Ro 3

Full text search

Ro 3
Ro 3.1
quid ergo amplius est Iudaeo aut quae utilitas circumcisionis
Ro 3.2
multum per omnem modum primum quidem quia credita sunt illis eloquia Dei
Ro 3.3
quid enim si quidam illorum non crediderunt numquid incredulitas illorum fidem Dei evacuabit absit
Ro 3.4
est autem Deus verax omnis autem homo mendax sicut scriptum est ut iustificeris in sermonibus tuis et vincas cum iudicaris
Ro 3.5
si autem iniquitas nostra iustitiam Dei commendat quid dicemus numquid iniquus Deus qui infert iram secundum hominem dico
Ro 3.6
absit alioquin quomodo iudicabit Deus mundum
Ro 3.7
si enim veritas Dei in meo mendacio abundavit in gloriam ipsius quid adhuc et ego tamquam peccator iudicor
Ro 3.8
et non sicut blasphemamur et sicut aiunt nos quidam dicere faciamus mala ut veniant bona quorum damnatio iusta est
Ro 3.9
quid igitur praecellimus eos nequaquam causati enim sumus Iudaeos et Graecos omnes sub peccato esse
Ro 3.10
sicut scriptum est quia non est iustus quisquam
Ro 3.11
non est intellegens non est requirens Deum
Ro 3.12
omnes declinaverunt simul inutiles facti sunt non est qui faciat bonum non est usque ad unum
Ro 3.13
sepulchrum patens est guttur eorum linguis suis dolose agebant venenum aspidum sub labiis eorum
Ro 3.14
quorum os maledictione et amaritudine plenum est
Ro 3.15
veloces pedes eorum ad effundendum sanguinem
Ro 3.16
contritio et infelicitas in viis eorum
Ro 3.17
et viam pacis non cognoverunt
Ro 3.18
non est timor Dei ante oculos eorum
Ro 3.19
scimus autem quoniam quaecumque lex loquitur his qui in lege sunt loquitur ut omne os obstruatur et subditus fiat omnis mundus Deo
Ro 3.20
quia ex operibus legis non iustificabitur omnis caro coram illo per legem enim cognitio peccati
Ro 3.21
nunc autem sine lege iustitia Dei manifestata est testificata a lege et prophetis
Ro 3.22
iustitia autem Dei per fidem Iesu Christi super omnes qui credunt non enim est distinctio
Ro 3.23
omnes enim peccaverunt et egent gloriam Dei
Ro 3.24
iustificati gratis per gratiam ipsius per redemptionem quae est in Christo Iesu
Ro 3.25
quem proposuit Deus propitiationem per fidem in sanguine ipsius ad ostensionem iustitiae suae propter remissionem praecedentium delictorum
Ro 3.26
in sustentatione Dei ad ostensionem iustitiae eius in hoc tempore ut sit ipse iustus et iustificans eum qui ex fide est Iesu
Ro 3.27
ubi est ergo gloriatio exclusa est per quam legem factorum non sed per legem fidei
Ro 3.28
arbitramur enim iustificari hominem per fidem sine operibus legis
Ro 3.29
an Iudaeorum Deus tantum nonne et gentium immo et gentium
Ro 3.30
quoniam quidem unus Deus qui iustificabit circumcisionem ex fide et praeputium per fidem
Ro 3.31
legem ergo destruimus per fidem absit sed legem statuimus

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages