Ez 28

Full text search

Ez 28
Ez 28.1
וַיְהִי דְבַר־יְהוָה אֵלַי לֵאמֹר׃
Ez 28.2
בֶּנ־אָדָם אֱמֹר לִנְגִיד צֹר
כֹּה־אָמַר אֲדֹנָי יְהֹוִה יַעַן
גָּבַהּ לִבְּךָ וַתֹּאמֶר אֵל אָנִי
מוֺשַׁב אֱלֹהִים יָשַׁבְתִּי בְּלֵב
מִּים וְאַתָּה אָדָם וְלֹא־אֵל וַתִּתֵּן
לִבְּךָ כְּלֵב אֱלֹהִים׃
Ez 28.3
הִנֵּה חָכָם אַתָּה 1 מִדָּנִאֵל 2 מִדָּנִיאֵל
כָּל־סָתוּם לֹא עֲמָמוּךָ׃
Ez 28.4
בְּחָכְמָתְךָ וּבִתְבוּנָתְך עָשִׂיתָ
לְּךָ חָיִל וַתַּעַשׂ זָהָב וָכֶסֶף
בְּאוֺצְרוֺתֶיךָ׃
Ez 28.5
בְּרֹב חָכְמָתְךָ בִּרְכֻלָּתְךָ הִרְבִּיתָ
חֵילֶךָ וַיִּגְבַּהּ לְבָבְךָ בְּחֵילֶךָ׃
ס
Ez 28.6
לָכֵן כֹּה אָמַר אֲדֹנָי יְהוִה
יַעַן תִּתְּךָ אֶת־לְבָבְךָ כְּלֵב אֱלֹהִים׃
Ez 28.7
לָכֵן הִנְנִי מֵבִיא עָלֶיךָ זָרִים
עָרִיצֵי גֺּויִם וְהֵרִיקוּ חַרְבוֺתָם
עַל־יְפִי חָכְמָתֶךָ וְחִלְּלוּ יִפְעָתֶךָ׃
Ez 28.8
לַשַּׁחַת יֺורִדוּךָ וָמַתָּה מְמוֺתֵי
חָלָל בְּלֵב יַמִּים׃
Ez 28.9
הֶאָמֹר תֹּאמַר אֱלֹהִים אָנִי לִפְנֵי
הֹרְגֶךָ וְאַתָּה אָדָם וְלֹא־אֵל
בְּיַד מְחַלְלֶיךָ׃
Ez 28.10
מוֺתֵי עֲרֵלִים תָּמוּת בְּיַד־זָרִים
כִּי אֲנִי דִבַּרְתִּי נְאֻם אֲדֹנָי
יְהוִה׃ ס
Ez 28.11
וַיְהִי דְבַר־יְהוָה אֵלַי לֵאמֹר׃
Ez 28.12
בֶּנ־אָדָם שָׂא קִינָה עַל־מֶלֶך
צוֺר וְאָמַרְתָּ לּוֺ כֹּה אָמַר אֲדֹנָי
יְהוִה אַתָּה חוֺתֵם תָּכְנִית מָלֵא
חָכְמָה וּכְלִיל יֺפִי׃
Ez 28.13
בְּעֵדֶן גַּנ־אֱלֹהִים הָיִיתָ כָּל־אֶבֶן
יְקָרָה מְסֻכָתֶךָ אֹדֶם פִּטְדָה
וְיָהֲלֹם תַּרְשִׁישׁ שֹׁהַם וְיָשְׁפֵה
סַפִּיר נֺפֶך וּבָרְקַת וְהָב מְלֶאכֶת
תֻּפֶּיךָ וּנְקָבֶיךָ בָּך בְּיֺום הִבָּרַאֲךָ
כּוֺנָנוּ׃
Ez 28.14
אַתְּ־כְּרוּב מִמְשַׁח הַסּוֺכֵך וּנְתַתִּיךָ
בְּהַר קֹדֶשׁ אֱלֹהִים הָיִיתָ בְּתוֺך
אַבְנֵי־אֵשׁ הִתְהַלָּכְתָּ׃
Ez 28.15
תָּמִים אַתָּה בִּדְרָכֶיךָ מִיֺּום
הִבָּרְאָך עַד־נִמְצָא עַוְלָתָה בָּך׃
Ez 28.16
בְּרֹב רְכֻלָּתְךָ מָלוּ תוֺכְךָ חָמָס
וַתֶּחֱטָא וָאֶחַלֶּלְךָ מֵהַר אֱלֹהִים
וָאַבֶּדְךָ כְּרוּב הַסֹּכֵך מִתּוֺך
אַבְנֵי־אֵשׁ׃
Ez 28.17
גָּבַהּ לִבְּךָ בְּיָפְיֶךָ שִׁחַתָּ חָכְמָתְךָ
עַל־יִפְעָתֶךָ עַל־אֶרֶץ הִשְׁלַכְתִּיךָ
לִפְנֵי מְלָכִים נְתַתִּיךָ לְרַאֲוָה
בָך׃
Ez 28.18
מֵרֹב עֲוֺנֶיךָ בְּעֶוֶל רְכֻלָּתְךָ
חִלַּלְתָּ מִקְדָּשֶׁיךָ וָאוֺצִא־אֵשׁ
מִתּוֺכְךָ הִיא אֲכָלַתְךָ וָאֶתֶּנְךָ
לְאֵפֶר עַל־הָאָרֶץ לְעֵינֵי כָּל־רֹאֶיךָ׃
Ez 28.19
כָּל־יֺודְעֶיךָ בָּעַמִּים שָׁמְמוּ
עָלֶיךָ בַּלָּהוֺת הָיִיתָ וְאֵינְךָ
עַד־עוֺלָם׃ ף
Ez 28.20
וַיְהִי דְבַר־יְהוָה אֵלַי לֵאמֹר׃
Ez 28.21
בֶּנ־אָדָם שִׂים פָּנֶיךָ אֶל־צִידוֺן
וְהִנָּבֵא עָלֶיהָ׃
Ez 28.22
וְאָמַרְתָּ כֹּה אָמַר אֲדֹנָי יְהוִה
הִנְנִי עָלַיִך צִידוֺן וְנִכְבַּדְתִּי
בְּתוֺכֵך וְיָדְעוּ כִּי־אֲנִי יְהוָה
בַּעֲשׂוֺתִי בָהּ שְׁפָטִים וְנִקְדַּשְׁתִּי
בָהּ׃
Ez 28.23
וְשִׁלַּחְתִּי־בָהּ דֶּבֶר וָדָם בְּחוּצוֺתֶיהָ
וְנִפְלַל חָלָל בְּתוֺכָהּ בְּחֶרֶב
עָלֶיהָ מִסָּבִיב וְיָדְעוּ כִּי־אֲנִי
יְהוָה׃
Ez 28.24
וְלֹא־יִהְיֶה עוֺד לְבֵית יִשְׂרָאֵל
סִלּוֺן מַמְאִיר וְקוֺץ מַכְאִב
מִכֹּל סְבִיבֹתָם הַשָּׁאטִים אוֺתָם
וְיָדְעוּ כִּי אֲנִי אֲדֹנָי יְהוִה׃
ס
Ez 28.25
כֹּה־אָמַר אֲדֹנָי יְהוִה בְּקַבְּצִי
אֶת־בֵּית יִשְׂרָאֵל מִנ־הָעַמִּים
אֲשֶׁר נָפֹצוּ בָם וְנִקְדַּשְׁתִּי בָם
לְעֵינֵי הַגֺּויִם וְיָשְׁב עַל־אַדְמָתָם
אֲשֶׁר נָתַתִּי לְעַבְדִּי לְיַעֲקֹב׃
Ez 28.26
וְיָשְׁבוּ עָלֶיהָ לָבֶטַח וּבָנוּ
בָתִּים וְנָטְעוּ כְרָמִים וְיָשְׁבוּ
לָבֶטַח בַּעֲשׂוֺתִי שְׁפָטִים בְּכֹל
הַשָּׁאטִים אֹתָם מִסְּבִיבוֺתָם וְדְעוּ
כִּי אֲנִי יְהוָה אֱלֹהֵיהֶם׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages