Ga 1

Full text search

Ga 1
Ga 1.1
Paulus apostolus non ab hominibus neque per hominem sed per Iesum Christum et Deum Patrem qui suscitavit eum a mortuis
Ga 1.2
et qui mecum sunt omnes fratres ecclesiis Galatiae
Ga 1.3
gratia vobis et pax a Deo Patre et Domino nostro Iesu Christo
Ga 1.4
qui dedit semet ipsum pro peccatis nostris ut eriperet nos de praesenti saeculo nequam secundum voluntatem Dei et Patris nostri
Ga 1.5
cui est gloria in saecula saeculorum amen
Ga 1.6
miror quod sic tam cito transferimini ab eo qui vos vocavit in gratiam Christi in aliud evangelium
Ga 1.7
quod non est aliud nisi sunt aliqui qui vos conturbant et volunt convertere evangelium Christi
Ga 1.8
sed licet nos aut angelus de caelo evangelizet vobis praeterquam quod evangelizavimus vobis anathema sit
Ga 1.9
sicut praediximus et nunc iterum dico si quis vobis evangelizaverit praeter id quod accepistis anathema sit
Ga 1.10
modo enim hominibus suadeo aut Deo aut quaero hominibus placere si adhuc hominibus placerem Christi servus non essem
Ga 1.11
notum enim vobis facio fratres evangelium quod evangelizatum est a me quia non est secundum hominem
Ga 1.12
neque enim ego ab homine accepi illud neque didici sed per revelationem Iesu Christi
Ga 1.13
audistis enim conversationem meam aliquando in iudaismo quoniam supra modum persequebar ecclesiam Dei et expugnabam illam
Ga 1.14
et proficiebam in iudaismo supra multos coetaneos in genere meo abundantius aemulator existens paternarum mearum traditionum
Ga 1.15
cum autem placuit ei qui me segregavit de utero matris meae et vocavit per gratiam suam
Ga 1.16
ut revelaret Filium suum in me ut evangelizarem illum in gentibus continuo non adquievi carni et sanguini
Ga 1.17
neque veni Hierosolyma ad antecessores meos apostolos sed abii in Arabiam et iterum reversus sum Damascum
Ga 1.18
deinde post annos tres veni Hierosolyma videre Petrum et mansi apud eum diebus quindecim
Ga 1.19
alium autem apostolorum vidi neminem nisi Iacobum fratrem Domini
Ga 1.20
quae autem scribo vobis ecce coram Deo quia non mentior
Ga 1.21
deinde veni in partes Syriae et Ciliciae
Ga 1.22
eram autem ignotus facie ecclesiis Iudaeae quae erant in Christo
Ga 1.23
tantum autem auditum habebant quoniam qui persequebatur nos aliquando nunc evangelizat fidem quam aliquando expugnabat
Ga 1.24
et in me clarificabant Deum

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages