Ez 29

Full text search

Ez 29
Ez 29.1
בַּשָּׁנָה הָעֲשִׂירִית בָּעֲשִׂרִי בִּשְׁנֵים
עָשָׂר לַחֹדֶשׁ הָיָה דְבַר־יְהוָה
אֵלַי לֵאמֹר׃
Ez 29.2
בֶּנ־אָדָם שִׂים פָּנֶיךָ עַל־פַּרְעֹה
מֶלֶך מִצְרָיִם וְהִנָּבֵא עָלָיו
וְעַל־מִצְרַיִם כֻּלָּהּ׃
Ez 29.3
דַּבֵּר וְאָמַרְתָּ כֹּה־אָמַר אֲדֹנָי
יְהוִה הִנְנִי עָלֶיךָ פַּרְעֹה
מֶלֶכְ־מִצְרַיִם הַתַּנִּים הַגָּדוֺל
הָרֹבֵץ בְּתוֺך יְאֹרָיו אֲשֶׁר
אָמַר לִי יְאֹרִי וַאֲנִי עֲשִׂיתִנִי׃
Ez 29.4
וְנָתַתִּי 1 חַחִיִּים 2 חַחִים בִּלְחָיֶיךָ
וְהִדְבַּקְתִּי דְגַת־יְאֹרֶיךָ בְּקַשְׂקְשֹׂתֶיךָ
וְהַעֲלִיתִיךָ מִתּוֺך יְאֹרֶיךָ וְאֵת
כָּל־דְּגַת יְאֹרֶךָ בְּקַשְׂקְשֹׂתֶיךָ
תִּדְבָּק׃
Ez 29.5
וּנְטַשְׁתִּיךָ הַמִּדְבָּרָה אוֺתְךָ וְאֵת
כָּל־דְּגַת יְאֹרֶיךָ עַל־פְּנֵי
הַשָּׂדֶה תִּפּוֺל לֹא תֵאָסֵף וְלֹא
תִקָּבֵץ לְחַיַּת הָאָרֶץ וּלְעוֺ
הַשָּׁמַיִם נְתַתִּיךָ לְאָכְלָה׃
Ez 29.6
וְיָדְעוּ כָּל־יֺשְׁבֵי מִצְרַיִם כִּי
אֲנִי יְהוָה יַעַן הֱיֺותָם מִשְׁעֶנֶת
קָנֶה לְבֵית יִשְׂרָאֵל׃
Ez 29.7
בְּתָפְשָׂם בְּךָ 1 בַכַּפד 2 בַכַּף תֵּרוֺץ
וּבָקַעְתָּ לָהֶם כָּל־כָּתֵף וּבְהִשָּׁעֲנָם
עָלֶיךָ תִּשָּׁבֵר וְהַעֲמַדְתָּ לָהֶם
כָּל־מָתְנָיִם׃ ס
Ez 29.8
לָכֵן כֹּה אָמַר אֲדֹנָי יְהוִה
הִנְנִי מֵבִיא עָלַיִך חָרֶב וְהִכְרַתִּי
מִמֵּך אָדָם וּבְהֵמָה׃
Ez 29.9
וְהָיְתָה אֶרֶצ־מִצְרַיִם לִשְׁמָמָה
וְחָרְבָּה וְיָדְעוּ כִּי־אֲנִי יְהוָה
יַעַן אָמַר יְאֹר לִי וַאֲנִי עָשִׂיתִי׃
Ez 29.10
לָכֵן הִנְנִי אֵלֶיךָ וְאֶל־יְאֹרֶיךָ
וְנָתַתִּי אֶת־אֶרֶץ מִצְרַיִם לְחָרְבוֺת
חֹרֶב שְׁמָמָה מִמִּגְדֹּל סְוֵנֵה וְעַד־גְּבוּל
כּוּשׁ׃
Ez 29.11
לֹא תַעֲבָר־בָּהּ רֶגֶל אָדָם וְרֶגֶל
בְּהֵמָה לֹא תַעֲבָר־בָּהּ וְלֹא
תֵשֵׁב אַרְבָּעִים שָׁנָה׃
Ez 29.12
וְנָתַתִּי אֶת־אֶרֶץ מִצְרַיִם שְׁמָמָה
בְּתוֺך אֲרָצוֺת נְשַׁמּוֺת וְעָרֶיהָ
בְּתוֺך עָרִים מָחֳרָבוֺת תִּהְיֶיןָ
שְׁמָמָה אַרְבָּעִים שָׁנָה וַהֲפִצֹתִי
אֶת־מִצְרַיִם בַּגֺּויִם וְזֵרִיתִים
בָּאֲרָצוֺת׃ ף
Ez 29.13
כִּי כֹּה אָמַר אֲדֹנָי יְהוִה
מִקֵּץ אַרְבָּעִים שָׁנָה אֲקַבֵּץ אֶת־מִצְרַיִם
מִנ־הָעַמִּים אֲשֶׁר־נָפֹצוּ שָׁמָּה׃
Ez 29.14
וְשַׁבְתִּי אֶת־שְׁבוּת מִצְרַיִם וַהֲשִׁבֹתִי
אֹתָם אֶרֶץ פַּתְרוֺס עַל־אֶרֶץ
מְכוּרָתָם וְהָיוּ שָׁם מַמְלָכָה
שְׁפָלָה׃
Ez 29.15
מִנ־הַמַּמְלָכוֺת תִּהְיֶה שְׁפָלָה
וְלֹא־תִתְנַשֵּׂא עוֺד עַל־הַגֺּויִם
וְהִמְעַטְתִּים לְבִלְתִּי רְדוֺת בַּגֺּויִם׃
Ez 29.16
וְלֹא יִהְיֶה־עוֺד לְבֵית יִשְׂרָאֵל
לְמִבְטָח מַזְכִּיר עָוֺן בִּפְנֺותָם
אַחֲרֵיהֶם וְיָדְעוּ כִּי אֲנִי אֲדֹנָי
יְהוִה׃ ף
Ez 29.17
וַיְהִי בְּעֶשְׂרִים וָשֶׁבַע שָׁנָה
בָּרִאשׁוֺן בְּאֶחָד לַחֹדֶשׁ הָיָה
דְבַר־יְהוָה אֵלַי לֵאמֹר׃
Ez 29.18
בֶּנ־אָדָם נְבוּכַדְרֶאצַּר מֶלֶכְ־בָּבֶל
הֶעֱבִיד אֶת־חֵילוֺ עֲבֹדָה גְדֹלָה
אֶל־צֹר כָּל־רֹאשׁ מֻקְרָח וְכָל־כָּתֵף
מְרוּטָה וְשָׂכָר לֹא־הָיָה לוֺ
וּלְחֵילוֺ מִצֹּר עַל־הָעֲבֹדָה אֲשֶׁר־עָבַד
עָלֶיהָ׃ ס
Ez 29.19
לָכֵן כֹּה אָמַר אֲדֹנָי יְהוִה
הִנְנִי נֺתֵן לִנְבוּכַדְרֶאצַּר מֶלֶכְ־בָּבֶל
אֶת־אֶרֶץ מִצְרָיִם וְנָשָׂא הֲמֹנָהּ
וְשָׁלַל שְׁלָלָהּ וּבָזַז בִּזָּהּ וְהָיְתָה
שָׂכָר לְחֵילוֺ׃
Ez 29.20
פְּעֻלָּתוֺ אֲשֶׁר־עָבַד בָּהּ נָתַתִּי
לוֺ אֶת־אֶרֶץ מִצְרָיִם אֲשֶׁר
עָשׂוּ לִי נְאֻם אֲדֹנָי יְהוִה׃
ס
Ez 29.21
בַּיֺּום הַהוּא אַצְמִיחַ קֶרֶן לְבֵית
יִשְׂרָאֵל וּלְךָ אֶתֵּן פִּתְחוֺנ־פֶּה
בְּתוֺכָם וְיָדְעוּ כִּי־אֲנִי יְהוָה׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages