Ps 142

Full text search

Ps 142
Ps 142.1
psalmus David quando filius eum persequebatur Domine exaudi orationem meam auribus percipe obsecrationem meam in veritate tua exaudi me in tua iustitia
Ps 142.2
et non intres in iudicio cum servo tuo quia non iustificabitur in conspectu tuo omnis vivens
Ps 142.3
quia persecutus est inimicus animam meam humiliavit in terra vitam meam conlocavit me in obscuris sicut mortuos saeculi
Ps 142.4
et anxiatus est super me spiritus meus in me turbatum est cor meum
Ps 142.5
memor fui dierum antiquorum meditatus sum in omnibus operibus tuis in factis manuum tuarum meditabar
Ps 142.6
expandi manus meas ad te anima mea sicut terra sine aqua tibi diapsalma
Ps 142.7
velociter exaudi me Domine defecit spiritus meus non avertas faciem tuam a me et similis ero descendentibus in lacum
Ps 142.8
auditam mihi fac mane misericordiam tuam quia in te speravi notam fac mihi viam in qua ambulem quia ad te levavi animam meam
Ps 142.9
eripe me de inimicis meis Domine ad te confugi
Ps 142.10
doce me facere voluntatem tuam quia Deus meus es tu spiritus tuus bonus deducet me in terra recta
Ps 142.11
propter nomen tuum Domine vivificabis me in aequitate tua educes de tribulatione animam meam
Ps 142.12
et in misericordia tua disperdes inimicos meos et perdes omnes qui tribulant animam meam quoniam ego servus tuus sum

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages