Ez 22

Full text search

Ez 22
Ez 22.1
וַיְהִי דְבַר־יְהוָה אֵלַי לֵאמֹר׃
Ez 22.2
וְאַתָּה בֶנ־אָדָם הֲתִשְׁפֹּט הֲתִשְׁפֹּט
אֶת־עִיר הַדָּמִים וְהוֺדַעְתָּהּ
אֵת כָּל־תּוֺעֲבוֺתֶיהָ׃
Ez 22.3
וְאָמַרְתָּ כֹּה אָמַר אֲדֹנָי יְהוִה
עִיר שֹׁפֶכֶת דָּם בְּתוֺכָהּ לָבוֺא
עִתָּהּ וְעָשְׂתָה גִלּוּלִים עָלֶיהָ
לְטָמְאָה׃
Ez 22.4
בְּדָמֵך אֲשֶׁר־שָׁפַכְתְּ אָשַׁמְתְּ וּבְגִלּוּלַיִך
אֲשֶׁר־עָשִׂית טָמֵאת וַתַּקְרִיבִי
יָמַיִך וַתָּבוֺא עַד־שְׁנֺותָיִך
עַל־כֵּן נְתַתִּיך חֶרְֳָ לַגֺּויִם
וְקַלָּסָה לְכָל־הָאֲרָצוֺת׃
Ez 22.5
הַקְּרֹבוֺת וְהָרְחֹקוֺת מִמֵּך יִתְקַלְּסוּ־בָך
טְמֵאַת הַשֵּׁם רַבַּת הַמְּהוּמָה׃
Ez 22.6
הִנֵּה נְשִׂיאֵי יִשְׂרָאֵל אִישׁ
לִזְרֹעוֺ הָיוּ בָך לְמַעַן שְׁפָכְ־דָּם׃
Ez 22.7
אָב וָאֵם הֵקַלּוּ בָך לַגֵּר עָשׂוּ
בַעֹשֶׁק בְּתוֺכֵך יָתוֺם וְאַלְמָנָה
הוֺנוּ בָך׃
Ez 22.8
קָדָשַׁי בָּזִית וְאֶת־שַׁבְּתֹתַי
חִלָּלְתְּ׃
Ez 22.9
אַנְשֵׁי רָכִיל הָיוּ בָך לְמַעַן
שְׁפָכְ־דָּם וְאֶל־הֶהָרִים אָכְלוּ
בָך זִמָּה עָשׂוּ בְתוֺכֵך׃
Ez 22.10
עֶרְוַת־אָב גִּלָּה־בָך טְמֵאַת הַנִּדָּה
עִנּוּ־בָך׃
Ez 22.11
וְאִישׁ אֶת־אֵשֶׁת רֵעֵהוּ עָשָׂה
תּוֺעֵבָה וְאִישׁ אֶת־כַּלָּתוֺ טִמֵּא
בְזִמָּה וְאִישׁ אֶת־אֲחֹתוֺ בַת־אָבִיו
עִנָּה־בָך׃
Ez 22.12
שֹׁחַד לָקְחוּ־בָך לְמַעַן שְׁפָכְ־דָּם
נֶשֶׁך וְתַרְבִּית לָקַחַתְּ וַתְּבַצְּעִי
רֵעַיִך בַּעֹשֶׁק וְאֹתִי שָׁכַחַתְּ נְאֻם
אֲדֹנָי יְהוִה׃
Ez 22.13
וְהִנֵּה הִכֵּיתִי כַפִּי אֶל־בִּצְעֵך
אֲשֶׁר עָשִׂית וְעַל־דָּמֵך אֲשֶׁר
הָיוּ בְּתוֺכֵך׃
Ez 22.14
הֲיַעֲמֹד לִבֵּך אִמ־תֶּחֱזַקְנָה יָדַיִך
לַיָּמִים אֲשֶׁר אֲנִי עֹשֶׂה אוֺתָך
אֲנִי יְהוָה דִּבַּרְתִּי וְעָשִׂיתִי׃
Ez 22.15
וַהֲפִיצוֺתִי אוֺתָך בַּגֺּויִם
וְזֵרִיתִיך בָּאֲרָצוֺת וַהֲתִמֹּתִי
טֻמְאָתֵך מִמֵּך׃
Ez 22.16
וְנִחַלְתְּ בָּך לְעֵינֵי גֺויִם
וְיָדַעַתְּ כִּי־אֲנִי יְהוָה׃ ף
Ez 22.17
וַיְהִי דְבַר־יְהוָה אֵלַי לֵאמֹר׃
Ez 22.18
בֶּנ־אָדָם הָיוּ־לִי בֵית־יִשְׂרָאֵל 1 לְסוּג 2 לְסִיג
כֻּלָּם נְחֹשֶׁת וּבְדִיל וּבַרְזֶל
וְעוֺפֶרֶת בְּתוֺך כּוּר סִגִים
כֶּסֶף הָיוּ׃ ס
Ez 22.19
לָכֵן כֹּה אָמַר אֲדֹנָי יְהוִה
יַעַן הֱיֺות כֻּלְּכֶם לְסִגִים
לָכֵן הִנְנִי קֹבֵץ אֶתְכֶם אֶל־תּוֺך
יְרוּשָׁלִָם׃
Ez 22.20
קְבֻצַת כֶּסֶף וּנְחֹשֶׁת וּבַרְזֶל
וְעוֺפֶרֶת וּבְדִיל אֶל־תּוֺך כּוּר
לָפַחַת־עָלָיו אֵשׁ לְהַנְתִּיך
כֵּן אֶקְבֹּץ בְּאַפִּי וּבַחֲמָתִי וְהִנַּחְתִּי
וְהִתַּכְתִּי אֶתְכֶם׃
Ez 22.21
וְכִנַּסְתִּי אֶתְכֶם וְנָפַחְתִּי עֲלֵיכֶם
בְּאֵשׁ עֶבְרָתִי וְנִתַּכְתֶּם בְּתוֺכָהּ׃
Ez 22.22
כְּהִתּוּך כֶּסֶף בְּתוֺך כּוּר כֵּן
תֻּתְּכוּ בְתוֺכָהּ וִידַעְתֶּם כִּי־אֲנִי
יְהוָה שָׁפַכְתִּי חֲמָתִי עֲלֵיכֶם׃
ף
Ez 22.23
וַיְהִי דְבַר־יְהוָה אֵלַי לֵאמֹר׃
Ez 22.24
בֶּנ־אָדָם אֱמָר־לָהּ אַתְּ אֶרֶץ
לֹא מְטֹהָרָה הִיא לֹא גֻשְׁמָהּ
בְּיֺום זָעַם׃
Ez 22.25
קֶשֶׁר נְבִיאֶיהָ בְּתוֺכָהּ כַּאֲרִי
שׁוֺאֵג טֹרֵף טָרֶף נֶפֶשׁ אָכָלוּ
חֹסֶן וִיקָר יִקָּחוּ אַלְמְנֺותֶיהָ
הִרְבּוּ בְתוֺכָהּ׃
Ez 22.26
כֹּהֲנֶיהָ חָמְסוּ תוֺרָתִי וַיְחַלְּלוּ
קָדָשַׁי בֵּינ־קֹדֶשׁ לְחֹל לֹא
הִבְדִּילוּ וּבֵינ־הַטָּמֵא לְטָהוֺר
לֹא הוֺדִיעוּ וּמִשַׁבְּתוֺתַי הֶעְלִיוּ
עֵינֵיהֶם וָאֵחַל בְּתוֺכָם׃
Ez 22.27
שָׂרֶיהָ בְקִרְבָּהּ כִּזְאֵבִים טֹרְפֵי
טָרֶף לִשְׁפָּכְ־דָּם לְאַבֵּד נְפָשׁוֺת
לְמַעַן בְּצֹעַ בָּצַע׃
Ez 22.28
וּנְבִיאֶיהָ טָחוּ לָהֶם תָּפֵל
חֹזִים שָׁוְא וְקֹסְמִים לָהֶם כָּזָב
אֹמְרִים כֹּה אָמַר אֲדֹנָי יְהוִה
וַיהוָה לֹא דִבֵּר׃
Ez 22.29
עַם הָאָרֶץ עָשְׁקוּ עֹשֶׁק וְגָזְלוּ
גָּזֵל וְעָנִי וְאֶבְיֺון הוֺנוּ
וְאֶת־הַגֵּר עָשְׁקוּ בְּלֹא מִשְׁפָּט׃
Ez 22.30
וָאֲבַקֵּשׁ מֵהֶם אִישׁ גֺּדֵר־גָּדֵר
וְעֹמֵד בַּפֶּרֶץ לְפָנַי בְּעַד הָאָרֶץ
לְבִלְתִּי שַׁחֲתָהּ וְלֹא מָצָאתִי׃
Ez 22.31
וָאֶשְׁפֹּך עֲלֵיהֶם זַעְמִי בְּאֵשׁ
עֶבְרָתִי כִּלִּיתִים דַּרְכָּם בְּרֹאשָׁם
נָתַתִּי נְאֻם אֲדֹנָי יְהֹוִה׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages