2Co 5

Full text search

2Co 5
2Co 5.1
scimus enim quoniam si terrestris domus nostra huius habitationis dissolvatur quod aedificationem ex Deo habeamus domum non manufactam aeternam in caelis
2Co 5.2
nam et in hoc ingemescimus habitationem nostram quae de caelo est superindui cupientes
2Co 5.3
si tamen vestiti non nudi inveniamur
2Co 5.4
nam et qui sumus in tabernaculo ingemescimus gravati eo quod nolumus expoliari sed supervestiri ut absorbeatur quod mortale est a vita
2Co 5.5
qui autem efficit nos in hoc ipsum Deus qui dedit nobis pignus Spiritus
2Co 5.6
audentes igitur semper et scientes quoniam dum sumus in corpore peregrinamur a Domino
2Co 5.7
per fidem enim ambulamus et non per speciem
2Co 5.8
audemus autem et bonam voluntatem habemus magis peregrinari a corpore et praesentes esse ad Deum
2Co 5.9
et ideo contendimus sive absentes sive praesentes placere illi
2Co 5.10
omnes enim nos manifestari oportet ante tribunal Christi ut referat unusquisque propria corporis prout gessit sive bonum sive malum
2Co 5.11
scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esse
2Co 5.12
non iterum nos commendamus vobis sed occasionem damus vobis gloriandi pro nobis ut habeatis ad eos qui in facie gloriantur et non in corde
2Co 5.13
sive enim mente excedimus Deo sive sobrii sumus vobis
2Co 5.14
caritas enim Christi urget nos aestimantes hoc quoniam si unus pro omnibus mortuus est ergo omnes mortui sunt
2Co 5.15
et pro omnibus mortuus est ut et qui vivunt iam non sibi vivant sed ei qui pro ipsis mortuus est et resurrexit
2Co 5.16
itaque nos ex hoc neminem novimus secundum carnem et si cognovimus secundum carnem Christum sed nunc iam non novimus
2Co 5.17
si qua ergo in Christo nova creatura vetera transierunt ecce facta sunt nova
2Co 5.18
omnia autem ex Deo qui reconciliavit nos sibi per Christum et dedit nobis ministerium reconciliationis
2Co 5.19
quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationis
2Co 5.20
pro Christo ergo legationem fungimur tamquam Deo exhortante per nos obsecramus pro Christo reconciliamini Deo
2Co 5.21
eum qui non noverat peccatum pro nobis peccatum fecit ut nos efficeremur iustitia Dei in ipso

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages