Zach 8

Full text search

Zach 8
Zach 8.1
וַיְהִי דְּבַר־יְהוָה צְבָאוֺת לֵאמֹר׃
Zach 8.2
כֹּה אָמַר יְהוָה צְבָאוֺת קִנֵּאתִי
לְצִיֺּון קִנְאָה גְדוֺלָה וְחֵמָה
גְדוֺלָה קִנֵּאתִי לָהּ׃
Zach 8.3
כֹּה אָמַר יְהוָה שַׁבְתִּי אֶל־צִיֺּון
וְשָׁכַנְתִּי בְּתוֺך יְרוּשָׁלִָם וְנִקְרְאָה
יְרוּשָׁלִַם עִיר־הָאֱמֶת וְהַר־יְהוָה
צְבָאוֺת הַר הַקֹּדֶשׁ׃ ס
Zach 8.4
כֹּה אָמַר יְהוָה צְבָאוֺת עֹד
יֵשְׁבוּ זְקֵנִים וּזְקֵנֺות בִּרְחֹבוֺת
יְרוּשָׁלִָם וְאִישׁ מִשְׁעַנְתּוֺ בְּיָדוֺ
מֵרֹב יָמִים׃
Zach 8.5
וּרְחֹבוֺת הָעִיר יִמָּלְאוּ יְלָדִים
וִילָדוֺת מְשַׂחֲקִים בִּרְחֹבֹתֶיהָ׃
ס
Zach 8.6
כֹּה אָמַר יְהוָה צְבָאוֺת כִּי
יִפָּלֵא בְּעֵינֵי שְׁאֵרִית הָעָם
הַזֶּה בַּיָּמִים הָהֵם גַּמ־בְּעֵינַי
יִפָּלֵא נְאֻם יְהוָה צְבָאוֺת׃
ף
Zach 8.7
כֹּה אָמַר יְהוָה צְבָאוֺת הִנְנִי
מוֺשִׁיעַ אֶת־עַמִּי מֵאֶרֶץ מִזְרָח
וּמֵאֶרֶץ מְבוֺא הַשָּׁמֶשׁ׃
Zach 8.8
וְהֵבֵאתִי אֹתָם וְשָׁכְנוּ בְּתוֺך
יְרוּשָׁלִָם וְהָיוּ־לִי לְעָם
וַאֲנִי אֶהְיֶה לָהֶם לֵאלֹהִים
בֶּאֱמֶת וּבִצְדָקָה׃ ס
Zach 8.9
כֹּה־אָמַר יְהוָה צְבָאוֺת תֶּחֱזַקְנָה
יְדֵיכֶם הַשֹּׁמְעִים בַּיָּמִים הָאֵלֶּה
אֵת הַדְּבָרִים הָאֵלֶּה מִפִּי הַנְּבִיאִים
אֲשֶׁר בְּיֺום יֻסַּד בֵּית־יְהוָה
צְבָאוֺת הַהֵיכָל לְהִבָּנֺות׃
Zach 8.10
כִּי לִפְנֵי הַיָּמִים הָהֵם שְׂכַר
הָאָדָם לֹא נִהְיָה וּשְׂכַר הַבְּהֵמָה
אֵינֶנָּה וְלַיֺּוצֵא וְלַבָּא אֵינ־שָׁלוֺם
מִנ־הַצָּר וַאֲשַׁלַּח אֶת־כָּל־הָאָדָם
אִישׁ בְּרֵעֵהוּ׃
Zach 8.11
וְעַתָּה לֹא כַיָּמִים הָרִאשֹׁנִים
אֲנִי לִשְׁאֵרִית הָעָם הַזֶּה נְאֻם
יְהוָה צְבָאוֺת׃
Zach 8.12
כִּי־זֶרַע הַשָּׁלוֺם הַגֶּפֶן תִּתֵּן
פִּרְיָהּ וְהָאָרֶץ תִּתֵּן אֶת־יְבוּלָהּ
וְהַשָּׁמַיִם יִתְּנוּ טַלָּם וְהִנְחַלְתִּי
אֶת־שְׁאֵרִית הָעָם הַזֶּה אֶת־כָּל־אֵלֶּה׃
Zach 8.13
וְהָיָה כַּאֲשֶׁר הֱיִיתֶם קְלָלָה
בַּגֺּויִם בֵּית יְהוּדָה וּבֵית
יִשְׂרָאֵל כֵּן אוֺשִׁיעַ אֶתְכֶם
וִהְיִיתֶם בְּרָכָה אַל־תִּירָאוּ
תֶּחֱזַנָה יְדֵיכֶם׃ ס
Zach 8.14
כִּי כֹה אָמַר יְהוָה צְבָאוֺת
כַּאֲשֶׁר זָמַמְתִּי לְהָרַע לָכֶם בְּהַקְצִיף
אֲבֹתֵיכֶם אֹתִי אָמַר יְהוָה
צְבָאוֺת וְלֹא נִחָמְתִּי׃
Zach 8.15
כֵּן שַׁבְתִּי זָמַמְתִּי בַּיָּמִים הָאֵלֶּה
לְהֵיטִיב אֶת־יְרוּשָׁלִַם וְאֶת־בֵּית
יְהוּדָה אַל־תִּירָאוּ׃
Zach 8.16
אֵלֶּה הַדְּבָרִים אֲשֶׁר תַּעֲשׂוּ
דַּבְּרוּ אֱמֶת אִישׁ אֶת־רֵעֵהוּ
אֱמֶת וּמִשְׁפַּט שָׁלוֺם שִׁפְטוּ
בְּשַׁעֲרֵיכֶם׃
Zach 8.17
וְאִישׁ אֶת־רָעַת רֵעֵהוּ אַל־תַּחְשְׁבוּ
בִּלְבַבְכֶם וּשְׁבֻעַת שֶׁקֶר אַל־תֶּאֱהָבוּ
כִּי אֶת־כָּל־אֵלֶּה אֲשֶׁר שָׂנֵאתִי
נְאֻמ־יְהוָה׃ ס
Zach 8.18
וַיְהִי דְּבַר־יְהוָה צְבָאוֺת אֵלַי
לֵאמֹר׃
Zach 8.19
כֹּה־אָמַר יְהוָה צְבָאוֺת צוֺם
הָרְבִיעִי וְצוֺם הַחֲמִישִׁי וְצוֺם
הַשְּׁבִיעִי וְצוֺם הָעֲשִׂירִי יִהְיֶה
לְבֵית־יְהוּדָה לְשָׂשׂוֺן וּלְשִׂמְחָה
וּלְמֹעֲדִים טוֺבִים וְהָאֱמֶת
וְהַשָּׁלוֺם אֱהָבוּ׃ ף
Zach 8.20
כֹּה אָמַר יְהוָה צְבָאוֺת עֹד
אֲשֶׁר יָבֹאוּ עַמִּים וְיֺשְׁבֵי עָרִים
רַבּוֺת׃
Zach 8.21
וְהָלְכוּ יֺשְׁבֵי אַחַת אֶל־אַחַת
לֵאמֹר נֵלְכָה הָלוֺך לְחַלּוֺת
אֶת־פְּנֵי יְהוָה וּלְבַקֵּשׁ אֶת־יְהוָה
צְבָאוֺת אֵלְכָה גַּמ־אָנִי׃
Zach 8.22
וּבָאוּ עַמִּים רַבִּים וְגֺויִם
עֲצוּמִים לְבַקֵּשׁ אֶת־יְהוָה
צְבָאוֺת בִּירוּשָׁלִָם וּלְחַלּוֺת
אֶת־פְּנֵי יְהוָה׃ ס
Zach 8.23
כֹּה אָמַר יְהוָה צְבָאוֺת בַּיָּמִים
הָהֵמָּה אֲשֶׁר יַחֲזִיקוּ עֲשָׂרָה
אֲנָשִׁים מִכֹּל לְשֹׁנֺות הַגֺּויִם
וְהֶחֱזִיקוּ בִּכְנַף אִישׁ יְהוּדִי
לֵאמֹר נֵלְכָה עִמָּכֶם כִּי שָׁמַעְנוּ
אֱלֹהִים עִמָּכֶם׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages