Jo 2

Full text search

Jo 2
Jo 2.1
et die tertio nuptiae factae sunt in Cana Galilaeae et erat mater Iesu ibi
Jo 2.2
vocatus est autem ibi et Iesus et discipuli eius ad nuptias
Jo 2.3
et deficiente vino dicit mater Iesu ad eum vinum non habent
Jo 2.4
et dicit ei Iesus quid mihi et tibi est mulier nondum venit hora mea
Jo 2.5
dicit mater eius ministris quodcumque dixerit vobis facite
Jo 2.6
erant autem ibi lapideae hydriae sex positae secundum purificationem Iudaeorum capientes singulae metretas binas vel ternas
Jo 2.7
dicit eis Iesus implete hydrias aqua et impleverunt eas usque ad summum
Jo 2.8
et dicit eis Iesus haurite nunc et ferte architriclino et tulerunt
Jo 2.9
ut autem gustavit architriclinus aquam vinum factam et non sciebat unde esset ministri autem sciebant qui haurierant aquam vocat sponsum architriclinus
Jo 2.10
et dicit ei omnis homo primum bonum vinum ponit et cum inebriati fuerint tunc id quod deterius est tu servasti bonum vinum usque adhuc
Jo 2.11
hoc fecit initium signorum Iesus in Cana Galilaeae et manifestavit gloriam suam et crediderunt in eum discipuli eius
Jo 2.12
post hoc descendit Capharnaum ipse et mater eius et fratres eius et discipuli eius et ibi manserunt non multis diebus
Jo 2.13
et prope erat pascha Iudaeorum et ascendit Hierosolyma Iesus
Jo 2.14
et invenit in templo vendentes boves et oves et columbas et nummularios sedentes
Jo 2.15
et cum fecisset quasi flagellum de funiculis omnes eiecit de templo oves quoque et boves et nummulariorum effudit aes et mensas subvertit
Jo 2.16
et his qui columbas vendebant dixit auferte ista hinc nolite facere domum Patris mei domum negotiationis
Jo 2.17
recordati vero sunt discipuli eius quia scriptum est zelus domus tuae comedit me
Jo 2.18
responderunt ergo Iudaei et dixerunt ei quod signum ostendis nobis quia haec facis
Jo 2.19
respondit Iesus et dixit eis solvite templum hoc et in tribus diebus excitabo illud
Jo 2.20
dixerunt ergo Iudaei quadraginta et sex annis aedificatum est templum hoc et tu tribus diebus excitabis illud
Jo 2.21
ille autem dicebat de templo corporis sui
Jo 2.22
cum ergo resurrexisset a mortuis recordati sunt discipuli eius quia hoc dicebat et crediderunt scripturae et sermoni quem dixit Iesus
Jo 2.23
cum autem esset Hierosolymis in pascha in die festo multi crediderunt in nomine eius videntes signa eius quae faciebat
Jo 2.24
ipse autem Iesus non credebat semet ipsum eis eo quod ipse nosset omnes
Jo 2.25
et quia opus ei non erat ut quis testimonium perhiberet de homine ipse enim sciebat quid esset in homine

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages