Jo 21

Full text search

Jo 21
Jo 21.1
postea manifestavit se iterum Iesus ad mare Tiberiadis manifestavit autem sic
Jo 21.2
erant simul Simon Petrus et Thomas qui dicitur Didymus et Nathanahel qui erat a Cana Galilaeae et filii Zebedaei et alii ex discipulis eius duo
Jo 21.3
dicit eis Simon Petrus vado piscari dicunt ei venimus et nos tecum et exierunt et ascenderunt in navem et illa nocte nihil prendiderunt
Jo 21.4
mane autem iam facto stetit Iesus in litore non tamen cognoverunt discipuli quia Iesus est
Jo 21.5
dicit ergo eis Iesus pueri numquid pulmentarium habetis responderunt ei non
Jo 21.6
dixit eis mittite in dexteram navigii rete et invenietis miserunt ergo et iam non valebant illud trahere a multitudine piscium
Jo 21.7
dicit ergo discipulus ille quem diligebat Iesus Petro Dominus est Simon Petrus cum audisset quia Dominus est tunicam succinxit se erat enim nudus et misit se in mare
Jo 21.8
alii autem discipuli navigio venerunt non enim longe erant a terra sed quasi a cubitis ducentis trahentes rete piscium
Jo 21.9
ut ergo descenderunt in terram viderunt prunas positas et piscem superpositum et panem
Jo 21.10
dicit eis Iesus adferte de piscibus quos prendidistis nunc
Jo 21.11
ascendit Simon Petrus et traxit rete in terram plenum magnis piscibus centum quinquaginta tribus et cum tanti essent non est scissum rete
Jo 21.12
dicit eis Iesus venite prandete et nemo audebat discentium interrogare eum tu quis es scientes quia Dominus esset
Jo 21.13
et venit Iesus et accepit panem et dat eis et piscem similiter
Jo 21.14
hoc iam tertio manifestatus est Iesus discipulis cum surrexisset a mortuis
Jo 21.15
cum ergo prandissent dicit Simoni Petro Iesus Simon Iohannis diligis me plus his dicit ei etiam Domine tu scis quia amo te dicit ei pasce agnos meos
Jo 21.16
dicit ei iterum Simon Iohannis diligis me ait illi etiam Domine tu scis quia amo te dicit ei pasce agnos meos
Jo 21.17
dicit ei tertio Simon Iohannis amas me contristatus est Petrus quia dixit ei tertio amas me et dicit ei Domine tu omnia scis tu scis quia amo te dicit ei pasce oves meas
Jo 21.18
amen amen dico tibi cum esses iunior cingebas te et ambulabas ubi volebas cum autem senueris extendes manus tuas et alius te cinget et ducet quo non vis
Jo 21.19
hoc autem dixit significans qua morte clarificaturus esset Deum et hoc cum dixisset dicit ei sequere me
Jo 21.20
conversus Petrus vidit illum discipulum quem diligebat Iesus sequentem qui et recubuit in cena super pectus eius et dixit Domine quis est qui tradit te
Jo 21.21
hunc ergo cum vidisset Petrus dicit Iesu Domine hic autem quid
Jo 21.22
dicit ei Iesus si sic eum volo manere donec veniam quid ad te tu me sequere
Jo 21.23
exivit ergo sermo iste in fratres quia discipulus ille non moritur et non dixit ei Iesus non moritur sed si sic eum volo manere donec venio quid ad te
Jo 21.24
hic est discipulus qui testimonium perhibet de his et scripsit haec et scimus quia verum est testimonium eius
Jo 21.25
sunt autem et alia multa quae fecit Iesus quae si scribantur per singula nec ipsum arbitror mundum capere eos qui scribendi sunt libros amen

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages