2Co 13

Full text search

2Co 13
2Co 13.1
ecce tertio hoc venio ad vos in ore duorum vel trium testium stabit omne verbum
2Co 13.2
praedixi et praedico ut praesens bis et nunc absens his qui ante peccaverunt et ceteris omnibus quoniam si venero iterum non parcam
2Co 13.3
an experimentum quaeritis eius qui in me loquitur Christi qui in vos non infirmatur sed potens est in vobis
2Co 13.4
nam et si crucifixus est ex infirmitate sed vivit ex virtute Dei nam et nos infirmi sumus in illo sed vivemus cum eo ex virtute Dei in vobis
2Co 13.5
vosmet ipsos temptate si estis in fide ipsi vos probate an non cognoscitis vos ipsos quia Christus Iesus in vobis est nisi forte reprobi estis
2Co 13.6
spero autem quod cognoscetis quia nos non sumus reprobi
2Co 13.7
oramus autem Deum ut nihil mali faciatis non ut nos probati pareamus sed ut vos quod bonum est faciatis nos autem ut reprobi simus
2Co 13.8
non enim possumus aliquid adversus veritatem sed pro veritate
2Co 13.9
gaudemus enim quando nos infirmi sumus vos autem potentes estis hoc et oramus vestram consummationem
2Co 13.10
ideo haec absens scribo ut non praesens durius agam secundum potestatem quam Dominus dedit mihi in aedificationem et non in destructionem
2Co 13.11
de cetero fratres gaudete perfecti estote exhortamini idem sapite pacem habete et Deus dilectionis et pacis erit vobiscum
2Co 13.12
salutate invicem in osculo sancto salutant vos sancti omnes
2Co 13.13
gratia Domini nostri Iesu Christi et caritas Dei et communicatio Sancti Spiritus cum omnibus vobis amen

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages