2Thes 1

Full text search

2Thes 1
2Thes 1.1
Paulus et Silvanus et Timotheus ecclesiae Thessalonicensium in Deo Patre nostro et Domino Iesu Christo
2Thes 1.2
gratia vobis et pax a Deo Patre nostro et Domino Iesu Christo
2Thes 1.3
gratias agere debemus Deo semper pro vobis fratres ita ut dignum est quoniam supercrescit fides vestra et abundat caritas uniuscuiusque omnium vestrum in invicem
2Thes 1.4
ita ut et nos ipsi in vobis gloriemur in ecclesiis Dei pro patientia vestra et fide in omnibus persecutionibus vestris et tribulationibus quas sustinetis
2Thes 1.5
in exemplum iusti iudicii Dei ut digni habeamini regno Dei pro quo et patimini
2Thes 1.6
si tamen iustum est apud Deum retribuere tribulationem his qui vos tribulant
2Thes 1.7
et vobis qui tribulamini requiem nobiscum in revelatione Domini Iesu de caelo cum angelis virtutis eius
2Thes 1.8
in flamma ignis dantis vindictam his qui non noverunt Deum et qui non oboediunt evangelio Domini nostri Iesu
2Thes 1.9
qui poenas dabunt in interitu aeternas a facie Domini et a gloria virtutis eius
2Thes 1.10
cum venerit glorificari in sanctis suis et admirabilis fieri in omnibus qui crediderunt quia creditum est testimonium nostrum super vos in die illo
2Thes 1.11
in quo etiam oramus semper pro vobis ut dignetur vos vocatione sua Deus et impleat omnem voluntatem bonitatis et opus fidei in virtute
2Thes 1.12
ut clarificetur nomen Domini nostri Iesu Christi in vobis et vos in illo secundum gratiam Dei nostri et Domini Iesu Christi

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages