Jo 15

Full text search

Jo 15
Jo 15.1
ego sum vitis vera et Pater meus agricola est
Jo 15.2
omnem palmitem in me non ferentem fructum tollet eum et omnem qui fert fructum purgabit eum ut fructum plus adferat
Jo 15.3
iam vos mundi estis propter sermonem quem locutus sum vobis
Jo 15.4
manete in me et ego in vobis sicut palmes non potest ferre fructum a semet ipso nisi manserit in vite sic nec vos nisi in me manseritis
Jo 15.5
ego sum vitis vos palmites qui manet in me et ego in eo hic fert fructum multum quia sine me nihil potestis facere
Jo 15.6
si quis in me non manserit mittetur foras sicut palmes et aruit et colligent eos et in ignem mittunt et ardent
Jo 15.7
si manseritis in me et verba mea in vobis manserint quodcumque volueritis petetis et fiet vobis
Jo 15.8
in hoc clarificatus est Pater meus ut fructum plurimum adferatis et efficiamini mei discipuli
Jo 15.9
sicut dilexit me Pater et ego dilexi vos manete in dilectione mea
Jo 15.10
si praecepta mea servaveritis manebitis in dilectione mea sicut et ego Patris mei praecepta servavi et maneo in eius dilectione
Jo 15.11
haec locutus sum vobis ut gaudium meum in vobis sit et gaudium vestrum impleatur
Jo 15.12
hoc est praeceptum meum ut diligatis invicem sicut dilexi vos
Jo 15.13
maiorem hac dilectionem nemo habet ut animam suam quis ponat pro amicis suis
Jo 15.14
vos amici mei estis si feceritis quae ego praecipio vobis
Jo 15.15
iam non dico vos servos quia servus nescit quid facit dominus eius vos autem dixi amicos quia omnia quaecumque audivi a Patre meo nota feci vobis
Jo 15.16
non vos me elegistis sed ego elegi vos et posui vos ut eatis et fructum adferatis et fructus vester maneat ut quodcumque petieritis Patrem in nomine meo det vobis
Jo 15.17
haec mando vobis ut diligatis invicem
Jo 15.18
si mundus vos odit scitote quia me priorem vobis odio habuit
Jo 15.19
si de mundo fuissetis mundus quod suum erat diligeret quia vero de mundo non estis sed ego elegi vos de mundo propterea odit vos mundus
Jo 15.20
mementote sermonis mei quem ego dixi vobis non est servus maior domino suo si me persecuti sunt et vos persequentur si sermonem meum servaverunt et vestrum servabunt
Jo 15.21
sed haec omnia facient vobis propter nomen meum quia nesciunt eum qui misit me
Jo 15.22
si non venissem et locutus fuissem eis peccatum non haberent nunc autem excusationem non habent de peccato suo
Jo 15.23
qui me odit et Patrem meum odit
Jo 15.24
si opera non fecissem in eis quae nemo alius fecit peccatum non haberent nunc autem et viderunt et oderunt et me et Patrem meum
Jo 15.25
sed ut impleatur sermo qui in lege eorum scriptus est quia odio me habuerunt gratis
Jo 15.26
cum autem venerit paracletus quem ego mittam vobis a Patre Spiritum veritatis qui a Patre procedit ille testimonium perhibebit de me
Jo 15.27
et vos testimonium perhibetis quia ab initio mecum estis

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages