Ez 7

Full text search

Ez 7
Ez 7.1
וַיְהִי דְבַר־יְהוָה אֵלַי לֵאמֹר׃
Ez 7.2
וְאַתָּה בֶנ־אָדָם כֹּה־אָמַר אֲדֹנָי
יְהוִה לְאַדְמַת יִשְׂרָאֵל קֵץ
בָּא הַקֵּץ עַל־אַרְבַּעַת 2 אַרְבַּע
כַּנְפוֺת הָאָרֶץ׃
Ez 7.3
עַתָּה הַקֵּץ עָלַיִך וְשִׁלַּחְתִּי אַפִּי
בָּך וּשְׁפַטְתִּיך כִּדְרָכָיִך וְנָתַתִּי
עָלַיִך אֵת כָּל־תּוֺעֲבֹתָיִך׃
Ez 7.4
וְלֹא־תָחוֺס עֵינִי עָלַיִך וְלֹא
אֶחְמוֺל כִּי דְרָכַיִך עָלַיִך
אֶתֵּן וְתוֺעֲבוֺתַיִך בְּתוֺכֵך תִּהְיֶיןָ
וִידַעְתֶּם כִּי־אֲנִי יְהוָה׃ ף
Ez 7.5
כֹּה אָמַר אֲדֹנָי יְהוִה רָעָה
אַחַת רָעָה הִנֵּה בָאָה׃
Ez 7.6
קֵץ בָּא בָּא הַקֵּץ הֵקִיץ אֵלָיִך
הִנֵּה בָּאָה׃
Ez 7.7
בָּאָה הַצְּפִירָה אֵלֶיךָ יֺושֵׁב
הָאָרֶץ בָּא הָעֵת קָרוֺב הַיֺּום
מְהוּמָה וְלֹא־הֵד הָרִים׃
Ez 7.8
עַתָּה מִקָּרוֺב אֶשְׁפּוֺך חֲמָתִי
עָלַיִך וְכִלֵּיתִי אַפִּי בָּך וּשְׁפַטְתִּיך
כִּדְרָכָיִך וְנָתַתִּי עָלַיִך אֵת
כָּל־תּוֺעֲבוֺתָיִך׃
Ez 7.9
וְלֹא־תָחוֺס עֵינִי וְלֹא אֶחְמוֺל
כִּדְרָכַיִך עָלַיִך אֶתֵּן וְתוֺעֲבוֺתַיִך
בְּתוֺכֵך תִּהְיֶיןָ וִידַעְתֶּם כִּי
אֲנִי יְהוָה מַךֶּ׃
Ez 7.10
הִנֵּה הַיֺּום הִנֵּה בָאָה יָצְאָה
הַצְּפִרָה צָץ הַמַּטֶּה פָּרַח הַזָּדוֺן׃
Ez 7.11
הֶחָמָס קָם לְמַטֵּה־רֶשַׁע לֹא־מֵהֶם
וְלֹא מֵהֲמוֺנָם וְלֹא מֶהֱמֵהֶם
וְלֹא־נֺהַּ בָּהֶם׃
Ez 7.12
בָּא הָעֵת הִגִּיעַ הַיֺּום הַקּוֺנֶה
אַל־יִשְׂמָח וְהַמּוֺכֵר אַל־יִתְאַבָּל
כִּי חָרוֺן אֶל־כָּל־הֲמוֺנָהּ׃
Ez 7.13
כִּי הַמּוֺכֵר אֶל־הַמִּמְכָּר לֹא
יָשׁוּב וְעוֺד בַּחַיִּים חַיָּתָם
כִּי־חָזֺון אֶל־כָּל־הֲמוֺנָהּ לֹא
יָשׁוּב וְאִישׁ בַּעֲוֺנֺו חַיָּתוֺ
לֹאיִתְחַזָּקוּ׃
Ez 7.14
תָּקְעוּ בַתָּקוֺעַ וְהָכִין הַכֹּל
וְאֵין הֹלֵך לַמִּלְחָמָה כִּי חֲרוֺנִי
אֶל־כָּל־הֲמוֺנָהּ׃
Ez 7.15
הַחֶרֶב בַּחוּץ וְהַדֶּבֶר וְהָרָעָב
מִבָּיִת אֲשֶׁר בַּשָּׂדֶה בַּחֶרֶב יָמוּת
וַאֲשֶׁר בָּעִיר רָעָב וָדֶבֶר יֺאכֲלֶנּוּ׃
Ez 7.16
וּפָלְטוּ פְּלִיטֵיהֶם וְהָיוּ אֶל־הֶהָרִים
כְּיֺונֵי הַגֵּאָיֺות כֻּלָּם הֹמוֺת
אִישׁ בַּעֲוֺנֺו׃
Ez 7.17
כָּל־הַיָּדַיִם תִּרְפֶּינָה וְכָל־בִּרְכַּיִם
תֵּלַכְנָה מָּיִם׃
Ez 7.18
וְחָגְרוּ שַׂקִּים וְכִסְּתָה אוֺתָם
פַּלָּצוּת וְאֶל כָּל־פָּנִים בּוּשָׁה
וּבְכָל־רָאשֵׁיהֶם קָרְחָה׃
Ez 7.19
כַּסְפָּם בַּחוּצוֺת יַשְׁלִיכוּ וּזְהָבָם
לְנִדָּה יִהְיֶה כַּסְפָּם וּזְהָבָם
לֹא־יוּכַל לְהַצִּילָם בְּיֺום עֶבְרַת
יְהוָה נַפְשָׁם לֹא יְשַׂבֵּעוּ וּמֵעֵיהֶם
לֹא יְמַלֵּאוּ כִּי־מִכְשׁוֺל עֲוֺנָם
הָיָה׃
Ez 7.20
וּצְבִי עֶדְיֺו לְגָאוֺן שָׂמָהוּ
וְצַלְמֵי תוֺעֲבֹתָם שִׁקּוּצֵיהֶם
עָשׂוּ בוֺ עַל־כֵּן נְתַתִּיו לָהֶם
לְנִדָּה׃
Ez 7.21
וּנְתַתִּיו בְּיַד־הַזָּרִים לָבַז
וּלְרִשְׁעֵי הָאָרֶץ לְשָׁלָל 1 וְחִלְּלֻהָ 2 וְחִלְּלוּהוּ׃
Ez 7.22
וַהֲסִבּוֺתִי פָנַי מֵהֶם וְחִלְּלוּ
אֶת־צְפוּנִי וּבָאוּ־בָהּ פָּרִיצִים
וְחִלְּלוּהָ׃ ף
Ez 7.23
עֲשֵׂה הָרַתּוֺק כִּי הָאָרֶץ מָלְאָה
מִשְׁפַּט דָּמִים וְהָעִיר מָלְאָה
חָמָס׃
Ez 7.24
וְהֵבֵאתִי רָעֵי גֺויִם וְיָרְשׁוּ
אֶת־בָּתֵּיהֶם וְהִשְׁבַּתִּי גְּאוֺן
עַזִּים וְנִחֲלוּ מְקַדְשֵׁיהֶם׃
Ez 7.25
קְפָדָה־בָא וּבִקְשׁוּ שָׁלוֺם וָאָיִן׃
Ez 7.26
הֹוָה עַל־הֹוָה תָּבוֺא וּשְׁמֻעָה
אֶל־שְׁמוּעָה תִּהְיֶה וּבִקְשׁוּ
חָזֺון מִנָּבִיא וְתוֺרָה תֹּאבַד
מִכֹּהֵן וְעֵצָה מִזְּקֵנִים׃
Ez 7.27
הַמֶּלֶך יִתְאַבָּל וְנָשִׂיא יִלְבַּשׁ
שְׁמָמָה וִידֵי עַמ־הָאָרֶץ תִּבָּהַלְנָה
מִדַּרְכָּם אֶעֱשֶׂה אוֺתָם וּבְמִשְׁפְּטֵיהֶם
אֶשְׁפְּטֵם וְיָדְעוּ כִּי־אֲנִי יְהוָה׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages