3Jo 1

Full text search

3Jo 1
3Jo 1.1
senior Gaio carissimo quem ego diligo in veritate
3Jo 1.2
carissime de omnibus orationem facio prospere te ingredi et valere sicut prospere agit anima tua
3Jo 1.3
gavisus sum valde venientibus fratribus et testimonium perhibentibus veritati tuae sicut tu in veritate ambulas
3Jo 1.4
maiorem horum non habeo gratiam quam ut audiam filios meos in veritate ambulantes
3Jo 1.5
carissime fideliter facis quicquid operaris in fratres et hoc in peregrinos
3Jo 1.6
qui testimonium reddiderunt caritati tuae in conspectu ecclesiae quos bene facies deducens digne Deo
3Jo 1.7
pro nomine enim profecti sunt nihil accipientes a gentibus
3Jo 1.8
nos ergo debemus suscipere huiusmodi ut cooperatores simus veritatis
3Jo 1.9
scripsissem forsitan ecclesiae sed is qui amat primatum gerere in eis Diotrepes non recipit nos
3Jo 1.10
propter hoc si venero commoneam eius opera quae facit verbis malignis garriens in nos et quasi non ei ista sufficiant nec ipse suscipit fratres et eos qui cupiunt prohibet et de ecclesia eicit
3Jo 1.11
carissime noli imitari malum sed quod bonum est qui benefacit ex Deo est qui malefacit non vidit Deum
3Jo 1.12
Demetrio testimonium redditur ab omnibus et ab ipsa veritate et nos autem testimonium perhibemus et nosti quoniam testimonium nostrum verum est
3Jo 1.13
multa habui scribere tibi sed nolui per atramentum et calamum scribere tibi
3Jo 1.14
spero autem protinus te videre et os ad os loquemur
3Jo 1.15
pax tibi salutant te amici saluta amicos per nomen

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages