Ro 11

Full text search

Ro 11
Ro 11.1
dico ergo numquid reppulit Deus populum suum absit nam et ego Israhelita sum ex semine Abraham tribu Beniamin
Ro 11.2
non reppulit Deus plebem suam quam praesciit an nescitis in Helia quid dicit scriptura quemadmodum interpellat Deum adversus Israhel
Ro 11.3
Domine prophetas tuos occiderunt altaria tua suffoderunt et ego relictus sum solus et quaerunt animam meam
Ro 11.4
sed quid dicit illi responsum divinum reliqui mihi septem milia virorum qui non curvaverunt genu Baal
Ro 11.5
sic ergo et in hoc tempore reliquiae secundum electionem gratiae factae sunt
Ro 11.6
si autem gratia non ex operibus alioquin gratia iam non est gratia
Ro 11.7
quid ergo quod quaerebat Israhel hoc non est consecutus electio autem consecuta est ceteri vero excaecati sunt
Ro 11.8
sicut scriptum est dedit illis Deus spiritum conpunctionis oculos ut non videant et aures ut non audiant usque in hodiernum diem
Ro 11.9
et David dicit fiat mensa eorum in laqueum et in captionem et in scandalum et in retributionem illis
Ro 11.10
obscurentur oculi eorum ne videant et dorsum illorum semper incurva
Ro 11.11
dico ergo numquid sic offenderunt ut caderent absit sed illorum delicto salus gentibus ut illos aemulentur
Ro 11.12
quod si delictum illorum divitiae sunt mundi et deminutio eorum divitiae gentium quanto magis plenitudo eorum
Ro 11.13
vobis enim dico gentibus quamdiu quidem ego sum gentium apostolus ministerium meum honorificabo
Ro 11.14
si quo modo ad aemulandum provocem carnem meam et salvos faciam aliquos ex illis
Ro 11.15
si enim amissio eorum reconciliatio est mundi quae adsumptio nisi vita ex mortuis
Ro 11.16
quod si delibatio sancta est et massa et si radix sancta et rami
Ro 11.17
quod si aliqui ex ramis fracti sunt tu autem cum oleaster esses insertus es in illis et socius radicis et pinguidinis olivae factus es
Ro 11.18
noli gloriari adversus ramos quod si gloriaris non tu radicem portas sed radix te
Ro 11.19
dices ergo fracti sunt rami ut ego inserar
Ro 11.20
bene propter incredulitatem fracti sunt tu autem fide stas noli altum sapere sed time
Ro 11.21
si enim Deus naturalibus ramis non pepercit ne forte nec tibi parcat
Ro 11.22
vide ergo bonitatem et severitatem Dei in eos quidem qui ceciderunt severitatem in te autem bonitatem Dei si permanseris in bonitate alioquin et tu excideris
Ro 11.23
sed et illi si non permanserint in incredulitate inserentur potens est enim Deus iterum inserere illos
Ro 11.24
nam si tu ex naturali excisus es oleastro et contra naturam insertus es in bonam olivam quanto magis hii secundum naturam inserentur suae olivae
Ro 11.25
nolo enim vos ignorare fratres mysterium hoc ut non sitis vobis ipsis sapientes quia caecitas ex parte contigit in Israhel donec plenitudo gentium intraret
Ro 11.26
et sic omnis Israhel salvus fieret sicut scriptum est veniet ex Sion qui eripiat avertet impietates ab Iacob
Ro 11.27
et hoc illis a me testamentum cum abstulero peccata eorum
Ro 11.28
secundum evangelium quidem inimici propter vos secundum electionem autem carissimi propter patres
Ro 11.29
sine paenitentia enim sunt dona et vocatio Dei
Ro 11.30
sicut enim aliquando et vos non credidistis Deo nunc autem misericordiam consecuti estis propter illorum incredulitatem
Ro 11.31
ita et isti nunc non crediderunt in vestram misericordiam ut et ipsi misericordiam consequantur
Ro 11.32
conclusit enim Deus omnia in incredulitatem ut omnium misereatur
Ro 11.33
o altitudo divitiarum sapientiae et scientiae Dei quam inconprehensibilia sunt iudicia eius et investigabiles viae eius
Ro 11.34
quis enim cognovit sensum Domini aut quis consiliarius eius fuit
Ro 11.35
aut quis prior dedit illi et retribuetur ei
Ro 11.36
quoniam ex ipso et per ipsum et in ipso omnia ipsi gloria in saecula amen

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages