1Jo 3

Full text search

1Jo 3
1Jo 3.1
videte qualem caritatem dedit nobis Pater ut filii Dei nominemur et sumus propter hoc mundus non novit nos quia non novit eum
1Jo 3.2
carissimi nunc filii Dei sumus et nondum apparuit quid erimus scimus quoniam cum apparuerit similes ei erimus quoniam videbimus eum sicuti est
1Jo 3.3
et omnis qui habet spem hanc in eo sanctificat se sicut et ille sanctus est
1Jo 3.4
omnis qui facit peccatum et iniquitatem facit et peccatum est iniquitas
1Jo 3.5
et scitis quoniam ille apparuit ut peccata tolleret et peccatum in eo non est
1Jo 3.6
omnis qui in eo manet non peccat omnis qui peccat non vidit eum nec cognovit eum
1Jo 3.7
filioli nemo vos seducat qui facit iustitiam iustus est sicut et ille iustus est
1Jo 3.8
qui facit peccatum ex diabolo est quoniam ab initio diabolus peccat in hoc apparuit Filius Dei ut dissolvat opera diaboli
1Jo 3.9
omnis qui natus est ex Deo peccatum non facit quoniam semen ipsius in eo manet et non potest peccare quoniam ex Deo natus est
1Jo 3.10
in hoc manifesti sunt filii Dei et filii diaboli omnis qui non est iustus non est de Deo et qui non diligit fratrem suum
1Jo 3.11
quoniam haec est adnuntiatio quam audistis ab initio ut diligamus alterutrum
1Jo 3.12
non sicut Cain ex maligno erat et occidit fratrem suum et propter quid occidit eum quoniam opera eius maligna erant fratris autem eius iusta
1Jo 3.13
nolite mirari fratres si odit vos mundus
1Jo 3.14
nos scimus quoniam translati sumus de morte in vitam quoniam diligimus fratres qui non diligit manet in morte
1Jo 3.15
omnis qui odit fratrem suum homicida est et scitis quoniam omnis homicida non habet vitam aeternam in se manentem
1Jo 3.16
in hoc cognovimus caritatem quoniam ille pro nobis animam suam posuit et nos debemus pro fratribus animas ponere
1Jo 3.17
qui habuerit substantiam mundi et viderit fratrem suum necesse habere et clauserit viscera sua ab eo quomodo caritas Dei manet in eo
1Jo 3.18
filioli non diligamus verbo nec lingua sed opere et veritate
1Jo 3.19
in hoc cognoscimus quoniam ex veritate sumus et in conspectu eius suadeamus corda nostra
1Jo 3.20
quoniam si reprehenderit nos cor maior est Deus corde nostro et novit omnia
1Jo 3.21
carissimi si cor non reprehenderit nos fiduciam habemus ad Deum
1Jo 3.22
et quodcumque petierimus accipiemus ab eo quoniam mandata eius custodimus et ea quae sunt placita coram eo facimus
1Jo 3.23
et hoc est mandatum eius ut credamus in nomine Filii eius Iesu Christi et diligamus alterutrum sicut dedit mandatum nobis
1Jo 3.24
et qui servat mandata eius in illo manet et ipse in eo et in hoc scimus quoniam manet in nobis de Spiritu quem nobis dedit

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages