Ez 10

Full text search

Ez 10
Ez 10.1
וָאֶרְאֶה וְהִנֵּה אֶל־הָרָקִיעַ אֲשֶׁר
עַל־רֹאשׁ הַכְּרֻבִים כְּאֶבֶן סַפִּיר
כְּמַרְאֵה דְּמוּת כִּסֵּא נִרְאָה עֲלֵיהֶם׃
Ez 10.2
וַיֺּאמֶר אֶל־הָאִישׁ לְבֻשׁ הַבַּדִּים
וַיֺּאמֶר בֹּא אֶל־בֵּינֺות לַגַּלְגַּל
אֶל־תַּחַת לַכְּרוּב וּמַלֵּא חָפְנֶיךָ
גַחֲלֵי־אֵשׁ מִבֵּינֺות לַכְּרֻבִים
וּזְרֹק עַל־הָעִיר וַיָּבֹא לְעֵינָי׃
Ez 10.3
וְהַכְּרֻבִים עֹמְדִים מִימִין לַבַּיִת
בְּבֹאוֺ הָאִישׁ וְהֶעָנָן מָלֵא אֶת־הֶחָצֵר
הַפְּנִימִית׃
Ez 10.4
וַיָּרָם כְּבוֺד־יְהוָה מֵעַל הַכְּרוּב
עַל מִפְתַּן הַבָּיִת וַיִּמָּלֵא הַבַּיִת
אֶת־הֶעָנָן וְהֶחָצֵר מָלְאָה אֶת־נֺגַהּ
כְּבוֺד יְהוָה׃
Ez 10.5
וְקוֺל כַּנְפֵי הַכְּרוּבִים נִשְׁמַע
עַד־הֶחָצֵר הַחִיצֹנָה כְּקוֺל אֵל־שַׁדַּי
בְּדַבְּרוֺ׃
Ez 10.6
וַיְהִי בְּצַוֺּתוֺ אֶת־הָאִישׁ לְבֻשׁ־הַבַּדִּים
לֵאמֹר קַח אֵשׁ מִבֵּינֺות לַגַּלְגַּל
מִבֵּינֺות לַכְּרוּבִים וַיָּבֹא
וַיַּעֲמֹד אֵצֶל הָאוֺן׃
Ez 10.7
וַיִּשְׁלַח הַכְּרוּב אֶת־יָדוֺ מִבֵּינֺות
לַכְּרוּבִים אֶל־הָאֵשׁ אֲשֶׁר בֵּינֺות
הַכְּרֻבִים וַיִּשָּׂא וַיִּתֵּן אֶל־חָפְנֵי
לְבֻשׁ הַבַּדִּים וַיִּקַּח וַיֵּצֵא׃
Ez 10.8
וַיֵּרָא לַכְּרֻבִים תַּבְנִית יַד־אָדָם
תַּחַת כַּנְפֵיהֶם׃
Ez 10.9
וָאֶרְאֶה וְהִנֵּה אַרְבָּעָה אוֺפַנִּים
אֵצֶל הַכְּרוּבִים אוֺפַן אֶחָד
אֵצֶל הַכְּרוּב אֶחָד וְאוֺפַן אֶחָד
אֵצֶל הַכְּרוּב אֶחָד וּמַרְאֵה
אוֺפַנִּים כְּעֵין אֶבֶן תַּרְשִׁישׁ׃
Ez 10.10
וּמַרְאֵיהֶם דְּמוּת אֶחָד לְאַרְבַּעְתָּם
כַּאֲשֶׁר יִהְיֶה הָאוֺפַן בְּתוֺך
הָאוֺפָן׃
Ez 10.11
בְּלֶכְתָּם אֶל־אַרְבַּעַת רִבְעֵיהֶם
יֵלֵכוּ לֹא יִסַּבּוּ בְּלֶכְתָּם כִּי
הַמָּקוֺם אֲשֶׁר־יִפְנֶה הָרֹאשׁ אַחֲרָיו
יֵלֵכוּ לֹא יִסַּבּוּ בְּלֶתָּם׃
Ez 10.12
וְכָל־בְּשָׂרָם וְגַבֵּהֶם וִידֵיהֶם
וְכַנְפֵיהֶם וְהָאוֺפַנִּים מְלֵאִים
עֵינַיִם סָבִיב לְאַרְבַּעְתָּם אוֺפַנֵּיהֶם׃
Ez 10.13
לָאוֺפַנִּים לָהֶם קוֺרָא הַגַּלְגַּל
בְּאָזְנָי׃
Ez 10.14
וְאַרְבָּעָה פָנִים לְאֶחָד פְּנֵי
הָאֶחָד פְּנֵי הַכְּרוּב וּפְנֵי
הַשֵּׁנִי פְּנֵי אָדָם וְהַשְּׁלִישִׁי
פְּנֵי אַרְיֵה וְהָרְבִיעִי פְּנֵי־נָשֶׁר׃
Ez 10.15
וַיֵּרֹמּוּ הַכְּרוּבִים הִיא הַחַיָּה
אֲשֶׁר רָאִיתִי בִּנְהַר־כְּבָר׃
Ez 10.16
וּבְלֶכֶת הַכְּרוּבִים יֵלְכוּ הָאוֺפַנִּים
אֶצְלָם וּבִשְׂאֵת הַכְּרוּבִים אֶת־כַּנְפֵיהֶם
לָרוּם מֵעַל הָאָרֶץ לֹא־יִסַּבּוּ
הָאוֺפַנִּים גַּמ־הֵממֵאֶצְלָם׃
Ez 10.17
בְּעָמְדָם יַעֲמֹדוּ וּבְרוֺמָם יֵרוֺמּוּ
אוֺתָם כִּי רוּחַ הַחַיָּה בָּהֶם׃
Ez 10.18
וַיֵּצֵא כְּבוֺד יְהוָה מֵעַל מִפְתַּן
הַבָּיִת וַיַּעֲמֹד עַל־הַכְּרוּבִים׃
Ez 10.19
וַיִּשְׂאוּ הַכְּרוּבִים אֶת־כַּנְפֵיהֶם
וַיֵּרוֺמּוּ מִנ־הָאָרֶץ לְעֵינַי
בְּצֵאתָם וְהָאוֺפַנִּים לְעֻמָּתָם
וַיַּעֲמֹד פֶּתַח שַׁעַר בֵּית־יְהוָההַקַּדְמוֺנִי
וּכְבוֺד אֱלֹהֵי־יִשְׂרָאֵל עֲלֵיהֶם
מִלְמָעְלָה׃
Ez 10.20
הִיא הַחַיָּה אֲשֶׁר רָאִיתִי תַּחַת
אֱלֹהֵי־יִשְׂרָאֵל בִּנְהַר־כְּבָר
וָאֵדַע כִּי כְרוּבִים הֵמָּה׃
Ez 10.21
אַרְבָּעָה אַרְבָּעָה פָנִים לְאֶחָד
וְאַרְבַּע כְּנָפַיִם לְאֶחָד וּדְמוּת
יְדֵי אָדָם תַּחַת כַּנְפֵיהֶם׃
Ez 10.22
וּדְמוּת פְּנֵיהֶם הֵמָּה הַפָּנִים
אֲשֶׁר רָאִיתִי עַל־נְהַר־כְּבָר
מַרְאֵיהֶם וְאוֺתָם אִישׁ אֶל־עֵבֶר
פָּנָיו יֵלֵכוּ׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages