Ez 30

Full text search

Ez 30
Ez 30.1
וַיְהִי דְבַר־יְהוָה אֵלַי לֵאמֹר׃
Ez 30.2
בֶּנ־אָדָם הִנָּבֵא וְאָמַרְתָּ כֹּה
אָמַר אֲדֹנָי יְהוִה הֵילִילוּ
הָהּ לַיֺּום׃
Ez 30.3
כִּי־קָרוֺב יֺום וְקָרוֺב יֺום
לַיהוָה יֺום עָנָן עֵת גֺּויִם
יִהְיֶה׃
Ez 30.4
וּבָאָה חֶרֶב בְּמִצְרַיִם וְהָיְתָה
חַלְחָלָה בְּכוּשׁ בִּנְפֹל חָלָל
בְּמִצְרָיִם וְלָקְחוּ הֲמוֺנָהּ וְנֶהֶרְסוּ
יְסוֺדֹתֶיהָ׃
Ez 30.5
כּוּשׁ וּפוּט וְלוּד וְכָל־הָעֶרֶב
וְכוּב וּבְנֵי אֶרֶץ הַבְּרִית אִתָּם
בַּחֶרֶב יִפֹּלוּ׃ ף
Ez 30.6
כֹּה אָמַר יְהוָה וְנָפְלוּ סֹמְכֵי
מִצְרַיִם וְיָרַד גְּאוֺן עֻזָּהּ
מִמִּגְדֹּל סְוֵנֵה בַּחֶרֶב יִפְּלוּ־בָהּ
נְאֻם אֲדֹנָי יְהוִה׃
Ez 30.7
וְנָשַׁמּוּ בְּתוֺך אֲרָצוֺת נְשַׁמּוֺת
וְעָרָיו בְּתוֺכְ־עָרִים נַחֲרָבוֺת
תִּהְיֶינָה׃
Ez 30.8
וְיָדְעוּ כִּי־אֲנִי יְהוָה בְּתִתִּי־אֵשׁ
בְּמִצְרַיִם וְנִשְׁבְּרוּ כָּל־עֹזְרֶיהָ׃
Ez 30.9
בַּיֺּום הַהוּא יֵצְאוּ מַלְאָכִים
מִלְּפָנַי בַּצִּים לְהַחֲרִיד אֶת־כּוּשׁ
בֶּטַח וְהָיְתָה חַלְחָלָה בָהֶם
בְּיֺום מִצְרַיִם כִּי הִנֵּה בָּאָה׃
ס
Ez 30.10
כֹּה אָמַר אֲדֹנָי יְהוִה וְהִשְׁבַּתִּי
אֶת־הֲמוֺן מִצְרַיִם בְּיַד נְבוּכַדְרֶאצַּר
מֶלֶכְ־בָּבֶל׃
Ez 30.11
הוּא וְעַמּוֺ אִתּוֺ עָרִיצֵי
גֺויִם מוּבָאִים לְשַׁחֵת הָאָרֶץ
וְהֵרִיקוּ חַרְבוֺתָם עַל־מִצְרַיִם
וּמָלְאוּ אֶת־הָאָרֶץ חָלָל׃
Ez 30.12
וְנָתַתִּי יְאֹרִים חָרָבָה וּמָכַרְתִּי
אֶת־הָאָרֶץ בְּיַד־רָעִים וַהֲשִׁמֹּתִי
אֶרֶץ וּמְלֹאָהּ בְּיַד־זָרִים אֲנִי
יְהוָה דִּבַּרְתִּי׃ ס
Ez 30.13
כֹּה־אָמַר אֲדֹנָי יְהוִה וְהַאֲבַדְתִּי
גִלּוּלִים וְהִשְׁבַּתִּי אֱלִילִים
מִנֺּף וְנָשִׂיא מֵאֶרֶצ־מִצְרַיִם
לֹא יִהְיֶה־עוֺד וְנָתַתִּי יִרְאָה
בְּאֶרֶץ מִצְרָיִם׃
Ez 30.14
וַהֲשִׁמֹּתִי אֶת־פַּתְרוֺס וְנָתַתִּי
אֵשׁ בְּצֹעַן וְעָשִׂיתִי שְׁפָטִים
בְּנֺא׃
Ez 30.15
וְשָׁפַכְתִּי חֲמָתִי עַל־סִין מָעוֺז
מִצְרָיִם וְהִכְרַתִּי אֶת־הֲמוֺן
נֺא׃
Ez 30.16
וְנָתַתִּי אֵשׁ בְּמִצְרַיִם חוּל 1 תָּחִיל 2 תָּחוּל
סִין וְנֺא תִּהְיֶה לְהִבָּקֵעַ וְנֺף
צָרֵי יֺומָם׃
Ez 30.17
בַּחוּרֵי אָוֶן וּפִי־בֶסֶת בַּחֶרֶב
יִפֹּלוּ וְהֵנָּה בַּשְּׁבִי תֵלַכְנָה׃
Ez 30.18
וּבִתְחַפְנְחֵס חָשַׂך הַיֺּום בְּשִׁבְרִי־שָׁם
אֶת־מֹטוֺת מִצְרַיִם וְנִשְׁבַּת־בָּהּ
גְּאוֺן עֻזָּהּ הִיא עָנָן יְכַסֶּנָּה
וּבְנֺותֶיהָ בַּשְּׁבִי תֵלַכְנָה׃
Ez 30.19
וְעָשִׂיתִי שְׁפָטִים בְּמִצְרָיִם וְיָדְעוּ
כִּי־אֲנִי יְהוָה׃ ף
Ez 30.20
וַיְהִי בְּאַחַת עֶשְׂרֵה שָׁנָה בָּרִאשׁוֺן
בְּשִׁבְעָה לַחֹדֶשׁ הָיָה דְבַר־יְהוָה
אֵלַי לֵאמֹר׃
Ez 30.21
בֶּנ־אָדָם אֶת־זְרוֺעַ פַּרְעֹה מֶלֶכְ־מִצְרַיִם
שָׁבָרְתִּי וְהִנֵּה לֹא־חֻבְּשָׁה לָתֵת
רְפֻאוֺת לָשׂוּם חִתּוּל לְחָבְשָׁהּ
לְחָזְקָהּ לִתְפֹּשׂ חָרֶב׃ ס
Ez 30.22
לָכֵן כֹּה־אָמַר אֲדֹנָי יְהֹוִה
הִנְנִי אֶל־פַּרְעֹה מֶלֶכְ־מִצְרַיִם
וְשָׁבַרְתִּי אֶת־זְרֹעֹתָיו אֶת־הַחֲזָקָה
וְאֶת־הַנִּשְׁבָּרֶת וְהִפַּלְיּ אֶת־הַחֶרֶב
מִיָּדוֺ׃
Ez 30.23
וַהֲפִצוֺתִי אֶת־מִצְרַיִם בַּגֺּויִם
וְזֵרִיתִם בָּאֲרָצוֺת׃
Ez 30.24
וְחִזַּקְתִּי אֶת־זְרֹעוֺת מֶלֶך בָּבֶל
וְנָתַתִּי אֶת־חַרְבִּי בְּיָדוֺ וְשָׁבַרְתִּי
אֶת־זְרֹעוֺת פַּרְעֹה וְנָאַק נַאֲקוֺת
חָלָל לְפָנָיו׃
Ez 30.25
וְהַחֲזַקְתִּי אֶת־זְרֹעוֺת מֶלֶך
בָּבֶל וּזְרֹעוֺת פַּרְעֹה תִּפֹּלְנָה
וְיָדְעוּ כִּי־אֲנִי יְהוָה בְּתִתִּי
חַרְבִּי בְּיַד מֶלֶכְ־בָּבֶלוְנָטָה
אוֺתָהּ אֶל־אֶרֶץ מִצְרָיִם׃
Ez 30.26
וַהֲפִצוֺתִי אֶת־מִצְרַיִם בַּגֺּויִם
וְזֵרִיתִי אוֺתָם בָּאֲרָצוֺת וְיָדְעוּ
כִּי־אֲנִי יְהוָה׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages