Ez 3

Full text search

Ez 3
Ez 3.1
וַיֺּאמֶר אֵלַי בֶּנ־אָדָם אֵת
אֲשֶׁר־תִּמְצָא אֱכוֺל אֱכוֺל אֶת־הַמְּגִלָּה
הַזֺּאת וְלֵך דַּבֵּר אֶל־בֵּית
יִשְׂרָאֵל׃
Ez 3.2
וָאֶפְתַּח אֶת־פִּי וַיַּאֲכִלֵנִי אֵת
הַמְּגִלָּה הַזֺּאת׃
Ez 3.3
וַיֺּאמֶר אֵלַי בֶּנ־אָדָם בִּטְנְךָ
תַאֲכֵל וּמֵעֶיךָ תְמַלֵּא אֵת הַמְּגִלָּה
הַזֺּאת אֲשֶׁר אֲנִי נֺתֵן אֵלֶיךָ
וָאֹכְלָה וַתְּהִי בְּי כִּדְבַשׁ לְמָתוֺק׃
ף
Ez 3.4
וַיֺּאמֶר אֵלָי בֶּנ־אָדָם לֶכְ־בֹּא
אֶל־בֵּית יִשְׂרָאֵל וְדִבַּרְתָּ בִדְבָרַי
אֲלֵיהֶם׃
Ez 3.5
כִּי לֹא אֶל־עַם עִמְקֵי שָׂפָה
וְכִבְדֵי לָשׁוֺן אַתָּה שָׁלוּחַ
אֶל־בֵּית יִשְׂרָאֵל׃
Ez 3.6
לֹא אֶל־עַמִּים רַבִּים עִמְקֵי
שָׂפָה וְכִבְדֵי לָשׁוֺן אֲשֶׁר לֹא־תִשְׁמַע
דִּבְרֵיהֶם אִמ־לֹא אֲלֵיהֶם שְׁלַחְתִּיךָ
הֵמָּה יִשְׁמְעוּ אֵלֶיךָ
Ez 3.7
וּבֵית יִשְׂרָאֵל לֹא יֺאבוּ לִשְׁמֹעַ
אֵלֶיךָ כִּי־אֵינָם אֹבִים לִשְׁמֹעַ
אֵלָי כִּי כָּל־בֵּית יִשְׂרָאֵל חִזְקֵי־מֵצַח
וּקְשֵׁי־לֵב הֵמָּה׃
Ez 3.8
הִנֵּה נָתַתִּי אֶת־פָּנֶיךָ חֲזָקִים
לְעֻמַּת פְּנֵיהֶם וְאֶת־מִצְחֲךָ חָזָק
לְעֻמַּת מִצְחָם׃
Ez 3.9
כְּשָׁמִיר חָזָק מִצֹּר נָתַתִּי מִצְחֶךָ
לֹא־תִירָא אוֺתָם וְלֹא־תֵחַת
מִפְּנֵיהֶם כִּי בֵּית־מְרִי הֵמָּה׃
ף
Ez 3.10
וַיֺּאמֶר אֵלָי בֶּנ־אָדָם אֶת־כָּל־דְּבָרַי
אֲשֶׁר אֲדַבֵּר אֵלֶיךָ קַח בִּלְבָבְךָ
וּבְאָזְנֶיךָ שְׁמָע׃
Ez 3.11
וְלֵך בֹּא אֶל־הַגֺּולָה אֶל־בְּנֵי
עַמֶּךָ וְדִבַּרְתָּ אֲלֵיהֶם וְאָמַרְתָּ
אֲלֵיהֶם כֹּה אָמַר אֲדֹנָי יְהֹוִה
אִמ־יִשְׁמְעוּ וְאִמ־יֶחְדָּוּ׃
Ez 3.12
וַתִּשָּׂאֵנִי רוּחַ וָאֶשְׁמַע אַחֲרַי
קוֺל רַעַשׁ גָּדוֺל בָּרוּך כְּבוֺד־יְהוָה
מִמְּקוֺמוֺ׃
Ez 3.13
וְקוֺל כַּנְפֵי הַחַיֺּות מַשִּׁיקוֺת
אִשָּׁה אֶל־אֲחוֺתָהּ וְקוֺל הָאוֺפַנִּים
לְעֻמָּתָם וְקוֺל רַעַשׁ גָּדוֺל׃
Ez 3.14
וְרוּחַ נְשָׂאַתְנִי וַתִּקָּחֵנִי וָאֵלֵך
מַר בַּחֲמַת רוּחִי וְיַד־יְהוָה
עָלַי חָזָקָה׃
Ez 3.15
וָאָבוֺא אֶל־הַגֺּולָה תֵּל אָבִיב
הַיֺּשְׁבִים אֶל־נְהַר־כְּבָר 1 וָאֲשֶׁר 2 וָאֵשֵׁב
הֵמָּה יֺושְׁבִים שָׁם וָאֵשֵׁב שָׁם
שִׁבְעַת יָמִים מַשְׁמִים בְּתוֺכָם׃
Ez 3.16
וַיְהִי מִקְצֵה שִׁבְעַת יָמִים
ף וַיְהִי דְבַר־יְהוָה אֵלַי
לֵאמֹר׃
Ez 3.17
בֶּנ־אָדָם צֹפֶה נְתַתִּיךָ לְבֵית
יִשְׂרָאֵל וְשָׁמַעְתָּ מִפִּי דָּבָר וְהִזְהַרְתָּ
אוֺתָם מִמֶּנִּי׃
Ez 3.18
בְּאָמְרִי לָרָשָׁע מוֺת תָּמוּת
וְלֹא הִזְהַרְתּוֺ וְלֹא דִבַּרְתָּ לְהַזְהִיר
רָשָׁע מִדַּרְכּוֺ הָרְשָׁעָה לְחַיֺּתוֺ
הוּא רָשָׁע בַּעֲוֺנֺו יָמוּת וְדָמוֺ
מִיָּדְךָ אֲבַקֵּשׁ׃
Ez 3.19
וְאַתָּה כִּי־הִזְהַרְתָּ רָשָׁע וְלֹא־שָׁב
מֵרִשְׁעוֺ וּמִדַּרְכּוֺ הָרְשָׁעָה הוּא
בַּעֲוֺנֺו יָמוּת וְאַתָּה אֶת־נַפְשְׁךָ
הִצַּלְתָּ׃ ס
Ez 3.20
וּבְשׁוּב צַדִּיק מִצִּדְקוֺ וְעָשָׂה
עָוֶל וְנָתַתִּי מִכְשׁוֺל לְפָנָיו
הוּא יָמוּת כִּי לֹא הִזְהַרְתּוֺ
בְּחַטָּאתוֺ יָמוּת וְלֹא תִזָּכַרְנָצִדְקָתוֺ 2 צִדְקֹתָיו
אֲשֶׁר עָשָׂה וְדָמוֺ מִיָּדְךָ אֲבַקֵּשׁ׃
Ez 3.21
וְאַתָּה כִּי הִזְהַרְתּוֺ צַדִּיק
לְבִלְתִּי חֲטֹא צַדִּיק וְהוּא לֹא־חָטָא
חָיֺו יִחְיֶה כִּי נִזְהָר וְאַתָּה
אֶת־נַפְשְׁךָ הִצַּלְתָּ׃ ס
Ez 3.22
וַתְּהִי עָלַי שָׁם יַד־יְהוָה וַיֺּאמֶר
אֵלַי קוּם צֵא אֶל־הַבִּקְעָה
וְשָׁם אֲדַבֵּר אוֺתָך׃
Ez 3.23
וָאָקוּם וָאֵצֵא אֶל־הַבִּקְעָה וְהִנֵּה־שָׁם
כְּבוֺד־יְהוָה עֹמֵד כַּכָּבוֺד
אֲשֶׁר רָאִיתִי עַל־נְהַר־כְּבָר
וָאֶפֹּל עַל־פָּנָי׃
Ez 3.24
וַתָּבֹא־בִי רוּחַ וַתַּעֲמִדֵנִי עַל־רַגְלָי
וַיְדַבֵּר אֹתִי וַיֺּאמֶר אֵלַי בֹּא
הִסָּגֵר בְּתוֺך בֵּיתֶךָ׃
Ez 3.25
וְאַתָּה בֶנ־אָדָם הִנֵּה נָתְנוּ
עָלֶיךָ עֲבוֺתִים ואֲסָרוּךָ בָּהֶם
וְלֹא תֵצֵא בְּתוֺכָם׃
Ez 3.26
וּלְשׁוֺנְךָ אַדְבִּיק אֶל־חִכֶּךָ
וְנֶאֱלַמְתָּ וְלֹא־תִהְיֶה לָהֶם לְאִישׁ
מוֺכִיחַ כִּי בֵּית מְרִי הֵמָּה׃
Ez 3.27
וּבְדַבְּרִי אוֺתְךָ אֶפְתַּח אֶת־פִּיךָ
וְאָמַרְתָּ אֲלֵיהֶם כֹּה אָמַר אֲדֹנָי
יְהֹוִה הַשֹּׁמֵעַ יִשְׁמָע וְהֶחָדֵל
יֶחְדָּל כִּי בֵּי מְרִי הֵמָּה׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages