Ro 4

Full text search

Ro 4
Ro 4.1
quid ergo dicemus invenisse Abraham patrem nostrum secundum carnem
Ro 4.2
si enim Abraham ex operibus iustificatus est habet gloriam sed non apud Deum
Ro 4.3
quid enim scriptura dicit credidit Abraham Deo et reputatum est illi ad iustitiam
Ro 4.4
ei autem qui operatur merces non inputatur secundum gratiam sed secundum debitum
Ro 4.5
ei vero qui non operatur credenti autem in eum qui iustificat impium reputatur fides eius ad iustitiam
Ro 4.6
sicut et David dicit beatitudinem hominis cui Deus accepto fert iustitiam sine operibus
Ro 4.7
beati quorum remissae sunt iniquitates et quorum tecta sunt peccata
Ro 4.8
beatus vir cui non inputabit Dominus peccatum
Ro 4.9
beatitudo ergo haec in circumcisione an etiam in praeputio dicimus enim quia reputata est Abrahae fides ad iustitiam
Ro 4.10
quomodo ergo reputata est in circumcisione an in praeputio non in circumcisione sed in praeputio
Ro 4.11
et signum accepit circumcisionis signaculum iustitiae fidei quae est in praeputio ut sit pater omnium credentium per praeputium ut reputetur et illis ad iustitiam
Ro 4.12
et sit pater circumcisionis non his tantum qui sunt ex circumcisione sed et his qui sectantur vestigia quae est in praeputio fidei patris nostri Abrahae
Ro 4.13
non enim per legem promissio Abrahae aut semini eius ut heres esset mundi sed per iustitiam fidei
Ro 4.14
si enim qui ex lege heredes sunt exinanita est fides abolita est promissio
Ro 4.15
lex enim iram operatur ubi enim non est lex nec praevaricatio
Ro 4.16
ideo ex fide ut secundum gratiam ut firma sit promissio omni semini non ei qui ex lege est solum sed et ei qui ex fide est Abrahae qui est pater omnium nostrum
Ro 4.17
sicut scriptum est quia patrem multarum gentium posui te ante Deum cui credidit qui vivificat mortuos et vocat quae non sunt tamquam ea quae sunt
Ro 4.18
qui contra spem in spem credidit ut fieret pater multarum gentium secundum quod dictum est sic erit semen tuum
Ro 4.19
et non infirmatus fide consideravit corpus suum emortuum cum fere centum annorum esset et emortuam vulvam Sarrae
Ro 4.20
in repromissione etiam Dei non haesitavit diffidentia sed confortatus est fide dans gloriam Deo
Ro 4.21
plenissime sciens quia quaecumque promisit potens est et facere
Ro 4.22
ideo et reputatum est illi ad iustitiam
Ro 4.23
non est autem scriptum tantum propter ipsum quia reputatum est illi
Ro 4.24
sed et propter nos quibus reputabitur credentibus in eum qui suscitavit Iesum Dominum nostrum a mortuis
Ro 4.25
qui traditus est propter delicta nostra et resurrexit propter iustificationem nostram

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages