Ez 14

Full text search

Ez 14
Ez 14.1
וַיָּבוֺא אֵלַי אֲנָשִׁים מִזִּקְנֵי
יִשְׂרָאֵל וַיֵּשְׁבוּ לְפָנָי׃ ף
Ez 14.2
וַיְהִי דְבַר־יְהוָה אֵלַי לֵאמֹר׃
Ez 14.3
בֶּנ־אָדָם הָאֲנָשִׁים הָאֵלֶּה הֶעֱלוּ
גִלּוּלֵיהֶם עַל־לִבָּם וּמִכְשׁוֺל
עֲוֺנָם נָתְנוּ נֺכַח פְּנֵיהֶם הַאִדָּרֹשׁ
אִדָּרֵשׁ לָהֶם׃ ס
Ez 14.4
לָכֵן דַּבֵּר־אוֺתָם וְאָמַרְתָּ אֲלֵיהֶם
כֹּה־אָמַר אֲדֹנָי יְהוִה אִישׁ
אִישׁ מִבֵּית יִשְׂרָאֵל אֲשֶׁר יַעֲלֶה
אֶת־גִּלּוּלָיו אֶל־לִבּוֺ וּמִשׁוֺל
עֲוֺנֺו יָשִׂים נֺכַח פָּנָיו וּבָא
אֶל־הַנָּבִיא אֲנִי יְהוָה נַעֲנֵיתִי
לוֺ 1 בָהּ 2 בָא בְּרֹב גִּלּוּלָיו׃
Ez 14.5
לְמַעַן תְּפֹשׂ אֶת־בֵּית־יִשְׂרָאֵל
בְּלִבָּם אֲשֶׁר נָזֺרוּ מֵעָלַי בְּגִלּוּלֵיהֶם
כֻּלָּם׃ ס
Ez 14.6
לָכֵן אֱמֹר אֶל־בֵּית יִשְׂרָאֵל
כֹּה אָמַר אֲדֹנָי יְהוִה שׁוּבוּ
וְהָשִׁיבוּ מֵעַל גִּלּוּלֵיכֶם וּמֵעַל
כָּל־תּוֺעֲבֹתֵיכֶם הָשִׁיבוּ פְנֵים׃
Ez 14.7
כִּי אִישׁ אִישׁ מִבֵּית יִשְׂרָאֵל
וּמֵהַגֵּר אֲשֶׁר־יָגוּר בְּיִשְׂרָאֵל
וְיִנָּזֵר מֵאַחֲרַי וְיַעַל גִּלּוּלָיו
אֶל־לִבּוֺ וּמִכְשׁוֺל עֲוֺנֺו יָשִׂים
נֺכַח פָּנָיו וּבָא אֶל־הַנָּבִיא
לִדְרָשׁ־לוֺ בִי אֲנִי יְהוָה נַעֲנֶה־לּוֺ
בִּי׃
Ez 14.8
וְנָתַתִּי פָנַי בָּאִישׁ הַהוּא
וַהֲשִׂמֹתִיהוּ לְאוֺת וְלִמְשָׁלִים
וְהִכְרַתִּיו מִתּוֺך עַמִּי וִידַעְתֶּם
כִּי־אֲנִי יְהוָה׃ ס
Ez 14.9
וְהַנָּבִיא כִי־יְפֻתֶּה וְדִבֶּר דָּבָר
אֲנִי יְהוָה פִּתֵּיתִי אֵת הַנָּבִיא
הַהוּא וְנָטִיתִי אֶת־יָדִי עָלָיו
וְהִשְׁמַדְתִּיו מִתּוֺך עַמִּי יִשְׂרָאֵל׃
Ez 14.10
וְנָשְׂאוּ עֲוֺנָם כַּעֲוֺן הַדֹּרֵשׁ
כַּעֲוֺן הַנָּבִיא יִהְיֶה׃
Ez 14.11
לְמַעַן לֹא־יִתְעוּ עוֺד בֵּית־יִשְׂרָאֵל
מֵאַחֲרַי וְלֹא־יִטַּמְּאוּ עוֺד בְּכָל־פִּשְׁעֵיהֶם
וְהָיוּ לִי לְעָם וַאֲנִי אֶהְיֶה
לָהֶם לֵלֹהִים נְאֻם אֲדֹנָי יְהוִה׃
ף
Ez 14.12
וַיְהִי דְבַר־יְהוָה אֵלַי לֵאמֹר׃
Ez 14.13
בֶּנ־אָדָם אֶרֶץ כִּי תֶחֱטָא־לִי
לִמְעָל־מַעַל וְנָטִיתִי יָדִי עָלֶיהָ
וְשָׁבַרְתִּי לָהּ מַטֵּה־לָחֶם וְהִשְׁלַחְתִּי־בָהּ
רָעָב וְהִכְרַתִּי מִמֶּנָּה אָדָם וּבְהֵמָה׃
Ez 14.14
וְהָיוּ שְׁלֹשֶׁת הָאֲנָשִׁים הָאֵלֶּה
בְּתוֺכָהּ נֺחַ 1 דָּנִאֵל 2 דָּנִיאֵל וְאִיֺּוב
הֵמָּה בְצִדְקָתָם יְנַצְּלוּ נַפְשָׁם
נְאֻם אֲדֹנָי יְהוִה׃
Ez 14.15
לוּ־חַיָּה רָעָה אַעֲבִיר בָּאָרֶץ
וְשִׁכְּלָתָּה וְהָיְתָה שְׁמָמָה מִבְּלִי
עוֺבֵר מִפְּנֵי הַחַיָּה׃
Ez 14.16
שְׁלֹשֶׁת הָאֲנָשִׁים הָאֵלֶּה בְּתוֺכָהּ
חַי־אָנִי נְאֻם אֲדֹנָי יְהוִה
אִמ־בָּנִים וְאִמ־בָּנֺות יַצִּילוּ
הֵמָּה לְבַדָּם יִנָּצֵלוּ וְהָאָרֶץ
הְיֶה שְׁמָמָה׃
Ez 14.17
אוֺ חֶרֶב אָבִיא עַל־הָאָרֶץ הַהִיא
וְאָמַרְתִּי חֶרֶב תַּעֲבֹר בָּאָרֶץ
וְהִכְרַתִּי מִמֶּנָּה אָדָם וּבְהֵמָה׃
Ez 14.18
וּשְׁלֹשֶׁת הָאֲנָשִׁים הָאֵלֶּה בְּתוֺכָהּ
חַי־אָנִי נְאֻם אֲדֹנָי יְהוִה
לֹא יַצִּילוּ בָּנִים וּבָנֺות כִּי
הֵם לְבַדָּם יִנָּצֵלוּ׃
Ez 14.19
אוֺ דֶּבֶר אֲשַׁלַּח אֶל־הָאָרֶץ הַהִיא
וְשָׁפַכְתִּי חֲמָתִי עָלֶיהָ בְּדָם
לְהַכְרִית מִמֶּנָּה אָדָם וּבְהֵמָה׃
Ez 14.20
וְנֺחַ 1 דָּנִאֵל 2 דָּנִיאֵל וְאִיֺּוב
בְּתוֺכָהּ חַי־אָנִי נְאֻם אֲדֹנָי
יְהוִה אִמ־בֵּן אִמ־בַּת יַצִּילוּ
הֵמָּה בְצִדְקָתָם יַצִּילוּ נַפְשָׁם
ף
Ez 14.21
כִּי כֹה אָמַר אֲדֹנָי יְהֹוִה אַף
כִּי־אַרְבַּעַת שְׁפָטַי הָרָעִים
חֶרֶב וְרָעָב וְחַיָּה רָעָה וָדֶבֶר
שִׁלַּחְתִּי אֶל־יְרוּשָׁלִָם לְהַכְרִית
מִמֶּנָּה אָדָם וּבְהֵמָה׃
Ez 14.22
וְהִנֵּה נֺותְרָה־בָּהּ פְּלֵטָה הַמּוּצָאִים
בָּנִים וּבָנֺות הִנָּם יֺוצְאִים
אֲלֵיכֶם וּרְאִיתֶם אֶת־דַּרְכָּם
וְאֶת־עֲלִילוֺתָם וְנִחַמְתֶּ עַל־הָרָעָה
אֲשֶׁר הֵבֵאתִי עַל־יְרוּשָׁלִַם אֵת
כָּל־אֲשֶׁר הֵבֵאתִי עָלֶיהָ׃
Ez 14.23
וְנִחֲמוּ אֶתְכֶם כִּי־תִרְאוּ אֶת־דַּרְכָּם
וְאֶת־עֲלִילוֺתָם וִידַעְתֶּם כִּי
לֹא חִנָּם עָשִׂיתִי אֵת כָּל־אֲשֶׁר־עָשִׂיתִי
בָהּ נְאֻם אֲנָי יְהֹוִה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages