Ga 4

Full text search

Ga 4
Ga 4.1
dico autem quanto tempore heres parvulus est nihil differt servo cum sit dominus omnium
Ga 4.2
sed sub tutoribus est et actoribus usque ad praefinitum tempus a patre
Ga 4.3
ita et nos cum essemus parvuli sub elementis mundi eramus servientes
Ga 4.4
at ubi venit plenitudo temporis misit Deus Filium suum factum ex muliere factum sub lege
Ga 4.5
ut eos qui sub lege erant redimeret ut adoptionem filiorum reciperemus
Ga 4.6
quoniam autem estis filii misit Deus Spiritum Filii sui in corda nostra clamantem Abba Pater
Ga 4.7
itaque iam non es servus sed filius quod si filius et heres per Deum
Ga 4.8
sed tunc quidem ignorantes Deum his qui natura non sunt dii serviebatis
Ga 4.9
nunc autem cum cognoveritis Deum immo cogniti sitis a Deo quomodo convertimini iterum ad infirma et egena elementa quibus denuo servire vultis
Ga 4.10
dies observatis et menses et tempora et annos
Ga 4.11
timeo vos ne forte sine causa laboraverim in vobis
Ga 4.12
estote sicut et ego quia et ego sicut vos fratres obsecro vos nihil me laesistis
Ga 4.13
scitis autem quia per infirmitatem carnis evangelizavi vobis iam pridem
Ga 4.14
et temptationem vestram in carne mea non sprevistis neque respuistis sed sicut angelum Dei excepistis me sicut Christum Iesum
Ga 4.15
ubi est ergo beatitudo vestra testimonium enim perhibeo vobis quia si fieri posset oculos vestros eruissetis et dedissetis mihi
Ga 4.16
ergo inimicus vobis factus sum verum dicens vobis
Ga 4.17
aemulantur vos non bene sed excludere vos volunt ut illos aemulemini
Ga 4.18
bonum autem aemulamini in bono semper et non tantum cum praesens sum apud vos
Ga 4.19
filioli mei quos iterum parturio donec formetur Christus in vobis
Ga 4.20
vellem autem esse apud vos modo et mutare vocem meam quoniam confundor in vobis
Ga 4.21
dicite mihi qui sub lege vultis esse legem non legistis
Ga 4.22
scriptum est enim quoniam Abraham duos filios habuit unum de ancilla et unum de libera
Ga 4.23
sed qui de ancilla secundum carnem natus est qui autem de libera per repromissionem
Ga 4.24
quae sunt per allegoriam dicta haec enim sunt duo testamenta unum quidem a monte Sina in servitutem generans quae est Agar
Ga 4.25
Sina enim mons est in Arabia qui coniunctus est ei quae nunc est Hierusalem et servit cum filiis eius
Ga 4.26
illa autem quae sursum est Hierusalem libera est quae est mater nostra
Ga 4.27
scriptum est enim laetare sterilis quae non paris erumpe et exclama quae non parturis quia multi filii desertae magis quam eius quae habet virum
Ga 4.28
nos autem fratres secundum Isaac promissionis filii sumus
Ga 4.29
sed quomodo tunc qui secundum carnem natus fuerat persequebatur eum qui secundum spiritum ita et nunc
Ga 4.30
sed quid dicit scriptura eice ancillam et filium eius non enim heres erit filius ancillae cum filio liberae
Ga 4.31
itaque fratres non sumus ancillae filii sed liberae qua libertate nos Christus liberavit

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages