Ez 12

Full text search

Ez 12
Ez 12.1
וַיְהִי דְבַר־יְהוָה אֵלַי לֵאמֹר׃
Ez 12.2
בֶּנ־אָדָם בְּתוֺך בֵּית־הַמֶּרִי
אַתָּה יֺשֵׁב אֲשֶׁר עֵינַיִם לָהֶם
לִרְאוֺת וְלֹא רָאוּ אָזְנַיִם לָהֶם
לִשְׁמֹעַ וְלֹא שָׁמֵעוּ כִּי בֵּי
מְרִי הֵם׃
Ez 12.3
וְאַתָּה בֶנ־אָדָם עֲשֵׂה לְךָ כְּלֵי
גֺולָה וּגְלֵה יֺומָם לְעֵינֵיהֶם
וְגָלִיתָ מִמְּקוֺמְךָ אֶל־מָקוֺם
אַחֵר לְעֵינֵיהֶם אוּלַי יִרְאוּ
כִּי בֵּית מְרִי הֵמָּה׃
Ez 12.4
וְהוֺצֵאתָ כֵלֶיךָ כִּכְלֵי גֺולָה
יֺומָם לְעֵינֵיהֶם וְאַתָּה תֵּצֵא
בָעֶרֶב לְעֵינֵיהֶם כְּמוֺצָאֵי גֺּולָה׃
Ez 12.5
לְעֵינֵיהֶם חֲתָר־לְךָ בַקִּיר
וְהוֺצֵאתָ בּוֺ׃
Ez 12.6
לְעֵינֵיהֶם עַל־כָּתֵף תִּשָּׂא בָּעֲלָטָה
תוֺצִיא פָּנֶיךָ תְכַסֶּה וְלֹא תִרְאֶה
אֶת־הָאָרֶץ כִּי־מוֺפֵת נְתַתִּיךָ
לְבֵית יִשְׂרָאֵל׃
Ez 12.7
וָאַעַשׂ כֵּן כַּאֲשֶׁר צֻוֵּיתִי כֵּלַי
הוֺצֵאתִי כִּכְלֵי גֺולָה יֺומָם
וּבָעֶרֶב חָתַרְתִּי־לִי בַקִּיר בְּיָד
בָּעֲלָטָה הוֺצֵאתִי עַל־כָּתֵ נָשָׂאתִי
לְעֵינֵיהֶם׃ ף
Ez 12.8
וַיְהִי דְבַר־יְהוָה אֵלַי בַּבֹּקֶר
לֵאמֹר׃
Ez 12.9
בֶּנ־אָדָם הֲלֹא אָמְרוּ אֵלֶיךָ
בֵּית יִשְׂרָאֵל בֵּית הַמֶּרִי מָה
אַתָּה עֹשֶׂה׃
Ez 12.10
אֱמֹר אֲלֵיהֶם כֹּה אָמַר אֲדֹנָי
יְהֹוִה הַנָּשִׂיא הַמַּשָּׂא הַזֶּה בִּירוּשָׁלַם
וְכָל־בֵּית יִשְׂרָאֵל אֲשֶׁר־הֵמָּה
בְתוֺכָם׃
Ez 12.11
אֱמֹר אֲנִי מוֺפֶתְכֶם כַּאֲשֶׁר עָשִׂיתִי
כֵּן יֵעָשֶׂה לָהֶם בַּגֺּולָה בַשְּׁבִי
יֵלֵכוּ׃
Ez 12.12
וְהַנָּשִׂיא אֲשֶׁר־בְּתוֺכָם אֶל־כָּתֵף
יִשָּׂא בָּעֲלָטָה וְיֵצֵא בַּקִּיר יַחְתְּרוּ
לְהוֺצִיא בוֺ פָּנָיו יְכַסֶּה יַעַן
אֲשֶׁר לֹא־יִרְאֶה לַעַיִן הוּא
אֶת־הָאָרֶץ׃
Ez 12.13
וּפָרַשְׂתִּי אֶת־רִשְׁתִּי עָלָיו
וְנִתְפַּשׂ בִּמְצוּדָתִי וְהֵבֵאתִי
אֹתוֺ בָבֶלָה אֶרֶץ כַּשְׂדִּים וְאוֺתָהּ
לֹא־יִרְאֶה וְשָׁם יָמוּת׃
Ez 12.14
וְכֹל אֲשֶׁר סְבִיבֹתָיו 1 עֶזְרֹה 2 עֶזְרוֺ
וְכָל־אֲגַפָּיו אֱזָרֶה לְכָל־רוּחַ
וְחֶרֶב אָרִיק אַחֲרֵיהֶם׃
Ez 12.15
וְיָדְעוּ כִּי־אֲנִי יְהוָה בַּהֲפִיצִי
אוֺתָם בַּגֺּויִם וְזֵרִיתִי אוֺתָם
בָּאֲרָצוֺת׃
Ez 12.16
וְהוֺתַרְתִּי מֵהֶם אַנְשֵׁי מִסְפָּר
מֵחֶרֶב מֵרָעָב וּמִדָּבֶר לְמַעַן
יְסַפְּרוּ אֶת־כָּל־תּוֺעֲבוֺתֵיהֶם
בַּגֺּויִם אֲשֶׁר־בָּאוּ שָׁם וְיָדְעוּכִּי־אֲנִי
יְהוָה׃ ף
Ez 12.17
וַיְהִי דְבַר־יְהוָה אֵלַי לֵאמֹר׃
Ez 12.18
בֶּנ־אָדָם לַחְמְךָ בְּרַעַשׁ תֹּאכֵל
וּמֵימֶיךָ בְּרָגְזָה וּבִדְאָגָה תִּשְׁתֶּה׃
Ez 12.19
וְאָמַרְתָּ אֶל־עַם הָאָרֶץ כֹּה־אָמַר
אֲדֹנָי יְהוִה לְיֺושְׁבֵי יְרוּשָׁלִַם
אֶל־אַדְמַת יִשְׂרָאֵל לַחְמָם בִּדְאָגָה
יֺאכֵלוּ וּמֵימֵיהֶם בְּשִׁמָּמוֺן
יִשְׁתּוּ לְמַעַן תֵּשַׁם אַרְצָהּ מִמְּלֹאָהּ
מֵחֲמַס כָּל־הַיֺּשְׁבִים בָּהּ׃
Ez 12.20
וְהֶעָרִים הַנֺּושָׁבוֺת תֶּחֱרַבְנָה
וְהָאָרֶץ שְׁמָמָה תִהְיֶה וִידַעְתֶּם
כִּי־אֲנִי יְהוָה׃ ף
Ez 12.21
וַיְהִי דְבַר־יְהוָה אֵלַי לֵאמֹר׃
Ez 12.22
בֶּנ־אָדָם מָה־הַמָּשָׁל הַזֶּה לָכֶם
עַל־אַדְמַת יִשְׂרָאֵל לֵאמֹר יַאַרְכוּ
הַיָּמִים וְאָבַד כָּל־חָזֺון׃
Ez 12.23
לָכֵן אֱמֹר אֲלֵיהֶם כֹּה־אָמַר
אֲדֹנָי יְהוִה הִשְׁבַּתִּי אֶת־הַמָּשָׁל
הַזֶּה וְלֹא־יִמְשְׁלוּ אֹתִֹו עוֺד
בְּיִשְׂרָאֵל כִּי אִמ־דַּבֵּר לֵיהֶם
קָרְבוּ הַיָּמִים וּדְבַר כָּל־חָזֺון׃
Ez 12.24
כִּי לֹא יִהְיֶה עוֺד כָּל־חֲזֺון
שָׁוְא וּמִקְסַם חָלָק בְּתוֺך בֵּית
יִשְׂרָאֵל׃
Ez 12.25
כִּי אֲנִי יְהוָה אֲדַבֵּר אֵת אֲשֶׁר
אֲדַבֵּר דָּבָר וְיֵעָשֶׂה לֹא תִמָּשֵׁך
עוֺד כִּי בִימֵיכֶם בֵּית הַמֶּרִי
אֲדַבֵּר דָּבָר וַעֲשִׂיתִיו נְאֻם
אֲדֹנָי יְהוִה׃ ף
Ez 12.26
וַיְהִי דְבַר־יְהוָה אֵלַי לֵאמֹר׃
Ez 12.27
בֶּנ־אָדָם הִנֵּה בֵית־יִשְׂרָאֵל
אֹמְרִים הֶחָזֺון אֲשֶׁר־הוּא חֹזֶה
לְיָמִים רַבִּים וּלְעִתִּים רְחוֺקוֺת
הוּא נִבָּא׃
Ez 12.28
לָכֵן אֱמֹר אֲלֵיהֶם כֹּה אָמַר
אֲדֹנָי יְהוִה לֹא־תִמָּשֵׁך עוֺד
כָּל־דְּבָרָי אֲשֶׁר אֲדַבֵּר דָּבָר
וְיֵעָשֶׂה נְאֻם אֲדֹנָי יְהוִה׃
 

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages