְגָּה אֲשֶׁר עַל־פְּנֵי
יְרֵחוֺ וַיַּרְאֵהוּ יְהוָה אֶת־כָּל־הָאָרֶץ
אֶת־הַגִּלְעָד עַד־דָּן׃
Deut 34.2
וְאֵת כָּל־נַפְתָּלִי וְאֶת־אֶרֶץ
אֶפְרַיִם וּמְנַשֶּׁה וְאֵת כָּל־אֶרֶץ
יְהוּדָה עַד הַיָּם הָאַחֲרוֺן׃
Deut 34.3
וְאֶת־הַנֶּגֶב וְאֶת־הַכִּכָּר בִּקְעַת
יְרֵחוֺ עִיר הַתְּמָרִים עַד־צֹעַר׃
Deut 34.4
וַיֺּאמֶר יְהוָה אֵלָיו זֺאת הָאָרֶץ
אֲשֶׁר נִשְׁבַּעְתִּי לְאַבְרָהָם לְיִצְחָק
וּלְיַעֲקֹב לֵאמֹר לְזַרְעֲךָ אֶתְּנֶנָּה
הֶרְאִיתִיךָ בְעֵינֶךָ וְשָׁמָּה לֹא
תַעֲבֹר׃
Deut 34.5
וַיָּמָת שָׁם מֹשֶׁה עֶבֶד־יְהוָה
בְּאֶרֶץ מוֺאָב עַל־פִּי יְהוָה׃
Deut 34.6
וַיִּקְבֹּר אֹתוֺ בַגַּיְ בְּאֶרֶץ מוֺאָב
מוּל בֵּית פְּעוֺר וְלֹא־יָדַע
אִישׁ אֶת־קְבֻרָתוֺ עַד הַיֺּום
הַזֶּה׃
Deut 34.7
וּמֹשֶׁה בֶּנ־מֵאָה וְעֶשְׂרִים שָׁנָה
בְּמֹתוֺ לֹא־כָהֲתָה עֵינֺו וְלֹא־נָס
לֵחֹה׃
Deut 34.8
וַיִּבְכּוּ בְנֵי יִשְׂרָאֵל אֶת־מֹשֶׁה
בְּעַרְבֹת מוֺאָב שְׁלֹשִׁים יֺום
וַיִּתְּמוּ יְמֵי בְכִי אֵבֶל מֹשֶׁה׃
Deut 34.9
וִיהוֺשֻׁעַ בִּנ־נוּן מָלֵא רוּחַ
חָכְמָה כִּי־סָמַך מֹשֶׁה אֶת־יָדָיו
עָלָיו וַיִּשְׁמְעוּ אֵלָיו בְּנֵי־יִשְׂרָאֵל
וַיַּעֲשׂוּ כַּאֲשֶׁר צִוָּה יְהוָה אֶת־מֹשֶׁה׃
Deut 34.10
וְלֹא־קָם נָבִיא עוֺד בְּיִשְׂרָאֵל
כְּמֹשֶׁה אֲשֶׁר יְדָעוֺ יְהוָה פָּנִים
אֶל־פָּנִים׃
Deut 34.11
לְכָל־הָאֹתוֺת וְהַמּוֺפְתִים אֲשֶׁר
שְׁלָחוֺ יְהוָה לַעֲשׂוֺת בְּאֶרֶץ
מִצְרָיִם לְפַרְעֹה וּלְכָל־עֲבָדָיו
וּלְכָל־אַרְצוֺ׃
Deut 34.12
וּלְכֹל הַיָּד הַחֲזָקָה וּלְכֹל הַמּוֺרָא
הַגָּדוֺל אֲשֶׁר עָשָׂה מֹשֶׁה לְעֵינֵי
כָּל־יִשְׂרָאֵל׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT