Ez 41

Full text search

Ez 41
Ez 41.1
וַיְבִיאֵנִי אֶל־הַהֵיכָל וַיָּמָד
אֶת־הָאֵילִים שֵׁשׁ־אַמּוֺת רֹחַב־מִפּוֺ
וְשֵׁשׁ־אַמּוֺת־רֹחַב מִפּוֺ רֹחַב
הָאֹהֶל׃
Ez 41.2
וְרֹחַב הַפֶּתַח עֶשֶׂר אַמּוֺת וְכִתְפוֺת
הַפֶּתַח חָמֵשׁ אַמּוֺת מִפּוֺ וְחָמֵשׁ
אַמּוֺת מִפּוֺ וַיָּמָד אָרְכּוֺ אַרְבָּעִים
אַמָּה וְרֹחַב עֶשְׂרִים אַמָּה׃
Ez 41.3
וּבָא לִפְנִימָה וַיָּמָד אֵיל־הַפֶּתַח
שְׁתַּיִם אַמּוֺת וְהַפֶּתַח שֵׁשׁ אַמּוֺת
וְרֹחַב הַפֶּתַח שֶׁבַע אַמּוֺת׃
Ez 41.4
וַיָּמָד אֶת־אָרְכּוֺ עֶשְׂרִים אַמָּה
וְרֹחַב עֶשְׂרִים אַמָּה אֶל־פְּנֵי
הַהֵיכָל וַיֺּאמֶר אֵלַי זֶה קֹדֶשׁ
הַקֳּדָשִׁים׃
Ez 41.5
וַיָּמָד קִיר־הַבַּיִת שֵׁשׁ אַמּוֺת
וְרֹחַב הַצֵּלָע אַרְבַּע אַמּוֺת סָבִיב
סָבִיב לַבַּיִת סָבִיב׃
Ez 41.6
וְהַצְּלָעוֺת צֵלָע אֶל־צֵלָע שָׁלוֺשׁ
וּשְׁלֹשִׁים פְּעָמִים וּבָאוֺת בַּקִּיר
אֲשֶׁר־לַבַּיִת לַצְּלָעוֺת סָבִיב
סָבִיב לִהְיֺות אֲחוּזִים וְלֹא־הְיוּ
אֲחוּזִים בְּקִיר הַבָּיִת׃
Ez 41.7
וְרָחֲבָה וְנָסְבָה לְמַעְלָה לְמַעְלָה
לַצְּלָעוֺת כִּי מוּסַב־הַבַּיִת לְמַעְלָה
לְמַעְלָה סָבִיב סָבִיב לַבַּיִת
עַל־כֵּן רֹחַב־לַבַּיִ לְמָעְלָה
וְכֵן הַתַּחְתּוֺנָה יַעֲלֶה עַל־הָעֶלְיֺונָה
לַתִּיכוֺנָה׃
Ez 41.8
וְרָאִיתִי לַבַּיִת גֺּבַהּ סָבִיב
סָבִיב 1 מִיסָדוֺת 2 מוּסְדוֺת הַצְּלָעוֺת
מְלוֺ הַקָּנֶה שֵׁשׁ אַמּוֺת אַצִּילָה׃
Ez 41.9
רֹחַב הַקִּיר אֲשֶׁר־לַצֵּלָע אֶל־הַחוּץ
חָמֵשׁ אַמּוֺת וַאֲשֶׁר מֻנָּח בֵּית
צְלָעוֺת אֲשֶׁר לַבָּיִת׃
Ez 41.10
וּבֵין הַלְּשָׁכוֺת רֹחַב עֶשְׂרִים
אַמָּה סָבִיב לַבַּיִת סָבִיב סָבִיב׃
Ez 41.11
וּפֶתַח הַצֵּלָע לַמֻּנָּח פֶּתַח אֶחָד
דֶּרֶך הַצָּפוֺן וּפֶתַח אֶחָד לַדָּרוֺם
וְרֹחַב מְקוֺם הַמֻּנָּח חָמֵשׁ אַמּוֺת
סָבִיב סָבִיב׃
Ez 41.12
וְהַבִּנְיָן אֲשֶׁר אֶל־פְּנֵי הַגִּזְרָה
פְּאַת דֶּרֶכְ־הַיָּם רֹחַב שִׁבְעִים
אַמָּה וְקִיר הַבִּנְיָן חָמֵשׁ־אַמּוֺת
רֹחַב סָבִיב סָבִיב וְאָרְכּוֺ
תִּשְׁעִים אַמָּה׃
Ez 41.13
וּמָדַד אֶת־הַבַּיִת אֹרֶך מֵאָה
אַמָּה וְהַגִּזְרָה וְהַבִּנְיָה וְקִירוֺתֶיהָ
אֹרֶך מֵאָה אַמָּה׃
Ez 41.14
וְרֹחַב פְּנֵי הַבַּיִת וְהַגִּזְרָה
לַקָּדִים מֵאָה אַמָּה׃
Ez 41.15
וּמָדַד אֹרֶכְ־הַבִּנְיָן אֶל־פְּנֵי
הַגִּזְרָה אֲשֶׁר עַל־אַחֲרֶיהָ 1 וְאַתּוּקֵיהָא 2 וְאַתִּיקֶיהָא
מִפּוֺ וּמִפּוֺ מֵאָה אַמָּה וְהַהֵיכָל
הַפְּנִמִי וְאֻלַמֵּי הֶחָצֵר׃
Ez 41.16
הַסִּפִּים וְהַחַלּוֺנִים הָאֲטֻמוֺת
וְהָאַתִּיקִים סָבִיב לִשְׁלָשְׁתָּם
נֶגֶד הַסַּף שְׂחִיף עֵץ סָבִיב
סָבִיב וְהָאָרֶץ עַד־הַחַלֹּנֺות
וְחַלֹּנֺות מְכֻסּוֺת׃
Ez 41.17
עַל־מֵעַל הַפֶּתַח וְעַד־הַבַּיִת
הַפְּנִימִי וְלַחוּץ וְאֶל־כָּל־הַקִּיר
סָבִיב סָבִיב בַּפְּנִימִי וּבַחִיצוֺן
מִדּוֺת׃
Ez 41.18
וְעָשׂוּי כְּרוּבִים וְתִמֹרִים
וְתִמֹרָה בֵּינ־כְּרוּב לִכְרוּב
וּשְׁנַיִם פָּנִים לַכְּרוּב׃
Ez 41.19
וּפְנֵי אָדָם אֶל־הַתִּמֹרָה מִפּוֺ
וּפְנֵי־כְפִיר אֶל־הַתִּמֹרָה מִפּוֺ
עָשׂוּי אֶל־כָּל־הַבַּיִת סָבִיב
סָבִיב׃
Ez 41.20
מֵהָאָרֶץ עַד־מֵעַל הַפֶּתַח הַכְּרוּבִים
וְהַתִּמֹרִים עֲשׂוּיִם וְקִיר הַהֵיכָל׃
Ez 41.21
הַהֵיכָל מְזוּזַת רְבֻעָה וּפְנֵי
הַקֹּדֶשׁ הַמַּרְאֶה כַּמַּרְאֶה׃
Ez 41.22
הַמִּזְבֵּחַ עֵץ שָׁלוֺשׁ אַמּוֺת גָּבֹהַּ
וְאָרְכּוֺ שְׁתַּיִמ־אַמּוֺת וּמִקְצֹעוֺתָיו
לוֺ וְאָרְכּוֺ וְקִירֹתָיו עֵץ וַיְדַבֵּר
אֵלַי זֶה הַשֻּׁלְחָן אֲשֶׁר לִפְנֵי
יְהוָה׃
Ez 41.23
וּשְׁתַּיִם דְּלָתוֺת לַהֵיכָל וְלַקֹּדֶשׁ׃
Ez 41.24
וּשְׁתַּיִם דְּלָתוֺת לַדְּלָתוֺת שְׁתַּיִם
מוּסַבּוֺת דְּלָתוֺת שְׁתַּיִם לְדֶלֶת
אֶחָת וּשְׁתֵּי דְלָתוֺת לָאַחֶרֶת׃
Ez 41.25
וַעֲשׂוּיָה אֲלֵיהֶן אֶל־דַּלְתוֺת
הַהֵיכָל כְּרוּבִים וְתִמֹרִים
כַּאֲשֶׁר עֲשׂוּיִם לַקִּירוֺת וְעָב
עֵץ אֶל־פְּנֵי הָאוּלָם מֵהַחוּץ׃
Ez 41.26
וְחַלּוֺנִים אֲטֻמוֺת וְתִמֹרִים
מִפּוֺ וּמִפּוֺ אֶל־כִּתְפוֺת הָאוּלָם
וְצַלְעוֺת הַבַּיִת וְהָעֻבִּים׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages