Ps 27

Full text search

Ps 27
Ps 27.1
huic David ad te Domine clamabo Deus meus ne sileas a me nequando taceas a me et adsimilabor descendentibus in lacum
Ps 27.2
exaudi vocem deprecationis meae dum oro ad te dum extollo manus meas ad templum sanctum tuum
Ps 27.3
ne simul tradas me cum peccatoribus et cum operantibus iniquitatem %ne perdideris me; qui loquuntur pacem cum proximo suo mala autem sunt in cordibus eorum
Ps 27.4
da illis secundum opera ipsorum et secundum nequitiam adinventionum ipsorum secundum opera manuum eorum tribue illis redde retributionem eorum ipsis
Ps 27.5
quoniam non intellexerunt opera Domini et in opera manuum eius destrues illos et non aedificabis eos
Ps 27.6
benedictus Dominus quoniam exaudivit vocem deprecationis meae
Ps 27.7
Dominus adiutor meus et protector meus in ipso speravit cor meum et adiutus sum et refloruit caro mea et ex voluntate mea confitebor ei
Ps 27.8
Dominus fortitudo plebis suae et protector salvationum christi sui est
Ps 27.9
salvam fac plebem tuam et benedic hereditati tuae et rege eos et extolle eos usque in aeternum

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages