1Co 1

Full text search

1Co 1
1Co 1.1
Paulus vocatus apostolus Christi Iesu per voluntatem Dei et Sosthenes frater
1Co 1.2
ecclesiae Dei quae est Corinthi sanctificatis in Christo Iesu vocatis sanctis cum omnibus qui invocant nomen Domini nostri Iesu Christi in omni loco ipsorum et nostro
1Co 1.3
gratia vobis et pax a Deo Patre nostro et Domino Iesu Christo
1Co 1.4
gratias ago Deo meo semper pro vobis in gratia Dei quae data est vobis in Christo Iesu
1Co 1.5
quia in omnibus divites facti estis in illo in omni verbo et in omni scientia
1Co 1.6
sicut testimonium Christi confirmatum est in vobis
1Co 1.7
ita ut nihil vobis desit in ulla gratia expectantibus revelationem Domini nostri Iesu Christi
1Co 1.8
qui et confirmabit vos usque ad finem sine crimine in die adventus Domini nostri Iesu Christi
1Co 1.9
fidelis Deus per quem vocati estis in societatem Filii eius Iesu Christi Domini nostri
1Co 1.10
obsecro autem vos fratres per nomen Domini nostri Iesu Christi ut id ipsum dicatis omnes et non sint in vobis scismata sitis autem perfecti in eodem sensu et in eadem sententia
1Co 1.11
significatum est enim mihi de vobis fratres mei ab his qui sunt Chloes quia contentiones inter vos sunt
1Co 1.12
hoc autem dico quod unusquisque vestrum dicit ego quidem sum Pauli ego autem Apollo ego vero Cephae ego autem Christi
1Co 1.13
divisus est Christus numquid Paulus crucifixus est pro vobis aut in nomine Pauli baptizati estis
1Co 1.14
gratias ago Deo quod neminem vestrum baptizavi nisi Crispum et Gaium
1Co 1.15
ne quis dicat quod in nomine meo baptizati sitis
1Co 1.16
baptizavi autem et Stephanae domum ceterum nescio si quem alium baptizaverim
1Co 1.17
non enim misit me Christus baptizare sed evangelizare non in sapientia verbi ut non evacuetur crux Christi
1Co 1.18
verbum enim crucis pereuntibus quidem stultitia est his autem qui salvi fiunt id est nobis virtus Dei est
1Co 1.19
scriptum est enim perdam sapientiam sapientium et prudentiam prudentium reprobabo
1Co 1.20
ubi sapiens ubi scriba ubi conquisitor huius saeculi nonne stultam fecit Deus sapientiam huius mundi
1Co 1.21
nam quia in Dei sapientia non cognovit mundus per sapientiam Deum placuit Deo per stultitiam praedicationis salvos facere credentes
1Co 1.22
quoniam et Iudaei signa petunt et Graeci sapientiam quaerunt
1Co 1.23
nos autem praedicamus Christum crucifixum Iudaeis quidem scandalum gentibus autem stultitiam
1Co 1.24
ipsis autem vocatis Iudaeis atque Graecis Christum Dei virtutem et Dei sapientiam
1Co 1.25
quia quod stultum est Dei sapientius est hominibus et quod infirmum est Dei fortius est hominibus
1Co 1.26
videte enim vocationem vestram fratres quia non multi sapientes secundum carnem non multi potentes non multi nobiles
1Co 1.27
sed quae stulta sunt mundi elegit Deus ut confundat sapientes et infirma mundi elegit Deus ut confundat fortia
1Co 1.28
et ignobilia mundi et contemptibilia elegit Deus et quae non sunt ut ea quae sunt destrueret
1Co 1.29
ut non glorietur omnis caro in conspectu eius
1Co 1.30
ex ipso autem vos estis in Christo Iesu qui factus est sapientia nobis a Deo et iustitia et sanctificatio et redemptio
1Co 1.31
ut quemadmodum scriptum est qui gloriatur in Domino glorietur

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages